ماجستير بدون تفرغ

[أم كادي]

السلام عليكم اتمنى احد يفيدني انا معلمة وبكمل ماجستير على حسابي الخاص ومابي تفرغ بس ابي ال45 يوم للاختبار وين اخذ موافقة جهة العمل طلعولي قرون محد يعرف لا المنطقة ولا المدرسة والتنمية والتطوير يقولون احنا التفرغ التام نعطي الحل الله يعافيكم

 

[LA TROO7]

٢٠ يوم بالكورس الاول والباقي للكورس الثاني

الورقه تاخذينها من سكرتاريه المدرسه توقعها الناظرة ثم تودينها للمنطقه التعليمية

موفقه يارب

بس لازم وياج كتاب من الجامعه يشهد انج تداومين عندهم

 

[أم كادي]

للرفع مشكورة حبيبتي بس انا بعرف شلون اعطيهم خبر اني قاده اكمل وانه جهة عملي موافقة هذا النموذج مال اداء اختيار اعرفه بس انا اقصد نموذج طلب موافقة على دراسة اللي على اساسها يعطوني ال٤٥ يوم

 

[أم كادي]

بليز احد يفيدني الله يعافيكم

 

[أم كادي]

للرفع

 

[منوووور]

ماعندي خبر
بس للرفع
اتمنى احد يفيدج

 

[*مطبخ الذواقة*]

رفع .... حبيبتي لعيونج

 

[أم كادي]

حبيبتي شكرا

 

[oyoon al maha]

حبيبتي شكرا

ياقلبي ... ممكن سؤال حبيبتي ؟

شنو تخصص اللي بتكملين فيه ماستر ؟ واي جامعة ؟

لانه ودي اكمل ماستر بتخصص تربوي بس معدلي غير مستوفي الشروط !

ومشكورة مقدما

 

[(كويتيه عسل)]

انا درست بدون تفرغ

1- اول شي سجلي في جامعه معترف فيها ودرسي عادي فيها واختاري
المحاضرات اللي تكون العصر او في الويك اند علشان لا تضطرين تغيبين

2- وقت ماتبين تاخذين اجازة اداء امتحان اللي 45يوم

3-اخذي لمن يهمه الامر من الجامعه انج طالبه مقيده عندهم
تالي روحي الملحق الثقافي الكويتي علشان يختمون على الورقه
وروحي للسكرتيرة في مدرستج قدمي طلب اجازه 45يوم
عاد انتي كيفيج تبينها 45يوم مره وحده ولا تبين تجزئينها لطول السنه
وراح تكتبين متى تبينها في اي تاريخ
والناظره راح توقع عليها انها موافقه
<<<<مافي ناظره ترفض اذا تليعنت ورفضت روحي المنطقه قوليلهم الناظره مومتعاونه معاي غصبن عليها بتوقع
ورئيسة القسم راح تسويلج جدول توزع حصصج على الابلات الثانين
وارفقي مع ورقة طلب الاجازه شهادة القبول وجدول امتحاناتج مختوم من الجامعه

اذا تبين تقدمينها قدميها قبل الامتحانات بشهر عالاقل لانهم يطولون
بعدين راح يوصلج لي المدرسة كتاب انهم وافقوا عالاجازه

واذا ما وافقوا معناته اوراقج ناقصه راح يقولونج اوراقج ناقصه ويرفقون كتاب يكتبون فيه شنو الاوراق اللي ناقصتج
وانتي ييبي الاوراق الناقصه وراح يرسلونج بسرعه الموافقه على الاجازة



ومادام انج مقدمه اجازه 45يوم سواء اخذتيهم كلهم او مااخذيتهم كلهم يخصمون منج 250


واجازة 45يوم تاخذينها 3 مرات كل سنة دراسية مره طول فترة دراستج


انا اخذت اجازة اداء امتحان مرتين ولاني كنت محتاجه فلوس مايبي يخصوم مني
ابيهم حق رسوم الجامعه فآخر سنه لانها كانت خفيفه ماعندي مواد وايد
قزتها مرضيات على عرضي على استاذان والحمدالله تخرجت

واخذت ماجستير

 

[ترف بابا]

مدام انتي موظفه اللي يعطيج الموافقه ع ال٤٥ يوم مجزئه او متصله هو ديوان الخدمة

بالتحديد مبني ديوان الخدمة الدور السابع قسم البعثات والاجازات الدراسية

ولازم معاج ما يثبت ان انتي تبع جامعه معينه معترف فيها من قبل التعليم العالي اللي بالشويخ.

 

[ترف بابا]

وعلي فكره اذا بديتي باجراءات الديوان افضل عشان كل شي يروح حق جهة تملج عن طريقهم وتفتكين ومو علي كيف المديره تستلعن او لا لان بيزل قراار

وبالتوفيق

 

[شموووخ بدويه]

بناااااات انا بكمل ماستر،، وين أقدر غير جامعه الكويت،،

فيدوني الله يخليكم مادري وين اروح

 

[badraa_85]

رفع بليز


طلب الاجازة اليوم سائله تقول بمنطقتج التعليمية قسم الاجازات والدوام

 

[بحر الذكريات]

موفقات يارب

 

[اللاندكروز]

طلب اجازه اداء امتحان من المدرسه بس لازم يكون معاج مايثبت انتسابج لجامعه معينه

 

[اسرار الغلا]

اب اب

 

[yam_yam]

انا درست بدون تفرغ

1- اول شي سجلي في جامعه معترف فيها ودرسي عادي فيها واختاري
المحاضرات اللي تكون العصر او في الويك اند علشان لا تضطرين تغيبين

2- وقت ماتبين تاخذين اجازة اداء امتحان اللي 45يوم

3-اخذي لمن يهمه الامر من الجامعه انج طالبه مقيده عندهم
تالي روحي الملحق الثقافي الكويتي علشان يختمون على الورقه
وروحي للسكرتيرة في مدرستج قدمي طلب اجازه 45يوم
عاد انتي كيفيج تبينها 45يوم مره وحده ولا تبين تجزئينها لطول السنه
وراح تكتبين متى تبينها في اي تاريخ
والناظره راح توقع عليها انها موافقه
<<<<مافي ناظره ترفض اذا تليعنت ورفضت روحي المنطقه قوليلهم الناظره مومتعاونه معاي غصبن عليها بتوقع
ورئيسة القسم راح تسويلج جدول توزع حصصج على الابلات الثانين
وارفقي مع ورقة طلب الاجازه شهادة القبول وجدول امتحاناتج مختوم من الجامعه

اذا تبين تقدمينها قدميها قبل الامتحانات بشهر عالاقل لانهم يطولون
بعدين راح يوصلج لي المدرسة كتاب انهم وافقوا عالاجازه

واذا ما وافقوا معناته اوراقج ناقصه راح يقولونج اوراقج ناقصه ويرفقون كتاب يكتبون فيه شنو الاوراق اللي ناقصتج
وانتي ييبي الاوراق الناقصه وراح يرسلونج بسرعه الموافقه على الاجازة



ومادام انج مقدمه اجازه 45يوم سواء اخذتيهم كلهم او مااخذيتهم كلهم يخصمون منج 250


واجازة 45يوم تاخذينها 3 مرات كل سنة دراسية مره طول فترة دراستج


انا اخذت اجازة اداء امتحان مرتين ولاني كنت محتاجه فلوس مايبي يخصوم مني
ابيهم حق رسوم الجامعه فآخر سنه لانها كانت خفيفه ماعندي مواد وايد
قزتها مرضيات على عرضي على استاذان والحمدالله تخرجت

واخذت ماجستير

:eh_s(15)::eh_s(15)::eh_s(15):

 

[مارلينq8]

باي جامعه بتكملين ياريت تفيدنا لان مفكره حاليا اكمل جزاج الله خير

 

[بنات حواء2]

حبيبتي الاجازه هذي تاخذينهامن المنطقه