مابي شلون ؟؟؟؟؟؟؟؟؟؟؟؟؟؟؟

[! q8ya !]

السلام عليكم


انا توني متزوجه صارلي اسبوعين ومابي عيال واخاف اخذ حبوب مانع تأثر علي بعدين
وقاعده احاتي الحمل


بنات اللي عندها حل تقولي عفيه
واذا كنت حامل شلون انزله بسرعه

 

[أم بشبوشة]

توقيعج استغفر الله و بتنزلين ياهل !!!!!!!!!!! لا تعليق في طرق منع للحمل وايد نظمي الموضوع مع طبيبه

 

[tota77]

رفيجتي خذت حبوب منع الحمل ولمن نوت تحمل قبلها بشهر قطعت الحبوب

الافضل تراجعين عند دكتوره

 

[fofowa_q8]

استغفري ربج شنو تنزلينه !! والله مو زين عليج هالكلام

اذا ماكنتي تبين الحمال من اول شي لازم تتفقين مع ريلج

ومااعتقد ان طرق منع الحمل شي صعب الكل يعرف شلون

ودشي قسم تأخر الحمل اقري المواضيع يمكن شوي تعتبرين

 

[glby7sas]

اتفقي مع ريلج في طرق طبيعيه لمنع الحمل انتي قوليله ماابي الحين واهى واح يفهم شيسوي

 

[om_saleem]

الناس تتمنى تشم ريحة الياهل .. استغفر الله تذبحين روح علشان تستانسين جم يوم .. اذا حامل قول الف حمد وشكر وهذي هديه من الله .. واذا مو حامل لا تاخذين حبوب علشان لا تخربين هرموناتج ورحمج وعقب لي بقيتي تحملين راح تعانين وتتعبين .. سوي عزل طبيعي اتفقي مع زوجج واذا اهو رافض نصيحتي لج سمعي كلامه

 

[زين ودلال]

لا حول ولا قوة الا بالله

شفيكم الله يهداكم كل وحده حملت قالت مابي وبنزله !!!!

استغفر الله هذي نعمة من الله وربي ماعطاج اياها الا وفيها خيره

اخذي حبوب وفكي نفسج بدال لا تذبحين روح ربي قسمها لج

واذا طلعتي حامل قولي الحمدلله لا ربي يعاقبج

 

[زين ودلال]

مهما كانت ظروفج ماتساعد او ماتسمح او اي عذر ثاني مالج حق تقول بنزله

كل اللي تقولينه الحمدلله على كل حال

اغلبنا مرينا بظروف وحملنا بدون تخطيط وتضايقنا بس قلنا الحمدلله ربي ادرى بالصالح لنا

 

[مآيكبرني نك]

الياهل يؤم ايي رزقه معآه

الواحد مايحس بقيمه الشي اﻻ لؤ فقده

استغفري ربج ﻻيغضب عليج ويحرمج من هالنعمه

شؤفي حولج شكثر يصيحون يدؤرن الحمال وموﻻقين

 

[shai6ona19]

ناس فاضيه

 

[ريم^الفلا]

لاتقولين جذي عشان الله لايعاقبج يحرمج من الذريه ترا كلامج مايجوز
واذا ماتبين مثل ماقالو البنات اتفقي مع ريلج مو قرار تاخذينه بروحج

 

[الرو تغليك وح]

استغفر الله ولا حول ولا قوه الا بالله

الحين انتي متــاكده انج راح تحملين بسرعه
يمكن الله ما يقسم لج الحمال كلش
ليش تخطيطين لشيء وانتي مو ايدج هالشيء
تبين تستانسين بروحج مع زوجج والله راح تملين
انا الله ما كتب لي الحمال الا بعد سنه وشهرين من عرسي
شنو مليت وانا بروحي نص الليل ابجي من الملل و قعده بروحي

وبعدين اذا حملتي الحين و تبين تنزلينه يمكنه الوحيد
اللي من عيالج اللي يبـــر فيج اذا كبرتي انتي و زوجج

وبعدين الله اذا قال (( كن فيكون ))
مو على كفيج حبيبتي

اذا ماتبين الحمال الحين في الواقي وفي طرق ثانيه اقريها بالنت وروحي انتي وزوجج الطبيب
اهي تحدد
بعدين اكل حبوب منع الحمل وانتي ما سبق لج الحمال مو زين ترى
وهذا انا قلت لج

والله يكتب لكم الخير ....
دمتي بود حبيبتي

 

[مذهلة2013]

ربي يهديييج بس

هذا الي اقوله بس

 

[سيلينا]

تتوقعين ان وحده منا تعطيج طريقة تنزلين الحمل لو في حمل!!

مهما كانت ظروفج ما يعطيج هذا الحق في انج تنزلين الحمل طالما من ناحية صحيه مافيه مضره لج..
ليش ماتبين تاكلين مانع ! او تتبعين احد الطرق الطبيعيه العزل او العد !

ماتبين تحملين مالج الا المانع او احد الطرق الطبيعيه لمنع الحمل ,, وترى احتمال ان مايتم حمل اول فترة هم وارد

 

[حرم راشد الماجد]

موضوعج جدا مستفز

اذا انتي حامل على قولتج روح هالجنين مو بيدج عشان تنزلينه هذي روح انتي مؤتمنه عليها الله يسألج عنها يوم القيامه

واذا نزلتي على قولتج تكونين قتلتي نفس


تهقين في وحده منا تجرؤ تشاركج اثم مثل هذا ؟؟؟؟؟؟؟؟؟؟؟؟؟؟؟؟؟؟؟؟


العيال نعمة الله سبحانه منع ناس وايد منها واذا رزقج اياها تحمدين ربج وتشكرينه مو تفكرين تنزلينه
الله يهديج ويصلحج

 

[فيلجاويه كيوت]

استغفرالله حمدو ربكم على النعمه

 

[مسك أبيض]

اذا حامل خالص ماتقدرين تسوين شي استغفري ربك واذا ماصار الحمل سوي عزل لا تاخذين مانع

 

[أأأميرة الورد]

استغفر الله واتوب اليه

الله يهديج ان شالله

 

[دلوعت عيود]

لا تعليق صراااحه

ناس تتمناه و ناس ماتبيه

حبيبتي في حبوب و لزقات. منع حمل

 

[.:lady bug :.]

والله ي قلبي ماتبين اتفقي مع ريلج ماكو اسهل من جي
وسالفه بتنزلينه اذا حامل خافي ربج حبيبتي خافي ربج هذي نعمه
خافي من غضب ربج