ماخذه قرض؟ ماخذه سياره اقساط؟

[FuSheYa]

السلام عليكم




شلونكم بناااات؟؟






الصراحه كنت واايد متردده وليلحين شويه متردده على هالفكره بس بشوووف شتقولون وبشوف الوضع شلوون صااير




منو ماخذه قرض؟
من وين؟ وشلون فوايده؟
هل يسوى ناخذ قرض؟ <--- ترا قرار اسقاط القروض ماله شغل لوووول
فوايدهم معقووله والا ماتسوى على القرض اللي ماخذته؟








والسؤال الثاني

منو ماخذه سياره اقساط؟

تحسفتي انج خذيتي اقساط؟
والا عااادي لان السعر ما زاد عليج واايد؟
وشلوون الفوايد؟




بنااات محتاجه مناقشتكم بالموضوووع

لا تقصرووون



اشوفكم على خير



:eh_s(21):


:eh_s(21):



:eh_s(21):




:eh_s(21):

 

[FuSheYa]

ماشاءالله ماتوقعت جذي!

اشدعوه بنات وينكم؟

يعني محد ماخذ سياره اقساط؟
الكل كلش!!!! ماشاءالله

 

[Lonly Girl]

شوفي انا كنت أشتغل في بنك - نصيييييييييييييييييييييييييييييييييييييييييييييحة لا تاخذين قرض بيقصون عليج ويقولونلج بدوون مقدم وبدون دفعة أخيرة ماااعليج من هالحجي - تبين سيااااااااااااااارة اخذيها من الشركة لا تحطين على عمرج قرووووض ترى ماتخلصين من هالمواااااااال
وهذا راايييييي وانتي كيفج

 

[سارونة1972]

حبيبتى انا اشتغل فى بنك ونصيحه منى لانى اخذى قرض سياره من الوطنى يعتبر قرض سياره لان لو بتاخذين تمويل من اى شركه مثل التسهيلات بياخذون منج فوائد من البنك اقل من اى شركه ثانيه انا سيارتى اخذتها من الوطني قرض سياره من الوطني

 

[FuSheYa]

يسلموووو بنااات

اللي انا متردده منه الفوايد والاذيه!!!
علشان جذي ودي اقارن بالاقساط والقرض!! <---- عليميه!!

 

[قلبي فقلبه]

انا خذيت سياره التيما 2006 مستعمله من بيت التويل بصراحه حلوه نظيفه وسعرها معقول يعني تسوى وموديلها مو قديم خذيتها طايف على موديلها سنتين بس وتستاااااهل والفايده 400 وقسطها مو كبير 92 لمدة 3 سنين وانتي براحتك شوفي اللي يصلحلك

 

[فارسة خالد]

السلام عليكم

اختي اشلون تقولين متردده من الفوايد والاذية ؟؟ وانتي ملتزمة معاهم بعقد وهذا يبين ان القسط مال القرض والمدة ما يقدرون يغيرونها الا لما انتي تطلبين منهم ؟؟

مثال: رحتي البنك طلبتي قرض 10 الاف دينار على 7 سنوات والقسط بيكون 146 دينار .. وين المشكلة ؟! وصدقيني ما راح يتغير شي

تجربتي: اول ما اشتغلت فكرت ابيع سيارتي القديمة وابي اخذ سيارة يديده قلت ماكو الا اقساط وسيارتي القديمة اخوي قالي اتييبلج 3 الاف والسيارة اللي ابيها بـ 14 الف .. يمعت 1000 دينار وبعت سيارتي ورحت الوكالة مع ابوي قالولنا لو بتحولون السيارة على التسهيلات يعني ناخذ السيارة اقساط والمقدم 4 الاف القسط راح يكون 200 دينار وشي تقريبا على 5 سنوات يعني حسبنا الفايده راح ياخذون 2300 زيادة يعني كله راح يطلع 12300 دينار .. انا كنت حاطه حد للقسط مابي يكون اكثر من 150 دينار المهم رحنا البنك قلت باخذ قرض 10 الاف على 5 سنوات طلع القسط 200 دينار بالضبط قلت لهم ابي ما يتعدا 150 دينار القسط قالولي على 7 سنوات القسط بيكون 146 دينار وما يتغير والفايده 2250 دينار يعني كله يطلع 12250 دينار وافقت على القرض .. ليش ؟!

لان السيارة راح اخذها كاش يعني ما راح تكون مطلوبة للاقساط واقدر ابيعها باي وقت وفوق هذا بعض الوكالات يعطونج مميزات اذا خذيتيها كاش مثل الكفالة الذهبية والتأمين وسيرفس بلاش لي مسافه معينة طبعا واللي احلى من هذا اني اقدر كل سنة اروح لنفس الوكالة اعطيهم السيارة اثمنها عليهم واخذ اليديده وادفع الفرق ما راح يكون وايد على حسب الاستعمال طبعا انا خذيتها شهر 12 سنة 2008 بس موديل 2009 وقبل جم يوم رحت مع زوجي الوكالة قالولنا ناخذها منكم ونعطيكم اليديده تدفعون فرق بس 680 دينار يا بلاااش سيارة يديده بعد وموديل يديد 2010

بس اذا خذيتها اقساط راح تكون السيارة مطلوبة لمدة 5 سنوات حق شركة التسهيلات وما اقدر ابيعها حتى لو ابيعها راح تكون مطلوبة وما راح استفيد من بيعتهاا الا الفين دينار يمكن مو اكيد بعد على حسب السوق وانا سيارتي بي ام الفئة الخامسة قلت اخذها كاش احسن من الاقساط والحمدلله البنك لي يومج ما غيروا القسط مال القرض ولا غيروا بالمدة يعني على شغلنا وحتى يوم تزوجت اكتشفت ان زوجي امسوي نفس الطريقة ماخذ قرض وماخذ سيارة يقول لا سمح الله احتجت والا شي ما اروح اخذ قرض لا ابيع سيارتي ومنها اشتري سيارة ارخص وباجي الفلوس اسد فيهم حاجتي

بس انتي فكري ولا تاخذين واااايد يعني حدج 10 الاف او 15 الف وشوفي المدة اللي تناسبج والقسط اللي يناسبج وانا بنكي الوطني لج حرية الاختيار والمدة توصل لي 15 سنة وكل ما زادت المدة يقل القسط

 

[دمعة_ حزن]

اب
اب

 

[أميرة السعادة]

هل يسوى آخذ قرض ؟

هل تستطيعين مقابلة الله عز وجل و رسولة بحرب منهم ؟

قرض ربوي نصيحة لوجه الله تعالى و من محبة لكِ أختي الغالية ابتعدي عنه ندامة بالدنيا و الآخرة و الله اييسرلج الحلال وين ما كنتي يارب ...عندج البنوك الإسلامية و الله يوفقج

 

[اسبانيه]

انا خذيت القرض من الوطني

وشريت السياره كاش ب 12 الف ...وفيها كل المميزات اللي ذكرتها الاخت فارسة خالد يعطونج مميزات اذا خذيتيها كاش مثل الكفالة الذهبية والتأمين وسيرفس بلاش لي مسافه معينة ...والحين اسدد القرض حق البنك بس وحسيت جذي اريح لي

وانتي لا تتسرعين ..اخذي وقتج بالتفكير ولا تحطين على ظهرج مبلغ كبير لان بعدين يمكن تتعبين ..وموفقه ان شاءالله

 

[راعية الطيارة]

صراحة من طريقة طرح سؤالج ان ما الله حادج الحمدلله عالقرض

نصيحة انحاشي من القروض .. و لا تنسين الفوائد الربوية ان اسقطوها منج في الدنيا فمن يسقطها منج في الاخرة ؟!؟

بالنسبة للسيارة اخذيها مرابحة من اي بنك اسلامي .. ولا تخلين قسطج فوق 100 دينار لان الايام رح تمر بإذن الله سواء سنتين او 5 لا تخرعين من الدفعة الاخيرة لانها تقسط بعد .

الله يوفقنا و يوفقج للخير .

 

[Spoildish]

انا مو ماخذه قرض ولا راااح اخذ وانشالله ما راح اضطر يمكن بعد 500 سنه لي طلعلي بيت لول
و سيارتي ماخذتها اقساط بدون دفعه و اخذتها وقت عروض ب6 و مع الفوايد 8 تقريبا
والحين باقيلي شوي اكثر من سنتين و اخلص و يصير معااشي بالكامل حقي ولو ما خذه قرض جان بعد 10 سنين خلصت و حراام البنك ياخذ دبلات القرض الي انتي ماخذته يعني جان بدال لا ادفع 8 جان دفعت 12 الف
انا اقول بناات خلوا القروض حق انشالله لي طلعلكم بيت و قولوا الحمدلله على كل حال

 

[alhnan]

لا تاخذين قرض ولا اقساط ... جمعي واخذيها كااش.. شللي حادج على الربا جمعي مبلغ ودشي جمعيه عشان تقللين المده واشتري كااش.. كا ماشالله سيدة اعمال.. القرض و الاقساط دين وعماة عين

 

[KillY 7aLA ^_*]

لوووووووول فوشيا انتي حالتييييج نفس حااالتيييييي مادري شسوي ... انزين فييديينا شنووو قررتييي اخر شي ؟