مادري اذا حامل او لا؟

[* Snow White *]

السلام عليكم،

يعطيكم العافيه بنات، انا صارلي 3 اشهر ونص متزوجه..
الدوره متأخره عندي صارلها 18 يوم، قبل موعدها بيوم او يومين طلع مني دم شوي نقطه نقطتين، بس مو دم الدوره.. سويت تحليل منزلي بعد ما انقطعت ب3 ايام بس مو حامل، عادي؟ مع العلم انه الدوره قبل مو منتظمه عندي بس امي قالت لي بعد ماتتزوجين تنتظم عندج صج هالحجي؟

ومشكورين ..

 

[مذهلة2013]

حبيبي مافي اعراض ثانيه ؟

سوي تحليل دم احسن حبيبتي

 

[منورة 90]

عيدي التحليل المنزلي مرة ثانية
لان فالبدايه ما يبين
انا اول مرة حللت طلع سلبي و رجعت حللت عقب اسبوع طلع ايجابي

و اذا تبين ادق سوي تحليل دم

 

[# غنوجة بيبي #]

سوي تحليل حمل هرموني

حيل دقيق

تدق حتى من الدم العادي لانه يفحص هرمون الحمل نفسه

الله يرزقج

 

[شربـــات لـــوز]

سوي تحليل حمل هرموتي ويبيلج او عيدي تحليل المنزلي

 

[حكآية قلب]

انا صارلي 9 ايام متاخرة بعد يومين بحلل هرموني

و حللت منزلي طلع سلبي


عسى الله يرزقنا ياررب هالشهررر

 

[HoD'HoD]

سوي دم عادي يبين على طول احتمال الهرمون مو قوي مايبين بالمنزلي لا تنطرين على نفسج لا سمح الله تحتاجين مثبت

وان شاءالله تكونين حامل

 

[baa6aa]

انا سويت تحليل المنزلي ٣ مرات حتى ديجيتال شريت ومابين الحمل لين سويت تحليل حمل هرموني
سويته بالسلام ب ٢٠ دينار وعقب ساعتين استلمت النتيجه بس حزتها كان رمضان عاد مادري اذا لازم صايمه او لا

 

[^ lamooosh ^]

سوي تحليل دماو هرموني ادق لان ممكن تكونين حامل
والله يرزق كل وحده تبي الحمال يارب
ويفرح قلبهااا