ماتوا...رحلوا من هالدنيا... (للحين تذكرونهم؟؟؟...)

[لميس]

في احد كان في حياتج وراح عنج (مـــــــــــــــــــــــــات)

شخص ترك فراغ كبير بعد موته ورحيله من هالدنيا...:0bee2e8d89:

للحين تذكرينه؟؟؟...

شو اخر كلام دار بينكم؟؟؟...

وللحين تذكرين اخر جمله قالج اياها؟؟؟...

وللحين تذكرين المواقف الي صارت من بينكم؟؟؟...

باتظاركم خواتي للمشاركه...

 

[الغدق]

خالتي الله يرحمها
ماتوقعت أني أحبها لهدرجة
إلا بعد مافقدتها
أذكر آخر مرة كانت قبل لا اتسافر اتقولي
هالسفرة راح اشتريلج جناط تكشخين فيهم بالكلية
وسبحان الله راحت وراحت روحها معاها
ورجعلنا بس جسدها من غير روح

 

[لاتينيـه]

اي اذكره عدل عمي الله يرحمه اهو اكبر مني بجم سنه
وانآ مآ عندي اخوآن كبآر فكآن اخو بالنسبه لي
وبالسنه نفسهآ مآتت رفيجتي هم يعني حسيت بفرآغ قوي
بس للحين اذكر كل كلمة يقولهآ
لاني كنت اشآوره وآخذ رآيه بكل شي
واذكر انه يقول لو يبت بنت مآ رآح تكون بغلآتج
واني اذآ تزوجت بقول حق زوجتي هذي مو بنت اخوي
هذي انآ بس على انثى لاني كنت اشآبهه بكل شي
شكل وطبع
وانه اذآ يآب بنت رآح يخليني اربيهآ ويسميهآ علي
كآن نآوي يتزوج بس الله مآ كتب له وتوفى
الله يرحمه
صج مكآنه مبين وسآعآت يطري علي وابجي
افقده بس شنسوي بعد
هذآ الطريج كلنآ مآشيين فيه
وهم رفيجتي كآنت تجهز وتوفت الله يرحمهآ
اذكر كل شي وكل كلمة قآلتهآ وانهآ بتسوي وتسوي وتسوي
بس الله خذآهآ الله يرحمهآ

 

[لميس]

الله يرحمهم اجمعيين.....
.بانتظار الباقي...ومشاركاتهم!!!

 

[أحبك خفاا]

موضوعوج يعورالقلب صراحة :krkrkr:

 

[ms.mercedes]

ليش تقلبين المواجع ... موضوعج جنه جرح وكتيتي عليه ملح...


عاد تخيلي شنو صار الحين بصاحبه واهوا يكتب الذكريات ...

 

[StrOnG WoMeN]

موضوع عوار قلب
وايد رحلوا عن دنيتي وبجيت
لكن الي اثر فيني
خالتي حيل تعبت من بعد فرقاها وليومج والحين صار لها 8 سنين واكثر
واخر كلام كان يدور بينا كله تقولي انتي انا بيي معاج الصالون لعرسج
وانها بتلبس بعرسي احلى نفنوف
ولكن رحلت قبلزواجي باشهر للاسف
الله يرحمها ويرحم جميع الموتى

 

[miss.eng]

اختي توفت بحادث سياره قبل اربع سنين بيوم العيد وهي تعبر شارع البلاجات مع عمي بيروحون للسياره صوتها في بالي بكل وقت والله مايفارق خيالي لان يوم طلعت قالت تعالي بعدين موتندمين وتقولين ياليت طالعه معاهم وانا كنت تعبانه مارحت الحين ندمانه قلت ياليت رحت ودعتها

كله افكر بموتي هل في احد يذكرني ولا راح اكون نسيا منسيا؟؟؟؟

اللهم ارحمنا إذا نُسي اسمنا و درس رسمنا فلم يزرنا زائرولم يذكرنا ذاكر .
اللهم ارحمنا إذا أًهملونا فلم يزرنا زائر و لم يذكرنا ذاكر و ما لنا من قوة و لا ناصر فلا أمل إلا في القاهر القادر الغافر
اللهم ارحمنا يوم ان تقول لنا لقد ذهبو وتركوك وفي التراب وضعوك ولو جلسو عندك ما نفعوك واليوم ليس لك الا انا وأنا الحي الذي لا يموت

 

[أبله^زوزو]

أبوي الله يرحمه ويجعل مثواه الجنه ، عمري ماراح أنساه لأن ماترك فراغ بحياتي إلا وملاه

يمكن بتقولين أجاملج اذا قلت لج اي موقف يصير لي اتمنى وجوده معاي اماكن وايد اروحلها واذكره واذكر سوالفه فيها

آخر موقف لما كان بالمستشفى " الغرفه كانت زحمه انا واختي الصغيره قعدنا على الارض طالعنا وقال تيتمتوا وبعدكم صغار !! "

ماتتصورين ساعتها شنو صار فيني قلت ليش ابوي يقول جذي ويعور قلوبنا والي يعور القلب اكثر لما قال خشوا دموعكم لبعد موتي

ماصار يومين الا وهو متوفي ..

عمري مابلقى احد بحنيه قلبه وطيبه عزائي انه يكون في جوار نبي الحق نبي الرحمه في اعلى مراتب الجنان اللهم امييين يارب العالمين

 

[*الزينه*]

ليش هالمواضيع

 

[*الزينه*]

الله يرحم اموات المسلمين

وترحم اخوي يااارب

 

[بنت الشمري]

لالالالالالالالالا
الصراحه.موضوعج.يبجي؟؟

الله.يرحم.اموااات.المسلمين..

 

[bent-oboha]

فاقده ابوي احن قلب شفته ابوسنا داخل وطالع
والي اخليني افقده اكثر كنت مراهقه بثالثه ثانوي يوم توفه كنت مو حاسه بقيمته لما يدش اتخشش اقول الحين بيمسكني ويبوسني ولمني تخيلوو
الله المستعان
ووازعل ويزفني واهو الي يراضيني
وينه الحين انا الي ابي المه وابوسه كل ما دخل
والله ثم والله احس بقيمته اكثر كل ماعدت سنه ورى سنه بالعكس السنين ما تنسي
اذكر لما سفرنا اخر سفره بسياره دللنا فيها جنه حاس انها اخر سفره
اذكر يوميا لما يرد لازم مار الجمعيه ما انسى عصير مانجا وكوكتيل حق المدرسه
ادعولا بنات الله يرحمه برحمنه ويغمد روحه الجنه

 

[ماكينتـ*زينة*ـوشة]

الله يرحم ابوي وموتى المسلمين ...

 

[تنآهيد ..~]

موضوع بجآآآني وربي

 

[جبنة بيضة]

و الله عمي الله يرحمه سبحان الله حاس بروح بعد ما ولدت مسكين يقول ما لي حظ مع ولدج الله يرحمه ياربي و يغفرله

 

[mee.mee]

آآآآآآآآآآآآآآآآآه اعز انسانه بحآآآآتي كلها ( يدتي )

آخر كلام دار بينآآآ

كانت توصيني على روحي

وكل مارحت بيتها اذكر كل زاويه بالبيت كانت فيها

وصورتها دايم فبالي ​

 

[dnyay_mll]

يدتـي الغاليـه الله يرحمها ان شاءالله

اخر كلام بيني وبينها كانت تحمد الله وتشكـره انها شافت عيال خالي المرحوم الله يرحمه وايد كانت مستانسه وكانت توصيننا على امي

صج مااقدر انساها دايما تييني باحلامي

دايما اذكرها واشم ريحتها والله واشتاق لطباخها واشتاق لقعدتها ويانا عالسفره لما كانت تيمعنا

الله يرحمج يالغاليـه

ويدي الغالي الله يرحمه ان شاءالله

دايما اذكره واشتاق له

واذكر لما كان يقوم الصبح اييب لنا الجباتي ونقعد وياه ومايخليننا ننام الا لما نتغدا

اذكر كل شي عشته مع هالاثنين الغاليين
ومايروح من بالي شي

اي شي يسير مع هالاثنين الغاليين اذكره ومستحيل انساه

مثواهم الجنه ان شاءالله

صج عورتي قلبي

 

[دنيا رديه]

موووضوع بصرااحه حده يبجي

الله يرحم امواتنا واموات المسلمين يااااااارب

 

[مس دندون]

والله اقرى الموضوع وابجي
أأأمبيه حرام عليكم
بجيتوني

الله يرحم امواتنا واموات المسلمين يارب