مادري شحط عنوان ..

[ساحرتهم]

مساء الخير شلونكم بنات .. ان شالله بخير ..

حبيت اشكيلكم الي بقلبي حيييييل تعبت
انا توني متزوجه لي 3 اشهر تقريبا والحمدالله ياربي علاقتي مع زوجي عال العال بس المشكله مع مرت حماي عرسنا كان بيوم واحد والبنت مادري شفيها علي عليها نظرات تذبح تخيلوو ماتسولف معاي كلش ولاشي وانا مرات احب الطف الجووو يعني اضحك اتغشمر اسأل عن شغله عاديه يعني من طيب نيه.. اطالع فيني بنظرات حاده واذا لبست وكشخت اطالعني من فووق لتحت واذا قاعدين انا وياها بروحنا بالصاله ماتسولف واناالصراحه صرت اسوي نفسها مااسولف مومعقووله اقط نفسي عليها ..
ووربي اذا خالتي موجوده تصب لي قهوه وتقدم لي الحلاا يعني انا طيوووووووبه ..
وياما احرجتني جدام خالتي واذا صار موقف لي محرج قعدت تضحك بشكل هستيري ..مرات احس ان احنا شرايج شدعوه هي لها زوجها وانا الي زوجي ..
والله تعبت منها تخيلوو نمر يم بعض ولانسووولف كلش واحنا بيت واحد احس حتى خالتي حست فيها ان احنا مانسولف.. واذا قعدنا قباال بعض اطالع فيني وبجسمي وبلبسي وبأيدي وبريوولي وربي يابنات ماابالغ ..
مادري شفيها علي يعني مااذكر ان احنا شفنا بعض الا مره ولامرتين ومن زمان وماصار بينا شي يعني شهالكره ..هي تصير لي بس من بعييييييد ..
والله تعبت نفسيا منها ..حركاتها تنرفزالواحد وعيونها علي بالطلعه والنزله بكل شي ..مره زوجها كان يبي يدخل جان تجيني وتناديني وانا اقولها هلاااااا:friends: وتخوصرت وقالت ريلي بدش تغطي .. استغربت منها ..
ادري سولفت واجد بس وربي في اشياااء اكثر من جذي .
بليز بنات فسروو لي ليش هي جذي.

 

[غمزه وإبتسامه]

طنشيهااااااااااااااااااااااااااااااا

 

[سارووونه22]

طنشيها وحقريها وكلش لاتكلمينها

 

[الشهد كله]

عادي حبيبتي قدمي لها الطناش والحقران بطبق من ذهب​

 

[ba6bo6a1]

6aaaaaaaaaaaf

 

[أنفاسي دخون]

كل اللي فيها من الغيرة والحره

احقريها وما تشوف شر وانتي قلتيها عندي زوجي وعندها زوجها لا تعطينها اكبر من حجمها كل اللي عليش تعاملينها بما يرضي الله واللي تربيتي عليه لا تدورين رضاها وتعرفين اسباب تعاملها معاش لان السبب وااااااااااضح

 

[ساحرتهم]

انتووو عبالكم التطنيش سهل والله صعب علي احنا مجابلين بعض 24 ساعه ..

اذكر مره قاعدين كلنل وقعدت اصب لخالي قهوه ومليت الفنجال ثلاث ارباعه جان يضحك قال لاتصبين واجد .الرياجيل مايشربون جي هذي صبات حريم .. جان هي ترد بصوت عال وقالت من قال ان الحريم بعد يصبوون جذي وضحك .. عاد انا من القهر قلت شدعوه كلها قهوه صارت سالفه ..

 

[الشهد كله]

انتووو عبالكم التطنيش سهل والله صعب علي احنا مجابلين بعض 24 ساعه ..

اذكر مره قاعدين كلنل وقعدت اصب لخالي قهوه ومليت الفنجال ثلاث ارباعه جان يضحك قال لاتصبين واجد .الرياجيل مايشربون جي هذي صبات حريم .. جان هي ترد بصوت عال وقالت من قال ان الحريم بعد يصبوون جذي وضحك .. عاد انا من القهر قلت شدعوه كلها قهوه صارت سالفه ..

لو آنا منج بهالموقف أقولها :

جان قمتي صبيتي قهوة لعمج يوم إنج سنعة وراعية أصول !!!!!!!!​

 

[ساحرتهم]

امبيييييه حدي بدليات بسوالفي هههههههههههههههههههااااااي زين مني قاعده اشكيلكم وربي قلبت حياتي جحيم صرت اذا شفتها تلوووع جبدي خلاااص موقادره .. ترى الي قلته لكم شي من لاشي

 

[nooooof]

مالك الا رب العالمين ادعى الله يهديها ميخالف طنشي كثر ما تقدرين واذا ما تحملتى عطيها حركه او حركتين من حركاتها رديلها بالمثل فهمت

فهمت ما فهمت ردى ع الحقرا وطنش تعش تنتعش

 

[ساحرتهم]

لو آنا منج بهالموقف أقولها :

جان قمتي صبيتي قهوة لعمج يوم إنج سنعة وراعية أصول !!!!!!!!​

لا صعبه علي اقووول جذي مااقدر .. :eh_s(16):

 

[حنطاويه_84]

لا هاذي ماتستحي وقلية ادب انا اقول حقريها وطنشيها وخلج رسمية معاها شنو يعني مجابلتها 24 ساعه شغلي نفسج بالتلفزيون بالمجلات بالنت قعدي مع خالتج سولفي معاها وايد اشياء اتلهين عنها وكبري عقلج ولا اتردين عليها والله هالاشكال تبي بس اللي يرد عليها انتي طنشيهااااااااااااااااا والله

 

[سبائك]

رد : مادري شحط عنوان ..

خلج معاها رسميه ومن بعيد لبعيد

ولاتنزلين نفسج لمستواها ماردها بتمل وانتي بتفتكين منها ومن تعليقاتها

 

[ساحرتهم]

[b]بنات انا ماااعرف ارد عليها بالمثل ..غشييييييييييمه ..[/b]


اذكر مره قاعدين نسووولف كلنا مع بعض عن المتن والضعف يعني بنات كلنا وان زوجي ضعيف وزوجها متيين جان اقول انا لا زوجي جسمه حلووو بس الكل يقوووول جسمه ضعيف وهوو حلو الحمدالله جان تقوول بصووت عالي انتي ادري وضحكت ورديت عليها قلت اكيييد انا ادرى .. مالت علي وعلى ردي الي مثل وجهي ماتوقعت انها بتقوول جذي وبعدين هي شكوووو

 

[ساحرتهم]

لا هاذي ماتستحي وقلية ادب انا اقول حقريها وطنشيها وخلج رسمية معاها شنو يعني مجابلتها 24 ساعه شغلي نفسج بالتلفزيون بالمجلات بالنت قعدي مع خالتج سولفي معاها وايد اشياء اتلهين عنها وكبري عقلج ولا اتردين عليها والله هالاشكال تبي بس اللي يرد عليها انتي طنشيهااااااااااااااااا والله

حتى خالي ناشبتلي فيها اذا قعدت اسولف معاها دخلت بالموضوع ويعني انها فاهمه وقعدت تسولف معاها .. تبي كل شي لها بهالبيت ..

 

[غالية زمانها]

عطيها ططططططططططااااف .. واذا اجرحتج او قطت عليج نغزززات ..
حاولي اتردين عليها بهدوء وبدون نرفزززه

 

[Daleela]

المشكله بلشت لمن تزوجتو بنفس اليوم وصار بينكم منافسة عرفتي شلون واهي تغار وهالشي واضح خلي علاقتج رسمية يعني سلام وبس ولمن

تقول شي حقريها وسوي روحج ما تسمعين

والشهد كله لووووول عجبني ردج والله لو انا جان انربط لساني

 

[منيرة خالد]

عاااااادي دايم حريم الحما بينهم حساسيه زايده ليش ما ادري

خليج رسميه بالرد واهي مع الوقت راح تعرف طبعج

 

[روحي تحبه غصب]

حبيبتي ادري صعبه انج تنطشينها وانتو على طول مع بعض

بس حالي تتجاهلين وجوده يعني اذا كنتوا قاعدين بروحكم اشغلي نفسح بالتليفون وسولف او اقري الجريده

واذا قاعدين مع خالتج اكليي الجو بسوالفج مع خالتج واذا علقة على سالفة وغثتج لاتردين عليها عطيه نظره من فوق لي تحت

وحاولي اذا شفتيها تخزج انتي بعد خزيها او فشليها قولي شنو تبين صورتي

والله يعينج هذا وانتي في بدايه حياتج اجل اذا حملتي قبلها شنو راح يصير فيها

 

[أم@الحلوين]

طنشيها وحقريها وخلي علاقتج معاها رسميه واااااايد احسن
ومالج شغل فيها خليها تموت من الحره