ماجد تقي؟ ولا ايران؟

[مترجمه]

مساء الخير ع الجميع


باختصار بنات خشمي محتاجه اسويه عمليه وقالولي ايران الوضع متوتو حاليا ف ابي اسويه عند ماجد التقي ورحت له لكن بشوف منو الي سوت عنده من قبل لان كلش ماعرف احد جربه؟ وابي منو غيره زين بالكويت من خلال تجاربكم خشمي فيه عرض وشوي نزله خفيفه بضعفه وبرفعه يعني مو صعبه عمليتي باذن الله



محتاجه تجاربكم بليييييز اقترحوا علي حتن لو بايران جود تطخ الاوضاع واروح يااااارب ياكريم

 

[حلم ميت]

شفيها الاوضاع في ايران؟
اتابع الاخبار وماشفت فيها توترات او مظاهرات

مثلج حاطه في بالي الدكتور ماجد تقي في الكويت او الدكتور بسام حواري عندنا بالسعودية

 

[quietone]

السلام عليكم

اختي انا توني مسويه عمليتي عند دكتور خالد الصبيح طبعا بعد ما شفت كذا بنت مسوينها عندا وسمعته ما شاءالله ...

ما راح اطول عليج تقدرين اتابعين موضوعي ذكرت فيه تجربتي كامله ... وانا توني مسويه العمليه بعدي ما شفت النتيجه ...

ونصيحه اخت اختاري الدكتور الي تبينه في تجميل الانف انتي حره ... بس الاحسن تختارين دكتور متخصص قبل التجميل يكون

اذن وانف وحنجره يعني تخصصه علاجي قبل تجميلي .. اكيد انتي ما تبين تعدلين شكل خشمج واتخربين التنفسس عندج او

الجيوب او اي شي ثاني .. ترا ياما بنات سووو تجميل انف عند دكاترت تجميل وصارت خشومهم تشوق وايد حلووه بس صحياا

لايعه جبدهم يحوشهم شخييير او ضيق تنفسسس او صداع او جيوب .. لان الدكتور اساسا تجميلي مو متخصص في الانف ...

انا بالنسبه لي اخترت دكتور خالد الصبيح لان اول شي اهوا متخصص في الاذن والانف والحجره .. وثاني شي تجميلي ووايد

مسوين عندا وعملياتهم روعه مو مبين انها مسويه تجميل .. مابي امدحه وايد بعدي ما شفت نتيجت عمليتي وان شاءالله خير

متفائله .. بس ما رحت له الا انا نفسيا مرتاحه منا لما قعدت معاه وكلمته ... وهم شفت كذا عمليه مسويها ومو مبين كلش انه

تجميل الخشم طبيعي وحلو مرسوم ... وسوري طولت بس حبيت افيدج .

 

[مترجمه]

شفيها الاوضاع في ايران؟
اتابع الاخبار وماشفت فيها توترات او مظاهرات

مثلج حاطه في بالي الدكتور ماجد تقي في الكويت او الدكتور بسام حواري عندنا بالسعودية

حبيبتي. اقري الاخبار ايران تهدد بضرب الخليج باي وقت وماخذبن وضع تاهب وسال كبيرة معقده فاخاف اروح واتوهق والكل قالي نطري لاتروحين ن

 

[مترجمه]

حبيبتي اي صح كلامج عالتنفس مابي اسوي شي واخرب شي


بس عطبني تفاصيل اكثر يعني جم كلفج وشنو كان عيب خشمج؟ وشنو سواه وحمدلله ع سلامتج حبيبتي

 

[quietone]

الله يسلمج ياربي


كل التفاصيل من قبل العمليه لين سويتها وشصار فيني موجوده في موضوعي تقدرين تشوفينه بالقسم العمليات الجراحيه ..

بالتوفيج حبوبه .

 

[om MaRyooM]

ماجد تقي سويت عنده الابر ماجربت العملية

بشكل عام انصحج بخالد الصبيح
او تروحين لبنان

 

[sweet lady]

حبيبتي مافي على روجيه خوري عجييب بالخشم دكتور لبناني ايي زيارة في الصفاة الامريكي
اخوي سوا خشمه عنده ممتاز ولا كان تجميل واختي راحتله بلبنان وسوت خشمها نص قيمة عملية اخوي
يعني تجارب شفتها يعيوني والحلو شغله مايبين تجميل نهائيا

 

[مترجمه]

روجيه خوري مشكله انطره ايي زياره الكويت وانا سفر ماقدر اسافر هالفتره




الله كريم نشوف تجارب اكثر وبستخير وبروح للصبيح ان شالله