د. فاطمة الدشتي
فاطمة دشتي المختصر المفيد- معظم الطلبة يقولون[SIZE=+2]
5/4.1[/SIZE]
ان مستوى الاختبارات
صعب
وشرح المدرس
شرح متوسط
والأغلبية حصلو على تقدير
B
بإختصار
ننصح به
عدد الطلبة الذين شاركوا في التقييم 12
التقييمملاحظات الطلبة- النجوم:
- المستوى:
صعب
- الشرح:
شرح جيد جدا
- حصلت على:
C
ننصح به
المـادة: الحاسوب بالتربيه التاريخ: 2012-01-25الطالب: sand رقم التقييم: 24938
بسم الله الرحمن الرحيم
بصراحه كل ما أذكر الكورس ألي خذيت عندها أضحك ....
كنت طول الكورس أتحلطم من كثرة التكليفات بس عقب كل تكليف تلقوني مستانسه لأن الدكتورة الله يعطيها ألف عافيه وايد فادتني بشكل ماتتصورونه علمتني أشياء تفيدني بوايد أشياء لأمانه كنت أنصح كل بنت أن ماتاخذ عندها بس عقب تحسفت لأن أستفدت حيل .
الدكتوره حيل شديده وملتزمه
عندها جزء تعلم ذاتي تخليج تعتمدين علي نفسجج
الامتحان كان صعب
صعب جدا تحصل أ عندها بس بالنسبه لي يهمني أستفيد أكثر من القريد
- النجوم:
- المستوى:
متوسط الصعوبة
- الشرح:
شرح جيد جدا
- حصلت على:
A
ننصح به
المـادة: وسائل تكنولوجيا التعليم التاريخ: 2010-06-17الطالب: KoOob رقم التقييم: 20823
السلام عليكم و رحمة الله وبركاته
الدكتورة فاطمة حقانية وايد و تهتم بالجانب العملي أكثر و اذا عجبعا تعطي بونص و شرحها مفهوم وواضح بس ملتزمة بالنظام عدل يعني تسليم واجب و لامشروع لازم بنفس اليوم الي قايلة عنه بالضبط و اي تأخير ( الله يستر ) و تحب الطالبات الي يروحونلها بالمكتب و تسألها عن المادة و تعاملها حلو مع الملتزمين بنظامها سواء بحضور المحاضرة أو تسليم المشاريع الخ بس اذا الوحدة كل يوم تيي ناسيه شغلها و لا مهملة هني راح تحصل حجي ، و بالنسبة للأمتحانات النظرية فيها أسئلة مباشرة من الكتاب المقرر و سهلة و ايضا فيها اسئلة صعبة ماتعرفين تحلينها لانها أسئلة فهم و تحليل مو أي كلام ، و التي لاتغيب عن المحاضرة الى نهاية الكورس تاخذ بونص درجتين ، المهم عندها تسوين كل الواجبات التي تطلبها و حتى لو امتحانج درجتة شينه تر ما يهمها أهم شي العملي ، أنا يبت بالمتحان 14 من 20 و الامتحان الثاني 22من 30 و آخر شي طلعت من المادة Aبلس بسبب العملي كان يعجبها و تعطي بونص عليه .
- النجوم:
- المستوى:
صعب
- الشرح:
شرح ممتاز
- حصلت على:
A
ننصح به
المـادة: وسائل اتصال التاريخ: 2010-01-28الطالب: farfargirl رقم التقييم: 19622
الدكتوره روعه ولو شنو اقول عنها شويه
تهتم بالعملي اكثر من النظري بس مو معناته تهملون النظري لان هم يلعب دوور كبير
ترفعج وايد وايد اذا كنتي مهتمه بالماده وتشتغلين وشغلج حلوو ومرتب ومتعوب عليه
تعبي معاها بس اخر شي بتطلعين مستانسه لان تحسين انج انجزتي مو مثل باجي المواد اللي نكرف ونشتغل ومانحصل على درجات ولا نستفيد من الشغل اللي سويناه
ومن كثر ما الدكتوره ماتحب التاخير ولا الغياب خلتني التزم بالحضور بمحاضرتها وفباجي المحاضرات
والحلوو اكثر انه ماعندها امتحان فاينل وهذا اللي ريحني الصراحه
اللي ضامنه عمرها انها تشتغل وتتعب على شغلها وتجابل الماده تدرسها اول باول تاخذها عندها بس اللي ماتبي تشتغل ولا تدرس وتبي تتاخر نصيحه لا تاخذ
- النجوم:
- المستوى:
متوسط الصعوبة
- الشرح:
شرح ممتاز
- حصلت على:
A
ننصح به
المـادة: حاسوب التاريخ: 2009-06-24الطالب: kim رقم التقييم: 17796
الدكتورة فاطمة إنسانة محترمة جدا جدا و تعاملها فوق الراقي تعطي لكل طالب حقه و أكثر و لكن شرط الحرص و الالتزام .. أنا شخصيا استفدت بأن أصبحت أتقن مهارات عديدة ما كنت لأتقنها لولا الالتزام بكل صغيرة و كبيرة
أنصح كل طالبة أو طالب حريص على الفائدة أن لا يفوت الفرصة التي بين يديه و يغتنم فرصة هذه الإنسانة ذات الخبرة الواسعة العريقة
- النجوم:
- المستوى:
متوسط الصعوبة
- الشرح:
شرح ضعيف
- حصلت على:
C
لا ننصح به
المـادة: الحاسوب في التربية التاريخ: 2009-06-21الطالب: TRBWY رقم التقييم: 17585
صبحكم الله بالخير
الدكتورة فاطمة حالها من حال أي دكتور .. يعني لها إيجابيات وسلبيات ..
من إيجابياتها ..
حقانية ودقيقة حيل
امتحان واحد متوسط الصعوبة
تكافىء اللي يشتغل حتى لو ما يعرف
من سلبياتها :
عصبية
ما عندها مرونه
ما في شي إسمه مساعده
ما تفهم
كله واجبات
اللي يدق تلفونه تنقصه 5 درجات
شغلها كله نظري والعملي قليل جدا
عادي تحرمك في آخر محاضرة بالكورس ..
تطلب منك في نهاية الكورس عمل برنامج تعليمي بدال امتحان الفاينل
الدكتورة أخلاقها عالية ولازم تعاملها باحترام مثل ما تعاملك بس الصراحة ما أنصح أحد ياخذ عندها لأن ما فهمت منها إلا القليل والدرجة ما تطلع منها إلا بالزور
- النجوم:
- المستوى:
صعب
- الشرح:
شرح جيد جدا
- حصلت على:
A
ننصح به
المـادة: وسائل التاريخ: 2009-02-25الطالب: van dashti رقم التقييم: 16909
بصراحة الدكتورة تقدر تعبك، يعني انت اللي عليك انك تلتزم بكلامها حرفيا و ما تتأخر عنها بالمحضارت ولا نص ثانية، و تشد حيلك معاها و التوفيق راح ييلك انشالله.
- النجوم:
- المستوى:
صعب جدا
- الشرح:
شرح ممتاز
- حصلت على:
A
ننصح به
المـادة: تكنولوجيا وسائل التعليم التاريخ: 2009-02-03الطالب: Cold Sun رقم التقييم: 16433
الدكتوره فاطمه قمة في الانتظام يعني دقيقة حيل حيل و تدقق على كل كبيرة و صغيرة ..
صج انه امتحاناتها صعبة حيل و تصليحها اصعب بس تعطي بونوس على الشغل اللي يعجبها بالعملي و تسوي كيرف تقريبا يرفع قريد في آخر الكورس .. ما ترضى بالتأخير نهائيا محد يدش وراها ولازم تحضرون قبل وقت المحاضره ولو بدقيقه .
توزيع الدرجات عند الدكتوره :
امتحان نظري 1 = 20%
امتحان نظري 2 = 30 %
امتحان عملي = 10 %
واجب تصميم وحده = 5 %
عملي مواد مستهلكه = 5 %
عملي شفافيات احاديه و تراكميه = 5 %
عملي لوحات و مجسمات = 12 %
المشاركه و الحضور = 13 %
الصراحه خوووش دكتوره بس للي منظم و دقيق .. أما اللي نظامه يغيب و يتأخر و ماله خلق يدرس خله يدور غيرها : )
- النجوم:
- المستوى:
صعب
- الشرح:
شرح ممتاز
- حصلت على:
B
ننصح به
المـادة: وسائل و تكنلوجيا التعليم التاريخ: 2008-12-31الطالب: عزوز يوز رقم التقييم: 15836
السلام عليكم
الدكتورة فاطمة زينه و حقااااااانية واااااايد و ما تحب تظلم احد كلش , عندها في مادة وسائل عملي و نظري النظري امتحانين الأول عليه 20 درجة و الثاني عليه 30 درجة و كل واااحد اصعب من الثاني الصراحه امتحاناتها صعبة و الي يبي اييب درجات يفهم عدل عدل اهي شنو تقول و اذا اكتبت اي شي على اللسبورة كتبوا على طوول لانه ايي في امتحاناتها, بالنسبة للعملي عندها ثلاث مشاريع الاول مواد مستهلكة عن اي شي مقطوط في البيت تسوي منه مجسم او اي شي انت تبيه على تخصصك فقط, و المشروع الثاني عن الشفافيات الاحادية و المتراكمة الاحادية جاهزو طباعه من الكمبيوتر و التراكمية رسم باليد , المشروع الاخير عبارة عن مجسم او لوحة مجسمة و بعد موضوع الوسيلة من تخصصك الدقيق ,طبعا العملي عليه تقريبا انا مو متأكد المشروع الاول عليه 5 درجات و الثاني بعد 5 و الثالث عليه 12 درجة .
ادري اني طولت في الحجي بس هذا كله حق مصلحتكم الي يبي الكرف و الشغل ياخذ عند فاطمة دشتي و الي ماله خلق يسوي اي شي لا يااااااااااخذ لانها صاااااااارمة و ما تجامل ولا تراعي اي شي إطلاقا!!!!!!!!!!
اي نسيت اقول انه حتى لو زفتوا في النظري اهي تزيد من درجاتكم في العملي يعني لا تخافون
- النجوم:
- المستوى:
صعب جدا
- الشرح:
شرح متوسط
- حصلت على:
A
ننصح به
المـادة: وسائل اتصال تعليمية + حاسوب في التربية التاريخ: 2007-09-05الطالب: ma7aad_methly رقم التقييم: 11527
أنا بتكلم عن الدكتورة بكل صراحة ولأني أخذت عندها مادتين وبنفس الكورس .. الدكتورة فاطمة حقانية وتحب الالتزام وايد صج إنها تعصب وتزف بالمحاضرة بس مو على الكل على إلى ما يلتزم معاها يعني بالله عليكم بنات ماخذين وسائل مو يايبين معاهم الأدوات شتبينهم يسوون بالمحاضرة يتفرجون؟! أكيد بتزفهم على اهمالهم ..وبعدين إهي اسلوبها نزر يعني مو قصدها تزف وبعدين صوتها عالى خلقة والبنات عبالهم تزفهم.. بس والله من تروحون لها المكتب تعاملها وايد وايد غير تعطي كل بنت حقها ومن صفاتها :
1) ما تحب أحد يدخل معاها أو بعدها المحاضرة على طول طرد .. وتاخذ الغياب بانتظام وعليه درجات .
2) ما تحب أحد يكلمها باللوبي وبرا المكتب حتى لو بعد المحاضرة على طول يعني إلى يبيها يلقاها بالمكتب بس .
3) ملتزمة بالساعات المكتبية .
4) تعطي مقدمة وافية على المقرر سواء حاسوب أو وسائل وتعطي مخطط للمحاضرات يعني دكتورة جدا مرتبة وأنا عن نفسي إرتحت معاها .. صج إن امتحاناتها الوسائل النظرية طبعا صعبة وايد بس والله ترفع الطالبة على شغلها العملي ما تعتمد على النظري .. يعني أنا إذا ناقصة بالامتحانات 35 درجة شوية بس عطتني على شغلي وخذيت بالمادتين A- .. يعني بالنهاية الطالبة الحريصة على شغلها والملتزمة أنصحها تاخذ عندها وبطبيعة هالمادتين أصلا يبيلهم شغل سواء عند الدكتورة فاطمة أو أي دكتور ثاني ...
- النجوم:
- المستوى:
متوسط الصعوبة
- الشرح:
شرح جيد جدا
- حصلت على:
B
لا ننصح به
المـادة: وسائل التاريخ: 2007-08-02الطالب: شيووم الظفيري رقم التقييم: 11038
حدها اتخررع
اتذكرني
بايم المدرسة صراخ وعصبية
اللي يمر من اخر الممر يسمع صياحها
وايد انخاف منها
بس بالنسبة لامتحاناتها سهله
واهي حقانيه ماتاخذ غير درجتك
ومافي احد يرفع الدرجة ولاتقبل الحجي الزايد
وياويله اللي اييبه الحظ ويدش وراها
حده مقرووود
- النجوم:
- المستوى:
صعب
- الشرح:
شرح متوسط
- حصلت على:
B
لا ننصح به
المـادة: وسائل اتصال تعليمية التاريخ: 2007-07-10الطالب: mini رقم التقييم: 10819
دكتوره صعبه جدا جدا و تكدش وايد وايد و في اللي احسن منها
- النجوم:
- المستوى:
متوسط الصعوبة
- الشرح:
شرح متوسط
- حصلت على:
B
ننصح به
المـادة: الحاسوب في التربية0480235 التاريخ: 2006-08-07الطالب: هنادي بنت القاضي رقم التقييم: 6454
الدكتووور شديده و تحرس على الحضور و الغياب و ما تحب تظلم أحد
صج انها تزف مرات بس لما نكون مزفتين بالامتحان
و ما تزف الا لمصلحة الطالبه
شرحها متوسط
لكن و الله العظيم ما تطلعون من المادة إلا و أنتم محترفين بالحاسووووب
تراعي الظروف بس مو الظروف الخياليه اللي من عند الطلبه
