مادري شحط العنوان !!! الكل يشارك

[ريري-14]

انا شعري خفيف وودي اعالجه وودي اصبغه بنفس الوقت !!

قالولي انه الحنه تصبغ الشعر بس مااعرف اللي سمعته انه يحطون وياه كاكاو بس اي كاكاو وجم ساعه احطه مادري وودي اصبغ بني شوكلاته اللي تعرف تكتبلي هذي ثاني مره اكتب موضوع ومحد يرد

> انا شعري اسود سواد الليل ومو بسرعه يصبغ <
واللي تعرف خلطات حق الشعر اللي فيها روب وبيض ومايونيز وهالاشياء تكتبلي واللي تعرف وحده تبيع دهن يطول الشعر ويكثفه تدزلي عالخاص لانه انا شعري صارله سنه و6 اشهر وااقف مو رااضي يطوول ماادري ليش ؟ وماقصيت اطرافه



ودي اقص اطراف شعري بس ابي وحده ايده زينة تكتبلي رقمها واذا تييي لي البيت بعد احسن ؟

اللي ماعندها رد ترفع الموضوع

 

[حلوه ولمآحه]

حبيبتي الي اعرفه انهم يحطون نسكافيه وبيض وشويه اوكسجين ،،
سوي سيرج بقوقل صبغات طبيعيه بالحنا وتحصلين طلبج،،

 

[عسله]

اختي اخذي فيتامينات للشعر وتونيك للشعر في انواع وايد البنات يمدحونها علشان الطول والحنه بصراحه عجيبه للشعر وشوفي بقوقل في طرق للخلطات للالوان الي ممكن تحصلينها للحنه ودابر املا وزيت الخروع حلوين للشعر والقص انا عن تجربه وحده ايدها مبروكه وخضرا عفاف بصالون لازوردي بالسالميه بصراحه لي 5سنين مااقص الاعندها والله يوفقج ويتعدل شعرج

 

[المصممة مسك]

مع الحنا تحطين
علبة روب مع ملعقة عصير ليمون طبيعي وملعقة هردة
روووووووعة لللشعر وتعطي الشعر لمعة خيااااااااال
ـــــــــــــــــــــــــــــــــــــــــــــــ

وعلشان تصبغين شعرج
سوي شاي ثقيل وحطي عليه بابونج
وصبيهم فوق الحنا
وحطي نص ملعقة صبغ الزعفران الدهني ( واذا ما عندج حطي صبغ عيش)

طبعاً عن تجربة
وموفقة

 

[Tom ♥ Jerry]

,


انا الي آعرفه يحطون قفشتين أو قفشه من النسكآفيه !
آول مره اسمع بالكآكآو ،

و خلطه الروب + مآيونيز + زيت خروع + اي حمام زيت عندج !
مرتين بالاسبوع عجييييبه
تخلي الشعر حرير .، خليها بس ساعه لا تكثرين ؛**
و مره وحده حنه بيصير شعرج بآذن الله حلووو

 

[الأمبرآطوره]

آلبنآت تقريبآ قالو كل شيء ..
اذ1 رآح تسوين الحنة تسوين معهآ روب + وزيت
عششآن شعرك مآ ينشف لأن في بعض الشعر ينشف مع الحنة
وبعد مآ تتروشين حطي زيت وخليهآ لليوم الثآني ..
بس طبعآ الحنة مآينفع تصبغين ورآهآ ورآح يخرب لك اللون ..
النسكآفيه حلو والشآي ..
بسسسسسس لآ تنسين تقصين الآطرآف لأنه مهمآ سويتي
مآرآح يطول لآزم تنشآال الآطرآف واذ1 مآ عندك أحد موب شرط
أنتي اقسمي شعرك قسمين وابدي اسحبي من الجهه اليمينه وقصي اللي تشوفينه تآلف ..
وبآقي الشعر نفس القضيه ..
وبعدهآ اذ1 صلح شعرك روحي للمشغل وعدلي اذ1 طلع لك موب متوآزي ...

:$​

 

[brat]

إذا بتحطين الحنة بالصالون قوليلهم إنج تبين لون بني، بنت خالتي توها حنت شعرها بصالون Lilly Valley << صالون وحده وحاطه إعلانها بالمنتدى وصار لونه وايد حلو

أو مثل ما قالوا البنات حطي نسكافيه

وهذي طريقة دزتلي ياها وحده ما قصرت

قررت اجرب والحمد لله طلعت بنتايج حلوة جدا

طيب ما اطول معاكم واسيبكم مع الصور والشرح ....
1/ اولا نسخن ماء واضيفى ليه قشور البرتقال (لتثبيت اللون اطول فترة ممكنه)

2/ نجهز باقى المكونات

- من اليمين خل ابيض - بابونج - كركم - ملح الليمون(ما كان متوفر عندى ليمون فبدلته بمعلقه من ملح الليمون وفى الاخر كله سيتريك اسيد

) - حنا - مغلى البرتقال وبعد ما نزلته من النار اضفت له معلقه ونص بابونج وغطيته انا عملت كركم وبابونج عشان لون شعرى غامق وعايزة افتحه بسرعه
3/ هنا اضيفت الحنا 5 معالق - معلقه كركم - معلقه صغيرة ملح ليمون - معلقه ونص خل

4/ دى شكلها بعد الخلط

5/ هنا غطيتها بكيس نايلون وسبتها تتخمر 3 ساعات

وبعد ما اتخمرت عملتها فى شعرى وسيبتها ساعتين وبعده غسلتها بالماء اولا ثم عملت حمام كريم سلفر مون وبعد ما نشف مسحت بسيروم من اورقنيك اوليفر اويل وبعده مسحه خفيفه بزيت الخردل
وصففته عادى والنتيجه نعومه لمعان ولون حلو
وعشان انا بحبكم

ح اوريكم جزء من شعرى قبل وبعد الخلطه ازكروا الله

بسم الله ما شاء الله

دى لون شعرى قبل الخلطه
ودى بعد الخلطه فرق واضح ومن اول استخدام

​

أما حق الشعر آنا طلبت من حيادر مجموعة بلاك بيوتي، ماسك بالعسل والأعشاب، وزيت، يغمج الشعر بس تقدرين تطلبين منها إن تشيل الأعشاب اللي تغمج الشعر. تعطي لمعة وتكثف وتطول وتمنع التساقط، الصراحة آنا توني باديه فيها بس عجييييبة من أول مرة تبين نتيجتها

بس انتي قصي أطراف شعرج التالفة وابدي اعتني بشعرج مع الحنة والزيوت وأهم شي الأكل الصحي

 

[naNaii]

الحين انا استخدم الخلطة العجيبة وصج عجيبة تقريبا حطيتها اربع مرات او 6 وفرق معاي شعري شوي وتقريبا وقف التساقط
,, اي والله حبيبتي حتى انا ابي اقص ابي وحدة تقص عدل وايدها خفيفة لان في ناس تقص وبعدها مايطول الشعر بسرعة او يصير جنة متقصف