ماحكم اللي قاعد بالبيت ويستلم معاش من الدولة؟

[افراحي]

مرحبا بنات..

انا حماي اخو زوجي موظف ويستلم معاش وهو نايم بالبيت واذا قلت له معاشك حرام يقول لا انا مديري ماعنده مانع يقول لي اقعد بالبيت اقوله طيب المدير مايعطيك المعاش من جيبه هذا راتب من الدولة...يقول لا ماعلي ذنب الذنب على المدير..المشكله بنات انه متزوج وعنده عيال وانا احس انه قاعد يوكلهم مال حرام...

انتوا شرايكم؟؟!!​

 

[**فراشة الكويت**]

رد : ماحكم اللي قاعد بالبيت ويستلم معاش من الدولة؟

السلام عليكم
انا اعرف وحده كانت موظفه بشركه خاصه ومعاشها من دعم العماله
وهي قاعده في البيت
وسألت شيخ ... الشيخ سالم الطويل
قـــال :
حـــــــــــــــــــــــــــــــــــرام ما يجوز

وانا اشوفها بالعقل شلون الواحد يستلم راتبه وهو قاعد في البيت في ناس قالوا حلال لان صاحب الشركه يدري
بس الحكومه اللي تعطي المعاش ما تدري

والله أعلم

 

[miss.eng]

دعم العماله حرام مايجوز بس حاله وحده الي تجوز واهوو العجز الي يكون معاق او مريض وتمشيله الحكومه العجز

 

[love ali]

رد : ماحكم اللي قاعد بالبيت ويستلم معاش من الدولة؟

حرام ما يجوز

 

[نور-الكويت]

انا لله وانا اليه راجعون عميت الابصار بالدينار اين التقوى ؟؟
لاحول ولا قوة الا بالله
اللهم ارزقنا الحلال وابعد عنا الحرام

 

[مرتاحه]

لايش المدير اهو الا يصرفله المعاش من جيبه الخاص
ضربيله مثل
ان اهو يملك شركه وحاطله مدير لهذي الشركه
وهذا المديراقول لواحد من الموظفين لا داوم
وراتبك راح يمشي
وهو بعدين عرف هل راح يرضيه تصرف المدير
او تصرف الموظف ، طبعا ما راح يعجبه ويمكن
يفنش الاثنين
هذا حاله مع شغله
خل يتقي الله في اعياله واهله

 

[حدى عنيده]

اي والله انا قاعده اشوف هالسالفه وايد منتشره الناس اتمشي لحريمهم وعيالهم الكبار واهم بالبيت لا ويقولون ياربى الفلوس مافيها خير وبسرعه تطير ياربي مايدرون ان اللى ياخذ دعم عماله واهو فى بيته الله مايوفقه الحمدالله على كل حال

 

[قمررهم]

رد : ماحكم اللي قاعد بالبيت ويستلم معاش من الدولة؟

لا يجوز حتى التأ؟خر عن العمل الا بعذر فكيف الانسان يجلس بالبيت اتقو الله وذكريه ان فيه حديث عن الرسول
عن أبي هريرة رضي الله عنه، قال: قال رسول الله : { إن الله تعالى طيب لا يقبل إلا طيباً، وإن الله أمر المؤمنين بما أمر به المرسلين فقال تعالى: يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحاً [المؤمنون:51]، وقال تعالى: يَا أَيُّهَا الَّذِينَ آمَنُواْ كُلُواْ مِن طَيِّبَاتِ مَا رَزَقْنَاكُمْ [البقرة:172]، ثم ذكر الرجل يطيل السفر أشعث أغبر يمد يده إلى السماء: يا رب ! يا رب ! ومطعمه حرام ومشربه حرام وملبسه حرام وغذي بالحرام فأنّى يستجاب له؟ }.
[رواه مسلم