مادة نفس اللي داخل الزجائر-الله يوفق اللي تقولي ماهي؟والله لأدعيلها من قلبي

[برنسيسة2007]

السلام عليكم
لوسمحتم اللي عندها خبره خاصة انتم يا المتزوجات وتعرفون اسرار زوجكم افيدونا..
اخوي مدخن واصر والدي عليها بالاجبار انه يترك التدخين(تحت ضغط مشاكل ابوي)
وبالفعل ترك التدخين ولكن صارلي فترة القى (مادة نفس اللي داخل السجائر)بمخباته شفتوا كيس القرقيعان لما تفضينه تلقين فيه بقايا بنية صغيره...وسؤالي محدود:
ماهي هذه المادة؟
مع العلم اني وريتها دكتورة وقالت ما اعرف بس مو مخدرات وانا بعد متاكدة انها مو مخدرات من سلوك اخوي اسمله عليه فياريت تسئلون ازواجكم واخوانكم لان هذا اخوي الوحيد وماعندي غبره عشان اسأله الا ابوي وابوي بدخل اخوي بمشاكل اكبر واكبر

 

[خالف تعرف]

سوري بس يمكن حشيش
هاذي مو اجابتي اجابت ريلي
لونه بني

 

[فلنتينو]

ماادري

الله يهديه

 

[أغلى أمنياته]

ما عندي فكره الله يهديه ويبعده عن طرييييييج الحراااام يارب​

 

[miss_whitemocha]

حبيبتي أتوقع هذا توباكو يعني نفس المادة اللي موجودة داخل الزقارة..بس بدال ما تجي الزقارة ملفوفة..هو ياخذ ورقة و يحط فيها المادة هذي و يدخنها..تطلع عليه أرخص من الزقاير الجاهزة..والحشيش يا حبيبتي يجي شكله زي كسرة البخور..ما يكون مفتت..لا تشيلين هم..أخوج مافيه إلا العافية إنشالله​

 

[اخر صمتي انين]

الله يهديه

 

[عزلان البوادي]

يمكن تكون سويكه !

ما هي السويكة؟
"السويكة" هي تلك المادة المخدرة التي توضع على الحنك الأسفل بعد لفها بمنديل صغير و أحياناً توضع مباشرة على الحنك ، و هذه الأوراق تمضغ بما عليها من مواد مضافة و تترك في الفم لفترة من الزمن ثم تلفظ خارج الفم و أحياناً يتم ابتلاعها و بتكرار هذه العملية عدة مرات يصير الشخص مدمناً، فيشعر المتعاطي لها بتخدير في جسمه بعد وضعها بثواني بسبب تأثيرها المماثل كتأثير السجائر لاحتوائها على مادة النيكوتين.

 

[fdeet_shosho]

اى احتمال كبير حشيش لان الحشيش يكون مثل الزقاير ولونه اغمج مرات ويصير منثور يلفونه بورقه ويشربونه
الله يستر وريه ابوج لاتسكتين عنه لازم احد يتصرف

 

[مولاي الفرج]

ياساتر

لازم اتابعونه عدل لا يدمن هالشي​

 

[gala q8]

لا تتسرعين .. إذا صارما صار لا تقولين لابوج .. قولي حق واحد كبير و عاقل بالعايله ( عمج + خالج + ولد خالج او عمج ) المهم واحد ثقه و يعلمه .. و يشوف شنو هذا !!


لكم نصييحه لا تقولليييييييين لابووج .. اوكي

 

[شقرا كويتيه]

مادري ان شاءالله البنات يفيدونج

 

[LuLiTa]

يمكن هذا نيكوتين مال الزقاير ؟

في زقاير بدال ما اتكون ملفوفة و خالصة ..يقدر اهو اييب النكوتين و يحطه بـ ورق ابيض و يلفه نفس الزقاير ...هذا نظام زقاير اول مالت ايام الستينات و السبعينات و جنه سعرها ارخص .. يمكن اخوج مسوي جذي عشاان ما يجكون انه للحين يدخن :l .. و ان شالله ما فيه الا العافية ....

 

[omsalman87]

لا تحاتين حبيبتي مو حشيش ، الحشيش قطعه بنيه غامجه موصلبه وايد صايره مثل العجين الصلب السميك ريحتها كريهة وايد ، وتنحط مع التتن ويلفونها بورق ويدخنونها ، اتوقع مثل ماقالتلج miss_whitemocha هذا توباكو .
لاتحاتين شي ، وبعدين ترا الريال اذا دخن مايقدر يترك التدخين في يوم وليله .*

 

[..~Goolz]

اممم

جذي صاير..

مادري بس ممكن يكون حشيش ...

مابي اخوفج بس احتمال يكون هو او يكون زقاير نوع ثاني تكون ارخص من الجاهزه

ما انصحج تعلمين ابوج..

اذا اخوج يسمع منج ويحترمج وياخذ من راسج
جلسي معاهاا وصارحيه بهالشي

لا تتعبين نفسج بتفكير قوليه وريحي بالج

وعسى الله يبعده عن هالسوالف ويخليه لكم يارب

 

[زوجة عزيز]

يمكن تكون سويكه !

ما هي السويكة؟
"السويكة" هي تلك المادة المخدرة التي توضع على الحنك الأسفل بعد لفها بمنديل صغير و أحياناً توضع مباشرة على الحنك ، و هذه الأوراق تمضغ بما عليها من مواد مضافة و تترك في الفم لفترة من الزمن ثم تلفظ خارج الفم و أحياناً يتم ابتلاعها و بتكرار هذه العملية عدة مرات يصير الشخص مدمناً، فيشعر المتعاطي لها بتخدير في جسمه بعد وضعها بثواني بسبب تأثيرها المماثل كتأثير السجائر لاحتوائها على مادة النيكوتين.

أي عدل

 

[برنسيسة2007]

مشكورين على الردوج واهتمامكم الله يوفق كل من اهتمت بموضوعي ويرزقها من حيث لاتحتسب ..

اخت تكفيني الذكرى لا مو نفس اللي بالصورة
اخت غلا كويت اكيد انشا الله ماراح اقول لابوي
الله يسهل الامور انشاء اللله

 

[جادل سبيع]

اي اعرفها هذي يستخدمونها اللي ينركون الزقاير تجي نفس التبن مطحونه ووولونها زيتي غاااااااااامج اشوفها مع خالي واخوي لانهم ايحاولون يتركون الزقاير وعقب بيتركونها اضرارها نفس اضرار الزقاير اتجيب سرطانات وبلاوي الله ايفكهم منها عاجلا غير اجل ويهدي اخوك يااااااااااااااااااااااااااااااااااااااارب.

 

[عزة خفوق]

حتى انا اعرفها كان مع زوجي زمان بس تركها

 

[برنسيسة2007]

حتى انا اعرفها كان مع زوجي زمان بس تركها

وزوجج ليش يستخدمها كبديل للزيقارة؟او حالها حال الزقارة ادمان ولذه؟

اي اعرفها هذي يستخدمونها اللي ينركون الزقاير تجي نفس التبن مطحونه ووولونها زيتي غاااااااااامج اشوفها مع خالي واخوي لانهم ايحاولون يتركون الزقاير وعقب بيتركونها اضرارها نفس اضرار الزقاير اتجيب سرطانات وبلاوي الله ايفكهم منها عاجلا غير اجل ويهدي اخوك يااااااااااااااااااااااااااااااااااااااارب.

طمنتيني الله يطمن قلبج-هل هي تساعد على ترك الزيقارة؟واخوج وخالج اتروكوها واتركوا الزقارة؟

الله يوفقكم ويسعدكم في هذا الشهر الفضيل مشكورين يا الغاليات

 

[نفهمها صح]

لا
بسسسسس
اتوقع
مترك دخان ياخذ بلحبه ويتركها بمخباته وطيح منها فتفيت