مابي اتسوق ولا فنادق ,,,,,, بس ابي شيء واحد /// تعالوا يا بنات

[ريومة الرياض]

السلام عليكم
يعطيكم العافية بنات
هذا ثاني موضوع لي
واحب اشكر على عضوه ساعدتني في موضوعي الاول
جزاكم الله خير جميعا

باقي اربعة ايام وان شاء الله اكون بالكويت انا وزوجي :eh_s(9):

ما بي اسال عن فنادق :eh_s(22):
مابي اسال عن منتزهات :eh_s(22):
مابي اسال عن مولات :eh_s(22):
مابي اسال عن مطاعم :eh_s(22):

لان كل هذا عرفته - خصوصا انه من دخل هالشهر الفضيل وانا في هالقسم , حتى اني وصلت لصفحة 27
يعني شفت كل المواضيع _03BA:


بس في الموضوع هذا حابه اسال عن شيء

وش تنصحوني ازور , او اشتري من الكويت :jbdwjbd:
ابي شيء غريب غير اللي شفته من مطاعم واسواق ومولات

يعني مثلا حبيت بصراحه محل بوظة و حلويات الكواكب :eh_s(21):

ابغى مثل كذا

محلات حلوه ورخيصه وتستاهل نروح لها


ادري تعبتكم بس استحملوني :eh_s(7):​

 

[همسـات ~]

آب آب آب

 

[ام نيوفي]

اب اب
ما احس عندنا شي غريب مثل اللي عندكم عندنا
و حياج الله بديرتج الثانيه​

 

[Bamya]

روحي معرض بيت diva جدام مستشفى الأميري شوفي فناتق بنات الكويت من لبس و اكسسوارات أو 52 degree في مجمع التلال في الشويخ

المباركية حق شغلات تراثية وسرداب الشايع اهناك فيه مكياج وايد يحبونه البنات

mmmmmmmومادري شنو تبين تشترين بالظبط عشان انعرف إندليج وين إتلقين إلي تبينه

 

[ريومة الرياض]

يعطيكم العافية بنات
يعني ابي اشياء غريبه
مثل محلات حلويات الكواكب
او محلات ستكانات شاهي تراثيه >> مثال حده غبي هههههههههه
يعني مثل كذا :ggdw:​

 

[عبق البنفسج]

امممممممممم
عندج بمجمع البستان بالسالمية محل تحت بالسرداب .. يهبل يهبل يهبل في شغلات عجيبة وفناتق حلوة ماتلقينها بالكويت .. مثل حصالات على شخصيات كارتونية قديمة وعلى انقري بيرد ونوتات على أشكال غريبة مثل نوته على شكل كيكة وبسكوته وعنده ساعاته غريبة اشكالها ومجسمات على شخصيات كرتونية مثل باباي ومزنجر مادري مسنجر هذا الي يشبه جنقر :d المهم المحل يونس روحيله لا يطوفج
وعندج بعد نادي الكورنيش عالبحر في صوبه محل يبيع فناتق حلوة
عندج بوظة الفارس بشارع المطاعم بالسالمية أنا استانس .. اذا عندج وقت مريه ..
وعندج بعد حلويات الشمالي بالمباركية عنده حلويات كويتية قديمة

 

[ريومة الرياض]

ربي يعافيك عبق
لازم امر عليهم كلهم
ما قصرتي غناتي

 

[حجيه هيونه]

والله احنا بالكويت الله ماكثر الا المجمعات وكل واحد احسن من غيره

روحي طقي لج فره بالافنيوز او 360 وشوفي

 

[البسمه العذبه]

انا انصحج بالمباركيه ​

 

[غضى]

روحي حق المطاعم اللي بسوووق المبااركيه توووونسسس


روحي لسرداب الشايع للمكيااج عجييب

روحي المعاارض اللي عندنا شووفي الفناتق

واسكني بفندق ريجنسي واااااااااااااااااااااااااااااااااااااااو يجنن

وبسس

 

[عصير ليمون]

أذا تبين الدراعات تقدرين تروحين
الصفاة
والعربيد
ومعرض أفكاري شغل كويتيات
ورحي السالميه القديمه حلوه تونس

أنا بالنسبة للمواعين والاستكانات ترى ما أعتقد رح تلقين في الكويت شغلات تراثنيه
لأن أحنا غالبا ندور على الواعين عندكم في السعوديه يعني مثل الحفر أو الدمام والخبر