ماجدة اليتامى واطفال الانابيب ...اشرايكم؟؟؟

[BNT_NAS]

السلام عليكم
















































بنات ناوية اسوي عندها طفل انابيب ...اشرايكم فيها؟؟؟ اتعرفون احد مسوي عندها؟؟؟؟

عطوني معلومات اكثر عنها بلييييييز

 

[ماي الورد]

وايد يمدحونها والله مسوية عندها وحدة ويانا بالمنتدى اسمها ايمانوفا وهي حامل الحين وغايبة عن المنتدى لان ولادتها قربت او انها ولدت بس عيبها انها غالية اشووي موفقة يارب والله ييسر لج امورج

 

[q8ya-barby19]

انا بنت عمتي سوت عند باترك اول شي يابت توم بنات وهذا عيبه يقولون اغلب شي عنده يحملون ابنات وثاني حمال راحت لليتامى ويابت توم ولد وبنت شحلاتهم الله يخليهم لها بس اهيا غاليه ونفس فوزيه القطان
توكلي على الله وان شاء الله فدتج

 

[ام مسااعد]

هلا بنت ناس شلونج حبيبتي

انا ماعرف عنها بس حبيت اسلم عليج وادعيلج بالتوفيق والذرية الصالحة

 

[ذاتى شموخي]

انا عالجت عندها
وسويت تلقيح صناعي وفشل
بس اهي حيل غاليه
وماتعطيج وقت تكالمينها
تكلمج وهي واقغه

 

[طيبة الطيبات]

صراحه هى ممتازه بعد رب العالمين اختى جابت ولد وقعدت 6 سنين ماحملت ماخلت شى وسوت اطفال انابيب فى الصباح ومانجحت وراحت عندها لما فحصتها قالت لها نصيحه لاتسوين اطفال انابيب انتى حملك عزيز بس اختى ماصدقتها وسوت بعدها كذا عمليه وبعدين وقفت عن العلاج سبحان الله حملت فى بنت طبيعى وبعدها باربع سنوات بولد وطلع كلامها صحيح وعسى الله يرزقك

 

[نــعــوومــه]

انا سويت عندها اربع مرات ...........اول مرتين وصلنا لموعد السحب ووقفنا العلاج لأن صار عندي تضخم بالمبايض..........

والمره الثالثه كملنا للأخير وماحملت..........والمره الرابعه بعد ماصار حمل..................

إهي عيبها ........دايماا مستعجله وماتعطيج فرصه تتكلمين .........وغاااااااااااااااااليه ناااااااااااار

وانتي الله يوفقج عندها وإن شاءالله تحملين.............

 

[BNT_NAS]

هلا بنات مشكورين عالردرد........


ام مساعد اشلونج حبيبتي....ماتقصرين عالسؤال.........


بعد بنات يالله ابي تجاااارب او اي شي سامعينه عن الدكتورة

 

[hmama]

انا انصحج تسوين عندها
شغلها مرتب وعلاجها ممتاز
والابر تعلمج شلون تقزينهم بالبيت
وغرفه العمليات يديده ونظيفه
والممرضات يهبلون ونفسيتهم حلوه
انا رفيجتي احملت بعد فضل الله والدكتوره ماجده
ويابت بنوته حلوه

توكلي على الله

 

[Emanova]

انا سويت عندها شهر 9 و الحمدالله توني ولدت بالسلامه و يبت احلى توائم بنت و ولد

انا استغرب الناس اللي يقولون انها مستعيله ....انا علشان انابيب كانوا يدخلوني قبل الناس و وايد حبوبه و حنونه و انا اشوف اسعارها

نفس اسعار باجي الدكاتره ...يعني اهي قالت لي اذا قدرتي تدبرين الادويه خير و بركه و قالت لي اشكثر احتاج و دبرت اللي اقدر عليه و الباجي شريته

شوفي حبوبه اهي بالها طويل كان معاي ....يعني انا رحت لها شهر 5 و قلت لها ابي اسوي انابيب ....

سوت لي تحاليل شامله و نطرت لما اتيني الدوره شهر 6 و طلعت ابي اروح العمره جان تقولي خل نأخر الدوره على ما ترجعين

و لما رجعت سوت لي منظار للرحم مع تنظيفات كلفتي 150 + 90 اذا انا مو غلطانه

بعدين عطتني 3 علب من منظم الدوره آخذ 3 حبات مع بعض ...لحد ما انزلت الدوره حسبت لي 21 يوم و بلشت آخذ الابر التحضيريه

اللي اسمها السوبر فاكت و نزلت علي الدوره سووا لي تحاليل علشان يتأكدون ان الهرمونات نزلت اللي عندي و بلشت الابر التنشيطيه

و كنت تقريبا يوم و ترك اروح لها و سعر السونار 45 مره وحده تدفعينها

المهم ...السحب 750 دينار و تخدير كامل و دكاتره التخدير اللي عندها روعه و السسترات وايد زينين ...و عقبها ب 3 ايام دقوا علي

و قالوا لي تعالي علشان نرجع الاجنه ...الترجيع يكلف 150 دينار

و فتره النطره اسبوعين صار فيني انفلونزا زوجي دق على العياده قالت له ييبها و عطتني مضادات بالوريد و ادويه علشان لا اتعب مع ان

الكحه كانت لاعبه فيني لعب ....

و الحمدالله طلعت حامل .... و سووا لي سنار ما بين الكيس و سووا لي تحاليل الهرمون يرتفع بس مو وايد ... و كانت خايفه حمل خارج

الرحم ...و كانت تقولي مبايضج مبايض وحده حامل بس هالملعون وينه ؟!؟!؟!

و صبرت علي لحد ما شافت الجيس و عطتني موعد عقب اسبوعين و طلعوا توائم و بنفس اليوم قالت لازم ربط لما اتكملين 12 اسبوع

لانها تخاف على التوائم فلازم تاخذ الحذر و كلفتني عمليه الربط 250 دينار

بس انا ما ولدت عندها ولدت في مستشفى العدان لانها كانت خايفه على اليهال و تبي تولدني باول التاسع و انا كنت اراجع بالعدان لاني

كنت خايفه من الولاده المبكره و العدان قالوا لي مادام اليهال ما فيهم شيء احسن نولدج عقب ال 37 اسبوع علشان صحه اليهال تكون احسن

و الرعايه بالحكومه احسن من الخاص يعني دخلوني 5 ايام قبل موعد الولاده ضبطوا السكر و بعدين ولدوني

و الحمدالله ما احتاجوا عيالي حضانه و لا شيء ... و لما قلت لها ابي اولد بالحكومه قالت لي كيفيج و اول امس وحده من الدكاتره اللي

عندها كلمتني تسأل و قالت لي يبي لنا اليهال نشوفهم

اهم شيء تحطين في بالج ان الرزق من الله لا ماجده و لا فوزيه و لا غيرهم اهم مجرد وسيله الله حاطها

و عليج بالاستغفار و الصدقات و كافل اليتيم و عسى ربي ما يخيب رجاج و اي استفسار انا حاضر

 

[فراولة كوتية]

اتكلي على الله وسوي عندها بس لاتخذيين أبر السيولة وهي فعلا دايم مستعجلة لأن اذا مافيج تخثر لا تخاذيين الأبر سوي تحليل التخثر لأن اهي صراحة شاطرة بس دري بالج واخذي تحاميل التثبييت شرجي أفضل عشان الألم والله يوفقك

 

[BNT_NAS]

مشكورين بنات ....

ايمانوفا الحمد الله على سلامتج ومبروك ماياج ويتربون بعزج يااارب....وان شاء الله ربي يرزقني التوأم السليم ياااارب بهالعملية...ويارب اتكون الثالثة ثابته...لاني تعبت تعبت تعبت تعبت....الله يعوضني هالسنين الي راحت من عمري,,,,,,


والله بنات حدي مكتأبة اليوم الدكتورة اكتشفت ان فيني تليف

ابروحي مو ناقصة....يالله اللهم لا اعترااااض ......يااارب ارزقني وبنات المسلمين ياااارب

 

[Emanova]

عادي انا فيني تليف بعد لا تحاتين و خذيت ابر السيوله و بعدين وقفتها لي ....ان شاء الله ما يضيع تعبج

 

[BNT_NAS]

مشكورة ايمانوفا ....الله يطمنج...يعني ماتأثر عالحمل الحمد الله ....يالله ان التليف مااايكبر يااارب


انزين ايمانوفا حبيبتي بسألج جم جنين ردتلج الدكتورة ؟؟؟؟؟

انا ودي دكتورة اتردلي اجنة وايد اكثر من اربع ...يصيييير ؟؟؟

 

[Emanova]

انا ردت لي 3 من الدرجه الاولي و الدكتوره ما ترد اكثر من 3 الا في حالات معينه او الاجنه تكون من الدرجه الثانيه

و ذا تبين تعرفين شنو يعني درجه اولي و ثانيه اهي اشلون يكون شكل انقسام الخلايا في الاجنه

 

[BNT_NAS]

انا اعرف وحدة من منتدى ثاني ردتلها الدتورة ماجدة 5 اجنة....وماشاء الله احملت بثلالث توائم....


يالله يااارب يكتب الي فيه خير.....مشكوووووووووووووورة حياتي

 

[BNT_NAS]

^^^^^^^^^^^^^^

up

 

[كويتيه مذهله 87]

مثل ما قالت ايمانوو كل شي بيد رب العالمين لا فوزيه ولا ماجده الي تحملج بس هما يسااعدوونج الثباات من الله تعالي لو الدكااتره يثبتوون الاجنه جان لقيتي كل الي سووه اطفال انابيب حملوا

انتي شووفي الي يريحج وتحسين انج مرتااحه معاها كملي معاها

 

[BNT_NAS]

مشكورة مذهلة...والله كلامج صح 100% بس تدرين شطارة الدكتور مهمة واااايد...الواحد يبذل الاسباب ويتكل على الله....

يالله بناااااات معقووولة محد عندة تجربة اوسامع شي عن الدكتورة..؟؟

 

[madam_cake]

حبيبتي والله هالدكتوورة وايد ناس تمدها وبنفس الوقت وايد ناس اعرفهم ذموها فأنتي ماعليج من كلام النااس اهم شي انتي وراحتج النفسية وارتحتي حق الدكتورة والله يوفقج انشالله ويرزقج