مادري حمل ولا لا ..

[myaaaw]

السلام عليكم
بنااات ابي مساعده حدي خايفة
من فترا كانت تنزل الدورة بموعدها بس بين الدورة ينزل شي بني افرازات متقطعه يوم تيي ويومين لأ
رحت عند دكتورة مصرية قالتي في دم بالرحم تعالي بعد اسبوع انشوف شنو في ..نسويلج سونار .. قلت حق اختي اللللللللله بعد اسبوع وايد .. جان اروح نفس اليوم عند د ليلى اشكناني قالتلي عادي لانج توج متزوجة والدم مافي خوف منه .. وعطتني حبوب تساعد عالحمل تثبيت بويضات مادري شقالت .. ماستمريت فيهم واخذت حبوب تنظيم دورة .. فجأة ماكو دورة 5 اشهر وكل ماحللت ماكو حمل .. والافرازات البنية لي اليوم تروح وترد
بنات نوروني ابي احمل بس مو عارفة ليش يصير جذي في وحدة صار معاها جذي
ونسيت اقولكم فيني الغدة الدرقية خاملة
الي ماره بهالشي تنورني
يعطيكم العافية

 

[أم يوسف وأمونة]

حبيبتي ما حبيت اخلي الموضوع ما في رد بس لأسف ما عندي فكره ياريييييييت البنات يفيدونج
بس اعتدق كان المفروض تمشين على كلام دكتورة ليلى احسن وافضل لج

والله يوفقج ويسهل امورج

 

[فاقده حنان ابوه]

الله يوفقج يا ربي ويرزقج

ماعندي فكره والله

بس اذا تبين نصيحتي روحي عند احمد الشاذلي وايد زين

 

[myaaaw]

يعطيكم العافية بنات مشكورين

 

[جبنة بيضة]

روحي عند فوزيه القطان ترى شاطرة الله يرزقج يارب

 

[Miss-_-Fl0wer]

الله اشافيج وبرزقج على قد نيتج

 

[myaaaw]

مشكورين حبايبي على ردودكم

 

[خليفة العظماء]

غريبه 5 أشهر وايد
بس لأنج توج متزوجه يمكن الهرمونات لاعبه فيج ومعتفسه
روحي عند دكتور وقولي له المشكله أحسن مني ومنج ومن الباجي لأن حالتج يبي لها تشخيص دكتور عشان تتطمنين
وربي يرزقج بذريه الصالحه وبشرينا عنج

 

[ام بشبش]

انا فيني غده وحملت عادي بس انتي راجعي على الغده يمكن هي السبب والله يرزقج بذريه الصالحه