ماتلاحظون هاي الشي

[r0007]

السلام عليكم ورحمة الل ه وبركاته
اشلونكم بنات
ماتلاحظون انو احنا الحريم كله نقرا ,,كيف نحافظ عالاسره
ونتفادى الطلاق ونحل المشاكل وكيف نتعامل مع الزوج ولا تكلمينه بهاي الوقت وكلميه بشويه
ولا تهذرين ولا تسوين و مدري ايش
وووووو

وكان الزواج على عاتق المراه وبس
هييي وين الريال وش دوره بس افلوس وفراش

مابحيااااااااااااتي شفت ريال يسوي الي احنا نسويه الحريم
ليكون حنا خدم وهم ملوك

واخر شي مايبان فعيونهم

وش ر ايكم..
مو صج شي يقهر

 

[شادن33]

شنسوي بعد
واحنا لنا الله

 

[miss_whitemocha]

والله كذا مرة ودي أكتب موضوع بهالخصوص بس أتراجع، شوفي القسم متروس مواضيع شلون أونس زوجي، شلون أريحه، شلون أوكله شلون أشربه،
صار الرجل محور حياتهم للأسف، وانا أتحدى اذا فيه رجل يدخل منتدى ويسأل شلون أونس زوجتي!!
للأسف بعض النساء تعتبر نفسها جارية أكثر منها زوجة، تلغي وجودها في سبيل إسعاد الرجل، وهذا أكبر غلط ممكن الزوجة ترتكبه..

 

[سكر فتافيت]

الزوج والزوجه كل عليه مسئوليه والمفروض المجهود يكون من الطرفين
لنيل الرضا والمحبه وليستقيم البيت
لان لو الزوجه فقط الى تبحث عن راحه زوجها بعد شويه بتمل لولم تجد شىء بالمقابل
فكرتينى ههههه ايام الخطوبه كان زوجى يطبع من النت محاضرات عن حقوق الزوج
وخطب عن معاوله الازواج وخلافه
طبعا انا ماسكت طبعتله كتاب هههههه عن معامله الزوجه

 

[zaina alotibi]

صاجة والله احنا كلشي علينا واااااعلي علينا احنا الحريم ....

 

[ام كوثر2007]

لانج عامود البيت ... عمر الريال ما يفكر انه ينهي العلاقه الزوجيه . بسهوله

لكن المرا عقلها صغير علي اي شي تزعل وتثوور وتطلب الطلاق ..


من اتفه مشكله تلقينها استسلمت وقال خلاص مافيني اتحمل اكثر .


عشان جذى لازم المرا تصلح من نفسها عشان تعرف اشلون تتعامل مع الزوج والبيت والمسؤوليه .


وبالعكس انا احترم واقدر المرا اللى تدور علي ا لشغلات هذى عشان تسعد نفسها وزوجها وتعيش حياه مستقره .


والريال عقله براسه قبل اي تصرف يتصرفه يمس بيته وزوجته يفكر مليون مره .

بتقولين لي انه خوان ويخون وفيه وفيه . حبيبتي هذى غريزه فيهم وعيونهم ما تشبع . بس اييلهم يوم يطخون ويعقلون .


وعسى الله يحمي بيوتنا وازواجنا يارب .


مشكوره علي الموضوع .

 

[دلع العتبان]

اي والله تصدقين هالسالفه منتبهتلها من زمان بس توني اركز فيها الرجال يلقى ميه مره غيرج ياحلوه اما المره مسجينه الله من وين تلقى في زمن تقشف الرجااااال

للتنويه فقط ​

 

[sosowaty]

ااااااااب

 

[om 7sony]

مممممم
مادري حبيبتي
بس يمكن لان المره هي بطبيعتها وفطرتها مصدر الحنان والراحه بالبيت
ويمكن الحريم يخافون ان اذا ما اشبعت زوجها وترست عينه تخاف يطالع غيرها يتزوج عليها او يطلقها >>>> لان هالشي بايده
وانا اقول لان المره بفطرتها هي المسئوله عن راحة زوجها
بس والله انا متاكده ان في رياييل من كثر ما يحبون حريمهم يحاولون يرضونهم بشتب الطرق
والريال يمكن يتصرف على طبيعته ما يدش منتدى ويسال ويدور ،،،، بس هم يطلع منهم:eh_s(15):

 

[حجيه هيونه]

لانه ماخذين مقلب بنفسهم انهم ابو العريف لوووووووول

 

[كربون امها]

اي والله معاج حق بس حبيبتي الله عطانا هذا الشي
التحمل وخوف على اسرتنا من الضياع لان غريزتنا جذي
عاطفيه اتجاه هالاموراللي تخص ازواجنا واولادنا لان محد بتغربل بالمواضيع هذي غيرالمره هذي حقيقة بكل الشعوب
تقولين ليش- الرجل تربى على جذي من صغره ان اهو سي سيد محدش ادو وهذا غلط من الاهل انت اعلى من المراه وكان المره كخه والله يساعدهم فيهم حب التسلط ولا المبالاة
وكلمتج بالمره موحلوه اهما ملوك واحنا خدم خدم عشان
نهتم فيهم وبعيالنا فكرونا خدم هذا الواجب اللي الله عطانا اياه

 

[$$king moon$$]

انا اشوف انا هذا اكبر غلط اذا المره حطت همها بزوجها اكيد غلط لان الزوج موكل حيات
الزوجه لااااا
الزوج لازم يكون اضافه جميله بحياة الزوجه
ومثل مااهي ادور رضاه اهو نفس الشي
بس مومعناته اذا الزوج يشكل حياتها كلها
وبمجرد مايصدر غلط منه تكون اهي بصدمه وتعتبر حياتها منتهيه

 

[اميره1980]

طبيعة المرا جذي و لازم نحافظ على بيوتنا
ما ينفع نحط راسنا براس الريال مهما كان
و خصوصا بمجتمعنا

 

[رقـة الاحسـآس]

نحن نستمتع بهالشي
هاي طبيعتنا
نتم ندور و نحب نجدد و نكون من افضل ما يكون عشان نرضي الزوج

وها مب معناته انه هو ما يسوي شي
صبوع ايديج مب واحد
في ناس تقرا< ومب شرط انتي تعرفين
وفي ناس تسال
وفي ناس تحب تعتمد ع افكارها يمكن بس عشان يبتعدون انه حد يعرف شو بيسوي او يعرف شي عن خصوصياته

 

[جوري 2007]

يمكن يدشون منتديات ويدرون حلول احنا اشدرانا صج المرة تشط روحها اكثر بس مادري عن الرياييل الصراحه يمكن يبحثون من ورانا

 

[ماني من الناس]

لانج عامود البيت ... عمر الريال ما يفكر انه ينهي العلاقه الزوجيه . بسهوله

لكن المرا عقلها صغير علي اي شي تزعل وتثوور وتطلب الطلاق ..


من اتفه مشكله تلقينها استسلمت وقال خلاص مافيني اتحمل اكثر .


عشان جذى لازم المرا تصلح من نفسها عشان تعرف اشلون تتعامل مع الزوج والبيت والمسؤوليه .


وبالعكس انا احترم واقدر المرا اللى تدور علي ا لشغلات هذى عشان تسعد نفسها وزوجها وتعيش حياه مستقره .


والريال عقله براسه قبل اي تصرف يتصرفه يمس بيته وزوجته يفكر مليون مره .

بتقولين لي انه خوان ويخون وفيه وفيه . حبيبتي هذى غريزه فيهم وعيونهم ما تشبع . بس اييلهم يوم يطخون ويعقلون .


وعسى الله يحمي بيوتنا وازواجنا يارب .


مشكوره علي الموضوع .

كلامج كله صح الا اللي بالاسود اختلف معاج الغريزه فيه وفينا لان احنا بشربس عمر الغريزه ماتدفع الى الخيانه
اللي يدفع لها غياب الضمير وليست الغريزه

واحنا الحريم لو نوقف نعطي مبررات للرجل

جان ما انحرف عن الطريق الصح ومشى سيده

اللي يمشي سيده اهو اللي
1) عنده ضمير
2)زوجته حاطت له حدود ومبينه له شنو الحد الللي لازم ما يتخطاه ابد

وتعجبني ارائج ام كوثر بس حبيت اعلق على هالنقطه

 

[شذى الحب]

اي والله شلون نخلي الزوج هو اخر اهتمامنا ؟ منو يعلمني

 

[فطوم 84]

لا الريايل يحبون يكتشفون جوانب المراه وطبيعتها ويحبون يعرفون كل شي عنها تدرين شلون يركض عالايفون ويهذر ويا حريم ويحطله لسته وينسي زوجته واهيا شاطه عمره بالمواقع كيف تسعدين زوجك عله مانسعد وكوبه فيه ههههههههاي وفي شي بعد احنا الحريم نحب النقاش والسوالف وانه ناخذه خبره من بعض بس الريال غير بطبيعته مخلوق بصري يحب يشوف حتي لو عنده بحلال تشوفين عيونه زايغه برا بالبيت يدور قناه فيها حريم برا ماسك الايفون مع ربعه بديوانيه حاطين غنوه مبققين العيون مخلوق بصري يحب يشوف وبس وسلامتكم

 

[ام كوثر2007]

كلامج كله صح الا اللي بالاسود اختلف معاج الغريزه فيه وفينا لان احنا بشربس عمر الغريزه ماتدفع الى الخيانه
اللي يدفع لها غياب الضمير وليست الغريزه

واحنا الحريم لو نوقف نعطي مبررات للرجل

جان ما انحرف عن الطريق الصح ومشى سيده

اللي يمشي سيده اهو اللي
1) عنده ضمير
2)زوجته حاطت له حدود ومبينه له شنو الحد الللي لازم ما يتخطاه ابد

وتعجبني ارائج ام كوثر بس حبيت اعلق على هالنقطه

والله ياماني من الناس .. الحين حتي المتدين يغازل .. خلينا نتكلم بالواقع .. يعني مو المفروض يكون قدوه والضمير عنده يكون مسكت ..


لو بننظر لها من ناحيه ثانيه ترا اغلب الريايييل عندهم ضمير مافي واحد توصل فيه الحقاره يعني انه يتعمد يدور بنات عشان يغث زوجته ..

بس سبحان الله للحين ما مر علي ريال ما عنده سوالف ..


والعبره مو انه يكلم .. العبره بالمرا السنعه اللى وراه وتخليه يبطل هالامور بحكمتها وصبرها .

وبسسسسسسس


اشكرج علي تعقيبج وعلي كلامج الحلو بحقي وما عليج زود حبيبتي ..
​

 

[ماني من الناس]

أم كوثر اكيد فيه رياييل ما عندهم هالسوالف وماشيين سيده الحمدلله وموجودين بالواقع وشايفه هالعينات ولو خليت خربت

يعني معناته ان الزوجه من البدايه مفروض ما تتهاون مع زوجها بهالسوالف وتبين له شنو الخطوط الحمرا اللي لازم الطرفين ما يتعدونها

وتستاهلين كل خير لانج تنصحين البنات من قلبج