مات البيبي !!!

[أم عزوز21]

مرحبا خواتي ..


آنا بجر حملت وبالشهر الثالث ، بس للأسف بآجر بيسون لي تنظيفات
لأن البيبي مافيه نبض وماكبر ولا تغير حجمه للحين نطفه ..

بنات بسألكم من شنو يصير جذي ؟؟!!! ليشششش ماكبر !!

الحمدلله على كل حال ..

والتنظيفات شلون ؟؟؟ عملية ؟ بنج ؟؟ فيها عوار ؟؟

وبعد التنظيفات اتنفس ولا ارد اعيش حياتي عادي ..؟؟



وادعولي بنات ...

 

[om MaRyooM]

بعد عمري خيرة ماتدرين

انشالله الله بيعوضج
واكيد بيسوون تنظيفات .. ولازم تتنفسين عقبها



وانشالله باجي البنات يفيدونج بالتفاصيل لأن ماعندي فكرة

 

[عيون ملكيه]

حيااااتي

الله يعوض عليج انا بعد جذي صارلي الحمدلله ياربي عالصحه و العافيه

انا البيبي مات و نطرته ينزل من نفسه و استخفيت ابي ينزل من نفسه و ما بقى شي ما شربته و كنت راح اغامر و اخذ حبوب لكن ربج سهلها و بدعاء الوالدين و الحمدلله نزل من نفسه و سويت تنظيفات لان الجنين نزل بس بقت المشيمه قالتلي دكتورتي لازم تنظيفات

حبيبتي التنظيفات ما تحسين فيها لأنج بتكونين مبنجه و ما تدرين عن الدنيا و اذا صارلج اكثر من شهرين لازم تنظيفات

و بعد العمليه نص نفاس يعني من اسبوعين لي 20 يوم بالكثير او لمن ينقطع الدم

انا خذيت كل شي امي و خالتي ام ريلي ماقصرووو معاي

و الحين باخذ مانع عشان اريح هالشهر و حمدلله على سلامتج و معووووضه قلبي بأقرب وقت

 

[أم عزوز21]

ام مريوم ...

عيون ملكيه ...

حبيباتي مشكوريييييييين ماقصرتوا ..


بس بغيت أسأل بعد

اذا الجنين ميت في بطني صارله شهرين تقريبا .. هذا يأثر علي؟؟؟ ويسبب لي شي؟؟

أنا سمعت بتسمم الحمل بس مادري شنو اهوا !!؟؟

 

[كويتيه مذهله 87]

حبيبتي كتبه الله وسوي جميع التحاليل واهم شي الاجسام المضاده

وبخصوص النفاس حالج حال الوالده تنفسي بس 10 ايام وتالي عادي
لا يحوشج هوا وتدفي وشربي اشياء حاره


انا شهرين وثلاث اب بطني ميت بس الحمدالله ماكو تسمم



وماتشوفين شر والله يعوضج

 

[يا كويتنا]

خيره يا قلبي


التنظيفات اسهل منها ماكو وبتكونين مبنجه مو حاسه

وتنفسي شهر احسن لج عشان تنظفين عدل


والخير بقبال

 

[أم زايد ويزن]

الله يعوض عليج

 

[موجة ~ بحر]

ماعندي فكرة

الله يعوضج خير يارب

 

[FJoR ~]

اب اب اب

 

[@ام يوسف@]

الله يعوضج يااارب بتوأم

 

[مألوفة]

الله يعوضج يا قلبي والله ما عندي فكرة بس البنات ما يقصروون الله يصبرج ويعوضج خير

 

[أم هدوله]

عسى الله يعوض عليج حبيبتي
ما تشوفين شر ان شاء الله

 

[ام الحلوااات]

اللـــه يـــعــــوضـــج حــبــيــتــي ومــاتـــشــــوفــــيــــن شــــر ان شــــــآء اللــــه​

 

[زين ودلال]

الله يعوضج ان شاء الله ويرزقج يارب

 

[ريح قهوه]

ياحياتي لايضيق خلقج صدقيني خيره واحمدي ربج والله رزاق وعساج تجيبين بداله عشره وعن النفاس والله ما ادري بس البنات ماقصرو اسال الله العظيم رب العرش العظيم انه يعوضج بللي يتمناه قلبج

 

[● عـِـِـِزۈة آخ‘ـَـۈاْنـهـآ «-~]

الله يعوووووضج ب تووووام يارب

 

[غنوة ستايل]

ان شاء الله بالحمله الجديده
لازم تاخذه بيبي اسبرين
انا مرتين اسقط والسبب اني مو عارفه ليش ما يكبر
مني ليما اخذت بيبي اسبرين والحمد الله ولدت بالسلامه

 

[طـير7]

الله يرزقج باللي احسن

والله يعوضج ياااارب

 

[Om 3abas.]

حبيبتي لا تحاتين كل شي بيد رب العالمين
آنا مثلج حمالي الأول طاح البيبي بنهايه الأول يعني تقدرين تقولين بالثاني بس أنا ما سووولي تنضيفات لأن إجهاض كامل
والحمدالله بفضل الله حملت بعد أربع أشهر من إجهاضي والحين حامل بالسادس
لا تتضايقين آنا حاسه فيج إنشالله الله يرزقج غيره و يتمم عليج وتشوفينه بيييدج يا رب
نصايحي حقج
آنا بتكلم معاج بصراااحه لان محد علمني وصار معاي إجهاض
في بنات ما يتحملون الجماع وخصوصا بأول أشهر الحمل
فهذا سبب كبييير يؤدي إلى الإجهاض
وعندج بعد حبوب الفوليك أسد لا تقطعينهم حتى لو مو حامل علشان تهيئين رحمج حق البيبي
وحاليا لا تفكرين بالحمال إلا بعد ثلاث أو أربع أشهر
وإنشالله الله يرزقج بالذريه الصالحه و الله يسهل ويتمم على جميع المؤمنات ويسهل علي ولادتي ويتمم علي

 

[دآنة آلرشآيده]

الله مو كآتبه لج
ماتدرين خير ياقلبي
الله يرزقج ان شاء الله ويعوضج خيير

بخصوص التنضيفات بنج كامل ماتحسين بشي ​