ماخطيت في حقك

[منساك]

انا ما اخطيت في حقك ولكن الكـلام عتـاب



أعاتـب والعتـب كلمـة تفسرهـا معانيهـا


اعاتب واحسب بهرجي الا مني حكيت حساب


وكلمه يستحـي منهـا لسانـي يبتـدى فيهـا


واذا انت من العتب تزعل علينا وابتصك الباب


ترى ما نيب قاصدها ولانـي فيـك ناويهـا


ولا ودى على الفرقا وقلبي داخلـي مرتـاب


اشوف ان الهوى خدعة واشوف القلب راضيها


واشوف ان الهوى فرقا مواليف وعناد احباب


واشوف ان الجفا خطوة ولاني قادر اخطيهـا


وقلبي لو عشق يخلص ولو طالت عليه رقاب


وتشهد له دروب الحب حاضرهـا وماضيهـا


عشقنا والهوى حسرة،مشينا ولاأمـل كـذاب


بدينـا نانبنـي منهـا قليـل مـن بلاويهـا


عرفت الحب من عمري صغير بالغرام وشاب


وقلبي للحبيب اكبر مـن الدنيـا ومـا فيهـا


صحيح انى نويت ابعد ولكن الهـوى غـلاب


وهي رحلة بديت بها ولا ادري كيف بنهيهـا


تحريتك شروق الشمس وشفتك للشروق غياب


ولا اضنك تبيع العشره اللي كنـت شاريهـا


بقى لي بالهوى نظرة وتغريبة ودمع اهـداب


وقصة بترك لسانك علـى العـذال يرويهـا


واناجي باقي حروفي وبألف للفـراق كتـاب


قصايـد تملـي اوراقـي ارددهـا واغنيهـا


واذا مرتني الذكرى وجرحي بالحشا ما طـاب


بتبعدنـي وتدنينـي وببعـدهـا وابدنيـهـا


وانا عيب علي اشكي من الدنيا بدون اسبـاب


مدامي ما خذ منهـا يجينـي يـوم واعطيهـا ​

 

[سعودية كوول]

الله عليك بجد روووعه

الله يعطيك الف عافيه

 

[الوايلية]

لا هنتي يالغلا​

 

[احساس الغروب]

يسلمو
صح السان قايلها وتسلم ايد ناقلتها

 

[النوفي]

الله الله رووووووووووعه لاهنتي ..

 

[حـــــــــصه]

لاهنتي ......... روعه

 

[عيونك اخر آمآلي]

رووووووووووووووووووووووووعه


صح لسان شاعرهاااااا