ماتحسون فرايديز جذي؟؟؟

[blondeya-pretty]

قـــوة بناات

بس حبيت ابطل موضوع غاااثني

آنا وحده اموووت على فرايديز ليش مادري لوول خصوصا فرايديز البحر احبه مع انه زحممممممممممممممممة وماكو مواقف

وكل ما اروح فرايديز البحر زحمة بس احيانا الظهر بأيام الدوامات مايكون زحمة

بس مشكلتي بالليل ,, لما ادشه احس انه ظلممممممة !!
وآنا آكل احس ماشوف الاكل امبييه الاضائة حيييل خفيفة

ذاك اليوم قاعدين آنا وبنت عمي نتعشى قلت لها دايما احس انه ظلمة ولا يتهيأ لي
قالت لي اي دايما ظلمة يمكن اهما جذي بيخلقون جو هااادي

بس واااايد ظلمة جان زين يبطلون الليتات :eh_s(11):

وجان زين يكبرونه اكثر آنا احب اروح وايد بس قمت اقطع الخميس واليمعه والسبت واااي امة محمد كلهاااا هنااااك اول ما ادش اشوف شباب ينطرون نص ساعه بس عشان الطاولة !!

اهما يمشون البنات اكثر من الشباب طبعا

وآخر مرة قلت حق الفلبينية انه ليش دايما ظلمة وجذي
قالت لي المطعم اهوا يتميز اب جذي واحلى !!

مادري احس ظلمة حييل :eh_s(10):

ترى حدي ماعندي سالفة منزلة موضوع الساعه 2 وربع بليل اسولف عن ظلمة فرايديز لووووول بس حبيت اشوف منو تأيدني انه حددده ظلمة​

 

[حــور دنـيـتي]

هههههههههههه يااا حلوووج

اي والله حده ظلمه
اييييييييي ذكرتيني باياام :<

 

[shrouq]

اي انا احب اكل فرايديز خاصه التويستر والناشوز بس اكلهم لذيييذ وثقيييل يقعد عالجبد بس حلوو متنااااااقضه

 

[MiSsY HottY]

انا احب فرايديز بس كرهته لنه رحلتله راس السنه وتسممت منه :"( ومن يومتها الله وكيلج ما طبيته

 

[أحبه موت]

واااااي جنج انا انا احسه صج ظلمه حيييل زين اتشوفين الاكل واتشوفين الي جدامج عاد قلنا جو رومانسي بس مو جذي
انا اقول ثاني مره لي رحتي اخذي معاج ليت يدوي عشان اتشوفين الاكل عدل جود حاطين فيه زيوي ولا بريعصي والله شدرانا شمهببين فيه​

 

[om.7madiiin]

اييي وايد ظلمة و اغاني صووتها عااااالي ياااربي لما اروح اتنرفز حدي

وانا أأيدج لو يسووونة طابقين يصير حلووو حبتين بعد

وشيليز بعد نفس الطريقة

 

[جنـــا]

:

اصلا هذا اللي يكرهني فيه ظلمه و ازعاج

على العموم انا مو من هواة الاكل الامريكي

بس حلو التغيير

:

 

[FeShinGoOo]

زهقت منه وماقمنا نروحله بس امي ليلحين متمسكه فيه لوول

صح اهو كله زحمه روحي الي بمرينا كريسنت وايد اخف واهدى انا ماحب الي عالبحر

 

[Hello_kitty]

صح كلامج خاصه اللي على البحر حطيت عليه اكس ظلمه وازعاج ولويه واغاني مو صج تحسين نفسج بديسكو مو مطعم

وحسافه على اكلهم وايد تغير حتىى لما اسافر نروح فرايديز اكلهم تغير فاشل حيل

بس فرايديز البدع وايد احلى وارقى وقعدته اللي فوق على البحر شرحه مووووووصج

 

[اريج الجوري]

صاير ظلمه وازعاج والموسيقى حيل عاليه لدرجة اخر مره قلت حق

ريلي خل يقولهم يقصرون على الصوت شويه ,,,

قاعده بمطعم ابوي ,,, هههههه

بس صج قصروا شويه ,,,

واسعارهم غلت والا مو ملاحظين هالشي ,,,

اما اكلهم لما اللحين احبه ,,,

ذكريااااااات ....

 

[blue lady]

صح اهوا وايد ظلمة بس هذا الحلو فيه واللي مميزة

 

[سويت فانيلا]

اي ظلمه واكلهم حلو بس حيل ثقيل

 

[Tom ♥ Jerry]

،

مو بس فرايديز
وآيد مظآعم جي
واي مآ آحب هالنوع
خو بنشوف الآكل
بركي شوكه نبلعها > خو بروحي عميه
و مع العدسات ميييييح مآ آشوف شي آمشي و آدعم

 

[mazoon]

المطعم نفسه يبي يسوي جو هااادي واغلب المطااعم جذي.....​

 

[kuwatiya]

الله يعييييييييينج​

 

[..بسمة..أمل..]

هههههههههههههههههههههههه
والله ضحكتيني

اهوا صج بيسوي جوو هادي

بس الموسيقى اللي يحطونها تخلي الهدووء ينحااااش

ههههههههههههههههههههههههههههه

 

[_مزون_]

واااااااااااي عاد حدي يوعانة واموووووووووت على فرايديز
لاتخليني اسدحلج صوووورة اخليج باجر تروحين تتغدين فية
تقريباا كل المطاعم جذي ... عاادي
​

 

[منو انت]

هذا الحلوو فيه انج تدخلين وتطلعين ماتشوفين احد و لااحد يشوفج * _ *

 

[Lemon Juice]

فرايديز بالذات كله ظلمة

حتى اللي بسبونس أظلم

ومع هذا نحبــه ^_^

 

[الشيخه فطامي]

او انا مشتطه قلت اكيد بتقول الاكل يدوخ لانه كل ما اكله احسن مدوووجنه فيني النوم لاحد يحاجيني مسووطله لووووووولز