مادري شسوي اتكلم ولا اسكت

[Kitty^_-Kat]

السلام عليكم

بنات انا ساكنه بشقه تمليك الشقه اللي فوقي اليوم اسمع صراخ بنيه صغيره تبجيي حيل جنه احد طاقها
لانها موداخل البيت كانت برا قلت مومعقوله ام تعاقب بنتها بهالطريقه وهيا تبجي تقول ابي مماتي
عاد جان اقول حق ريلي روح شوفها جان يقولي لاتتدخلين مالنا شغل


كانت الساعه 4 توا الحين من شوي نفس الشي طلعت برا تصارخ انا وريلي قاعدين بالصاله ماقدر يسكت جان يطلع
قالها وين ماما قالت داخل يت الخدامه خذتها جان يقولها وين ماما وبابا جان تقوله طالعين بيت ماما كبير

ورد قالي اللي صار انا وهوا شاكين انه الخدامه تاذيها يقول شلون مخلينها بروحها معاها

مادري اكلم امها وشلون احاجيها انا اخاف اول مره يصيرلي هالموقف

 

[20Fils]

لااازم تحاجين امهااا مدام الخدامه تقطها بره وماكو احد بالبيت اكيد تأذيهاا ..


لا تسكتين حراام ..

 

[غمزه وإبتسامه]

حاجي امهااا لازم

 

[Kitty^_-Kat]

انا قلت جذي بس خايفه لاني ماعرفهم

 

[ازمه وتعدي]

اتصلى على الشرطه خل يشووفون سالفه البنت والا فى ام تترك بنتها عند الخدامه تعذبها على حسب كلامك كل يوم البنت تنطق وين اهلها


عنها



يمكن تحس على دمها شووى وتخاف لك الا جر لوو تنقذى هالبنت من اللى تتعرض له تخيلى تكون بنتك والا ولدك تحت رحمه ظالم والا


ظالمه


اتصلى عليهم وقولى فاعله خير حراام اللى قاعد يصير للبنت والله حراام الله لا يوفق من يعذبها

 

[Kitty^_-Kat]

لالالا ماقلت كل يوم

اليوم هذاا صاار

وانا مومتاكده باللي صاير من بس اللي فهمناه انه اهمه موبالبيت

وانا سمعتها تبجي مرتين برا الشقه

اخاف اكلم الام تعصب علي واتقولي شكو من هالحجي

بس ماقدر ادق على الشرطه

 

[حرم يوسف بيك]

رد : مادري شسوي اتكلم ولا اسكت

الله يحفظ عيالنا من شر الخدم يولدونهم ويقطونهم على الخدم والام ماتخاف على بنتها ومالها قلب قاطتها عند الخدامه وزايره مادري الام شنو بكون ردة فعلها يا انها بتقولج انتي شكو وانا عارفه خدامتي او انها راح تشكر منج وتراقب خدامتها بس اتوقعها من النوع الاول بس حرام الياهل اتأذى جذي افففففف من شر هالخدم

 

[بنت المنصور]

لا تدخلين الشرطة تو الناس على الشرطة كلمي الام وقولي لها السالفه كلها وبعدين عقب ماتقولين لها شوفي في تغير ولا لا اذا مافي

حرام يمكن تسوي شي في البنت وليش تخافين انتي شمسوية بالعكس لازم تخافين لما تسكتين حرام ماتدرين شنو تسوي بالبنت هذول

مو صاحين مينن

 

[حلمي بر أبنائي]

رد : مادري شسوي اتكلم ولا اسكت

أتوقع لا زم الأم تعرف ....

 

[Um Turki]

:tek:حرام سوي في الطفله خير وعلمي امها:0bee2e8d89:

 

[مواصله]

رد : مادري شسوي اتكلم ولا اسكت

اي والله رحميها المسكينه لكم الاجر وبلغي امها قولي لها عن اللي يصير واذا ماتعرفين او متردده خلي زوجك يكلم ابوها

 

[CUTE ENGINEER]

لا حول ولا قوة إلا بالله

بلغي الأم صعدي لها وكلميها بهدوء وشرحي لها اللي سمعتوه وشفتوه بالضبط وبري ذمتج

هذي طفلة بريئة

 

[شادنٌ]

رد : مادري شسوي اتكلم ولا اسكت

يمكن ربي خلاج تسمعينها عشان تفكين شر هالخدامه عنها

لايبا مافيها روح تعال اي وحده بمكانج بتعلم االام لا تحتارين ولا شي


قولي حق الام بالتفصيل الممل


خلي نفسج مكانها مخليه بنتج عند الخدامه ماتدرين شنو يصير فيها ؟

ويت وحده وقالتلج سمعت بنتج تصارخ بطريقه تخرع جنه احد مسويلها شي جايد


لا يبا روحي قوليلها اي وحده عاقله بمكانج بتصرف هالتصرف

ويزاج خير حبيبتي

 

[aṕriliå]

رد : مادري شسوي اتكلم ولا اسكت

فاتحي الام بالموضوع

حرااام تسكتين شنو ذنب البنية
اكسبي فيها الاجر

اغلب الامهات مايدرون شنو يصير بالجهال واهم برا البيت..

 

[الغاليه نونو]

هالموقف مايبي له استشاره وسؤاال المفروض انج كلمتي امها من زمااااااااااااااااااان

شوفي ياقلبي هالوقت متسبب ويخرع وماتدرين يمكن الخدامه قشره وتأذي الياهل انتي قولي حق يارتج اللي شفتيه اكيد بتتفهم الموضوع وبتشكرج عالاقل سويتي اللي يرضي ربج حتي لو يارتج ردت عليج برد بايخ قولي اللهم بلغت اللهم فاشهد
ون سمعتي صراخ الياهل ثاني مره دقي علي 777 وقوليلهم السالفه واهمه يشوفون شغلهم

 

[Kitty^_-Kat]

ان شاء الله بكلمها واقولكم شيصير معاي

 

[روح امها]

كلمي الام مسكينة يمكن ماتدري عن السالفة

 

[غربــــة اِحساس]

اي والله رحميها المسكينه لكم الاجر وبلغي امها قولي لها عن اللي يصير واذا ماتعرفين او متردده خلي زوجك يكلم ابوها

احسن حل

الصغار صاروا لعبة بيد الخدم حسبي الله ونعم الوكيل

 

[فز^الخفوق]

رد : رد: مادري شسوي اتكلم ولا اسكت

كلمي امها بس بره الشقه يعني لاتشوفج الخدامه وانتي تكلمين الام

او بالتليفون

او زوجج يكلم ابوها ان ماقدرتي

ربي يكافينا شرهم وضرهم

الخدم ماتأمنين لهم ابد

​

 

[awsha87]

رد : مادري شسوي اتكلم ولا اسكت

لالالالالالا هالموضوع ماينسكت عنه مولييييييييه حراااااااام