مادة بيولوجيا الانسان

[مرتجية رحمة ربي]

بنات منو خذت مادة بيولوجيا الانسان عند الدكتورة نجلاء النصار لاني ضايق خلقي يقولون عنها حيل صعبة صج اتمنى احد يفيدني لان هذا الكورس الثاني وما ابي ينزل معدلي وانا ادبي مو علمي :krkrkr:

 

[MEMO GirL]

والله مودري
استخيري حبوبه
وان شاء الله البنات يفيدونج اكثر

 

[مرتجية رحمة ربي]

رد : مادة بيولوجيا الانسان

مشكورة على الرد :eh_s(17):

 

[احب امون]

رووووووووووووووووووووووعه تهبل ياحظج ومالج شغل بكلام البنات
انتي اي كليه
دواتج ان الله ينصرني على الي ضلموني:eh_s(11)::eh_s(16)::eh_s(11)::eh_s(16):
واي خدمه دزيلي عالخاص لان مافتتح الصفحات وايد:eh_s(7):

 

[قايدةالريم]

هذا من موقع قيم مدرسك عند الدكتوورة نجلا النصار :

المختصر المفيد- معظم الطلبة يقولون
5/4.6
ان مستوى الاختبارات متوسط الصعوبة
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 10




التقييم ملاحظات الطلبة
- النجوم:
- المستوى: متوسط الصعوبة
- الشرح: شرح ممتاز
- حصلت على: C
ننصح به
المـادة: بيولوجيا الانسان التاريخ: 2009-09-18
الطالب: KLN رقم التقييم: 18953

الدكتوره جديه ما عندهـا دلع!!
بس حقانيه و راقيه بالتعامل و تشرح بضميـــــــر و اللي ما يفهم يقولها عادي تعيد مليون مره مـا تقول لأ!!
و الماده ثقيله بس سهلتها علينا وايـد.. يمكن لأن صيفي
أنا ما قدرت أقدم عدل لأن كان عندي ظروف!! أتوقع لو كنت ماخذتها بوقت ثاني جان يبت أحسن من جذي!! كنت باخذ فيها FA بس على آخر لحظه قلت بقدم فا ما يبت زين!!

بس نصيحه اخذو عندها.. انا كنت ناويه أعيدها عندها خوش دكتوره =)

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: بيولوجيا إنسان التاريخ: 2009-09-15
الطالب: hnhn رقم التقييم: 18906

الدكتورة نجلاء :
1- حقانية وايد وايد.
2- محترمة ما تغلط على أحد وما تعلق .
3- أسلوبها بالشرح صج ينوم بس تعطينا أوراق ناخذهم من التصوير فيها تلخيص لبعض الصفحات اللي فيها كلام وايد بالكتاب .
4- امتحاناتها سهلة صراحة و تعتمد على الفهم معاها بالمحاضرة.. بحكم ان احنا طلبة آداب يمكن تكون شوي صعبة لأن هالمعلومات أول مرة تمر علي و آخر مرة أخذت علوم بيولوجيا كانت بالمتوسط !
5- توزيع الدرجات : 25 مدتيرم أول و حطت لنا الدرجة من 60 يعني أنا كان عندي 3 أغلاط و نقصت درجة بس ! و الثاني من 20 و حطته بعد من 60 يعني تضمنووون الامتياز ان شاءالله لان كل غلط تغلطون عليه ربع درجة يمكن او نص !
و الفاينل من 50 بس درجته من 80 يعني ضامنين الدرجة الزينة ان شاءالله و امتحاناته موضوعية صح و خطا و اختيار متعدد و فراغات و مصطلحات علمية .. و 5 درجات على الحضور و الغياب ..
أنا أخذته المادة صيفي فكانت تسمح لنا بالتأخير لأن في بنات عندهم الساعة 8 بكيفان و تسع وثلث الخالدية فكلش ما يمدي الوقت و تدش بعد 5 دقايق من المحاضرة و قبل امتحان المدتيرم عطتنا أووف يومين و عطلنا أسبوع قبل الفاينل .. و ما قالت لنا شي عن الساعة المكتبية

أخيرا طلعت عندها A الحمدلله و وايد بنات ماخذين A- و B

الدكتورة ما تطوف كللش و الله يوفقها و يسعدها دنيا و آخرة

- النجوم:
- المستوى: متوسط الصعوبة
- الشرح: شرح جيد جدا
- حصلت على: A
ننصح به
المـادة: 201 chordate التاريخ: 2009-06-11
الطالب: درة الكويت رقم التقييم: 17448

الحمدلله و الشكر لله
كانت المادة حيل حلوة
بس اللي كانمخرب علينا امتحانات اللاب الصعبة
اما اللاب كان حلو و الدكتورة و شرحها و امتحاناتها زينين

- النجوم:
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: Chordata التاريخ: 2009-05-30
الطالب: عزوز يوز رقم التقييم: 17419

الصراحه الدكتورة حليوة و زينه بس محاضراتها تلوع الجبد يعني اول خمس دقايق الكل نايم محد يستحمل أسلوبها البااااارد ما تعصب كلش و تشرح بدون ما تحرك جسمها نهائيا يعني واقفة و حلجها يتحرك بس ماكو حركة لا يمين ولا يسار و لا شي؟؟؟

بس اهي زينه و امتحاناتها من الكتاب بس في جابتر 16 و 17 وزعت البوربوينت الي عرضته علينا لانه واايد حجي في الكتاب و امتحاناتها موضوعية ( صح و خطأ اختياري و مزاوجة ) و في سؤالين مقالي نختار واحد منه طبعا المقالي مو قصير طويييل ثلاث صفحات الجواب

اللاب حلو و العينات شوي بس الحجي شوي يقث خصوصا الهيكل العظمي و التشريح في حجي واايد بس عموما أسهل من اللافقاريات شوي

شدوا حيلكم و بالتوفيــق

- النجوم:
- المستوى: متوسط الصعوبة
- الشرح: شرح متوسط
- حصلت على: B
ننصح به
المـادة: chordate التاريخ: 2009-01-06
الطالب: sara رقم التقييم: 15899

والله الدكتوره زينه .. تعاملها حلو مع الطالبات ..

تحترم الكل .. محاضرتها تنوم .. لأن اسلوبها واحد ما تغيره ..

الحلو فيها ان اللي تمتحنه ما يدخل معاك بالفاينال ..

الفاينال عباره عن فصلين بس ..

الماده فيها معلومات واجد ..

ولما كنت امتحن ما كنت اتوقع اني حاله عدل

بس اتفاجأ إنه درجتي حلوه ..

واخيرا أنا لازم انصح فيها لان أولا وأخيرا هي محتكره الماده

- النجوم:
- المستوى: سهل جدا
- الشرح: شرح ممتاز
- حصلت على: B
ننصح به
المـادة: بيلوجيا الانسان التاريخ: 2007-09-21
الطالب: miss.eng رقم التقييم: 11837

دكتوره والنعم فيها عسوووووووووووووله وطيبه حيييل وتراعي البنات وتتقبل النقاش وانصحكم فيها !!! عسل عسل وامووووووووووووووووووووووووووووت فيها وبطيبتها وامتحاناتها روووووووعه السؤال يكون بالصفحه الاولى وتلاقون الاجابه بالصفحه الي وراها عساها عالقوه يارب :*

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: بيولوجيا الإنسان التاريخ: 2007-09-08
الطالب: ma7aad_methly رقم التقييم: 11632

الدكتورة وايد وايد محترمة ... وراقية بتعاملها مع الطالبات وتراعي ظروف كل بنت .... والله يجزاها خير وايد كانت تراعيني بغياباتي ... وشرحها حلو وامتحاناتها سهلة

- النجوم:
- المستوى: سهل
- الشرح: شرح جيد جدا
- حصلت على: A
ننصح به
المـادة: بيولوجيا الإنسان التاريخ: 2007-09-01
الطالب: roro1 رقم التقييم: 11490

تهبل و حليييييوة حدها
امتحاناتها حلوة .. تعطينا اوراق و تقول لنا حفظوهم
كله موضوعي ..
حليييوة وايد معانا .. آخر الكورس قالت لنا بنات اذا شفت وحده فيكم و ما سلمت عليها لا تزعلون مني ترى انا نساية لووول

انصحكم تاخذون عندها

- النجوم:
- المستوى: سهل
- الشرح: شرح ممتاز
- حصلت على: B
ننصح به
المـادة: بيولوجيا التاريخ: 2006-08-04
الطالب: غدير رقم التقييم: 6372

انسانة راقية ما كانها من دكاترة العلوم المعقدين تراعي اختلاف المستويات بين الطلبة امتحاناتها موضوعية واذا بغت تحط مقالي تعطينه الأسئلة احسن منها ماكو جزاها الله ألف خير وعساها على القوة

- النجوم:
- المستوى: سهل جدا
- الشرح: شرح متوسط
- حصلت على: A
ننصح به
المـادة: 201 حبليات التاريخ: 2006-08-01
الطالب: بنت العلوم رقم التقييم: 6275

الدكتورة امتحاناتها سهلة و الكتاب سهل و الدراسة كلها منه و نوتات الدكتورة حق الصح و الخطأ و بصراحة المادة ما يبيلها شي

 

[مشاعر خجوله]

للامانه انا ماجربتها ..

بس رفيجتي اخذت عندها من قبل وانصحتني اخذ عندها ..

ودام تقييمها 4.6 .. هذا شي حلو ماشاءالله ...

خليج عليها وتوكلي على الله .. وعسى الله يوفقج ان شاءالله :yaaaaaarb:.

 

[jen2n]

انا ما خذيت عندها بس رفيجتي تمدحها وايد وايد:rerrerek:

 

[كِــيــوي]

انا كنت ماخذتها عند جاسم الربيعاااان رووووووووووووووعه وقممممممممممممه هالدكتور

صح اني طلعت منه (بي ) بس ما تحسفت ع القررريد لان كانت محاظرات قممممه ف الروعه

شرررح وتفهمين اشيا حلوووووووووة ومعلومات غريبه :eh_s(15): اذا لقيتيها عنده بدلي

 

[مرتجية رحمة ربي]

رد : مادة بيولوجيا الانسان

مشكورين على الرد :eh_s(17)::eh_s(17):