ماجستير جامعه الكويت ادش اقتصاد ولا محاسبه؟؟

[^^ROSE^^]

السلام عليكم

بنات اللي عندها فكره عن ماجستير الاقتصاد بجامعه الكويت ممكن تقولي شلونه؟

انا الحين محتاره بينه وبين المحاسبه
واقدر ادش الاثنين
قصدي يعني مستوفيه شروط الاثنين

بس بعرف شنو فيه ماستر الاقتصاد وشلون دكاترتهم؟

و هم المحاسبه شلون دكاترتهم؟

اخر يوم تقديم 24 فاللي عندها معلومة قبل هالتاريخ تقولي عشان اقرر شقدم عليه

وشكرا

 

[frawlah_83]

رد : ماجستير جامعه الكويت ادش اقتصاد ولا محاسبه؟؟

روووووز مبروووووووك على التوفل والنجااح :*** :eh_s(17)::eh_s(17):

هاااج حقج :eh_s(7):

ثاني شي بالنسبه لي انا اكره شي اسمه اقتصااد ماحبه :eh_s(1): فبالنسبه لي افضل المحاسبه

بس شوفي احنا مانقدر انقرر عنج اول شي انتي لازم تشوفيين شنو مستقبلج الوظيفي وين تبيين يعني لما ادشين اقتصاد شنو المجالات الي بتشغلينها هل بتحولين طبيعه شغلج من المحاسبه لي الاقتصاد ؟ لانه كل وااحد ومجالات عمله غير عن الثانيه هذي اهم نقطه تفكرين فيها ويين مستقبلج الوظيفي قبل لادرسين وتعبين في شي ... عرفتي فاذا انتي حابه مثلا بتشغلين بالمحاسبه فما انصحج نهائيا تروحين اقتصاد ماراح تفيدج نهائيا

 

[^^ROSE^^]

الله يبارك فيج بعد عمري :eh_s(17):

اي انا ماكنت احب ماكرو و مايكرو بس كنت زينه فيهم

اللي خلاني اتردد بين هالتخصصين لما دريت ان اللي لهم كادر مثل تخصصالمحاسبه
لما يخلصون ماستر ماياخذون علاوة الماستر 75 دينار :eh_s(4):
يعني انا ماخذيت كادر عالمحاسبه الا لانه صعب
ليش ما اخذ علاوة الماستر شهالظلم؟؟؟

من جذي قلت خل اشوف اقتصاد كنوع من التغيير يعني

اللي قريته بسايتات اجنبيه عن تخصص الاقتصاد حلو

بس طبعا مانقارن مستوى جامعات بره بجامعه الكويت الحلوة :××

مادري لازلت محتاره

 

[خشف الرعآبيب]

يآحيآتي والله مآعندي خبره

بس حبيت أرفعلج الموزوووع

وقبل كل شي إستخيري ثم إستخيري ثم إستخيري

ومآخآب من إستخآر :eh_s(15):

وعسى ربي يوفقج ويكتبلج الخير بكل مكآن :eh_s(7):​

 

[^^ROSE^^]

:eh_s(17): يزاج الله خير ماقصرتي عالرفع و الرد

 

[frawlah_83]

رد : رد: ماجستير جامعه الكويت ادش اقتصاد ولا محاسبه؟؟

روز انا الي اعرفه انه كادر المحاسبه ينزل بس حق الي يشتغلون في الوزارات الي مالها كادر وماتوقع انتي تبين تشتغليين في اي وزاره !! يعني اذا رحتي الماليه مالج كادر محاسبه فاكيد بتاخذين ال 75 واذا بتروحين ديوان المحاسبه هم نفس الشي مالج كادر لانه لهم كادر خاص فراح تيج زياده الماستر مالتهم الي اهي 200

ونفس الشي بالنسبه للنفط وهكذا .. عرفتي

الا اذا انتي مفكر تبين تشتغلين في وزاره عاديه هذا شي ثاني بس خل نفرض انه حظج قطج في وزاره عاديه انتي بعد ماتخلصين الماستر تقدرين تشوفين لج تالي مكان بعد ماتصير عندج خبره تقدمين على اماكن ثانيه ..

لوووول افضل تروحين محاسبه عشان تقولين لي الوضع اشلونه<<< مصلحجيه

 

[^^ROSE^^]

رد: رد : رد: ماجستير جامعه الكويت ادش اقتصاد ولا محاسبه؟؟

لوووووووول اي خلاص بروح محاسبه عالاقل اشياء دارستها عندي فكره

اي انا مابي وزاره عاديه
بس دام الواسطات اهي اللي تمشي وانا ماعندي واسطه
مهيأة نفسي نوعا ما حق الدقره والوظيفه بوزاره تعيسه

بس الله كريم يرزقنا كلنا وظايف سنعه

 

[frawlah_83]

رد : رد: رد : رد: ماجستير جامعه الكويت ادش اقتصاد ولا محاسبه؟؟

كل واحد رزقه مكتوب يعني لا واسطه ولاهم يحزنون صج الواسطه مهمه بس ماتدرين الله اسهل الامور انتي الي عليج تقدمين وتشوفين وين رزقج بس اهم شي لاتعشمين روحج في مكان معين وتقفليين ماتبين الا اهو قدمي كل مكااان والمكان الي ايج من قبول اذا كان زيين وافقي لاتردديين ... ويبيلج ترى طوله بااال جدامج ترى مشواااار طويييل من النطره والحوسه

 

[BaiTotia]

إذا بتخصصين أقتصاد علشان ال75 راح تندمين بعدين إذا مو مقتنعة بالتخصص

لكن إذا الأقتصاد عاجبج توكلي على الله

بس لو أنا منج بتخصص محاسبة

وشصار على ال gmat شلون نظام الأسئلة؟؟؟:eh_s(2):

وترا كلية العلوم الإدارية مستواها قوي مو نفس باجي الكليات مو علشان كليتي بس هذا الصج

 

[Om_Ksha]

اووه لقييت موضوووعج روووز مشاءاللللللله دقييقه مرر الوققت


يالله قدمي و انا شكلي بقدم على الاقتصاد دام بس يبون 450


موففقه

 

[CBA06]

Alsalam banat. Akhir youm tqdeem 24 7ag ilbi3that wall jam3t ilkuwait?! L2ana Ana Eli a3rfa ena master ku llai il7een Ma fita7!

 

[nonosha]

الماستر يفتح شهر 11 ويسكر شهر 2 كل سنة
الموضوع قديم شهر 2 اللي طاف

 

[CBA06]

Loll ism7oli thaya3t. Ikhtra3t lama grait 24 wo g3adt a7oos adawer i3lan ilmaster

 

[ENG.NuNu]

السلام عليكم

روز بغيت اسالج شلون الدراسه الاقتصاد انا خريجه هندسه و ودي اكمل ماستر علوم اداريه

اقتصاد او تمويل بس احاتي يكون صعب علي !! شلون دكاترتكم ​