مادري اذا انا حامل والا لا

[روحي تحبه غصب]

مبارك عليكم الشهر وتقبل الله طاعتكم










بنات انا الدوره نزلت علي تاريخ 25/6 وبعدها بشهر تكرمون دخلت الحمام

وليمن مسحت بكلينكس لقيت دم عبالي الدوره نزلت رحت غيرت ملابسي ولبست دلاغات

وسويت لي عصيده وشربت دوا الغوري وكنت احس بوار في بطني ورجولي وظهري
وبعدين ليمن رحت الحمام بغيير (عبالي حاشني نزيف من كثر العوار اللي حسيته)

مالقيت شي ولانزل علي اي شي قلت يمكن باجر بس مافي شي نزل

بنات من يومها وانا على طول احس عوار في بطني وريولي وصاير معاي وانتوا بكرامه سهال

انا اتمنى اكون حامل بس خايفه احلل ويطلع مافي حمل

وريلي يحن علي يبيني احلل وانا اقوله لا مابي تو الناس وانا من داخلي نفسي احلل بس مابي انصدم

الاعراض اللي احسها اعراض حمل والا لا

 

[معلمه متميزه]

رد : مادري اذا انا حامل والا لا

انا تو الناس على التحليل صارلي بس اسبوع على موعد التبويض وميته ابي اعرف ودورتي المفروض هاليومين بس ما فيني صبر انطر ابي اعرف بس شلووووووووون .. ان شاء الله انا وياج نطلع حوامل امين يااااارب ..

 

[معلمه متميزه]

رد : مادري اذا انا حامل والا لا

روحي تحبه .. انتي من صجج توني استوعب من تاريخ 25 / 6 الى اليوم ما يتلج الدوره وساكته ما حللتي ؟؟

يالله بسرعه الحييييييييييييين تروحين مختبر وتسوين تحليل دم شناطره الله يهداج ب 5 دقايق تعرفين النتيجه يالله روحي حللي وبشرينا ..

في مختبر خاص بالجابريه يم مكدونالدز واروسا ب 5 دنانير يسويلج تحليل دم وتعرفين النيجه بسرعه ..

وان شاء الله تطلعين حامل ..

 

[noo7a]

حبيبتي انشالله حامل
طاف وايد على دورتج قريب الشهرين

 

[فاقده حنان ابوه]

حبوبه حللي احسن لج

ومبروك مقدما

 

[nadoo]

ان شاء الله حامل وتبشرينا

 

[miss_q8ya]

والله عليج صبر لو انا حدي 5 ايام واحلل لووووووووووووووول
لازم اتحللين علشان اذا حامل انشالله اديرين بالج علي نفسج واكلج وحركتج
والله يرزقج

 

[ام بشبش]

صج شلون صابره جذي واعتقد حامل ان شاءالله

 

[نور الكوثر]

انشاءالله حامل بذن الواحد الاحد

 

[روحي تحبه غصب]

مشكورين بنات بس انتوا موفاهميني

انا خايفه من التحليل وما ابي اضيق خلق ريلي والله اني انقهر ليمن اشوفه متعشم اني ممكن اكون حامل

حتى انا نفسيا تعبانه وخايفه يطلع مافي حمل احس ان وضعي جذيه احسن

بس اللي صارت لها نفس الاعراض اللي صارت لي وطلعت حامل تقولي

 

[روحي تحبه غصب]

رد: رد : مادري اذا انا حامل والا لا

انا تو الناس على التحليل صارلي بس اسبوع على موعد التبويض وميته ابي اعرف ودورتي المفروض هاليومين بس ما فيني صبر انطر ابي اعرف بس شلووووووووون .. ان شاء الله انا وياج نطلع حوامل امين يااااارب ..

انشالله يارب يااااااارب انك ترزقنا اجمعين وتفرح قلوبنا:yaaaaaarb::yaaaaaarb::yaaaaaarb:

 

[جوري85]

يارب تطلعين حامل قوي قلبج حبيبتي وخلج مؤمنه بالامر الواقع لان عدم معرفتج بالوضع موحل لمشكلتج سوي تحليل حبيبتي والله يسهلج
وديري بالج على روحج لان اذا حامل لازم تعرفين وتاخذين حبوب فولك اسد

 

[Tom ♥ Jerry]

.

اخذي تحليل مال الصيدليه و تأكدي بالبيت

 

[عسلاتي]

يلا فديتج انا الحين مالي صبر بنطر نتتيجتج ..ههع
فديتج لا تحاتين ولا تخافين اللي كاتبه ربج بصير بتحليل ولا بدون تحليل..

بس انتي توكلي على الله وسوي تحليل عسب تبدين مراجعه عند الدكتوره وتطمنين على الجنين ان شاء الله

 

[طير يحب سجانه]

نشاء الله حامل

 

["*آآآنؤؤؤقهـ*"]

حبيبتي اشتري التحليل من الصيدليه الديجتال مضمون نتيجته ميه بالميه

وياارب حاامل وحللي من ورااه لاتقوليله الا اذا ان شاء الله حامل وشكلج حاامل ياحياتي مبرووك مقدماا

وبشريناااااا

 

[([عطر رومانسي])]

حامل بأذن الله


ترى يبين بالتحليل المنزلي