مابيهم يعرفون شلون؟! شقولهم ؟!

[ي حليليِ]

شششلوووونكو



بنات انا عندي بالكلية كل ماتطلع نتايج الامتحانات رفيجاتي يسألوني جم جبتي !!

طيب انا مابي اقولهم لان المواد اللي ماخذتها حدها حدها حدها صعبة ومووت

لدرجة ان لو نجحت ع الحفة بس بيحسدوني !

فانا ولله الحمد درجاتي عالية فيهم ، انزين الحين شسوي؟؟ انا مابيهم يعرفون خايفة ع نفسي بصراحة من العين والناس ماترحم !!

والسبب الثاني اني ابي اصدمهم اخر شي واابيهم يعرففون التوتل يعني بالمره

وانا مابيهم يزعلون .... !!

 

[Shinexo]

" مادري ماجيكت "

"ماذكر "

حبيبتي صفي النيه لو ربعج صج مابيحسدونج بيفرحونلج

 

[rose2012]

اذا مستواج عادي ماله داعي هالحركات

 

[مـرايـم]

آيي بالضبط سوي نفسج نسيتي مآ انتبهتي
ولا قوليلهم للحين مآچيكت اصلا !

سوي نفسج مو مهتمة تعرفين النتيجة

 

[دلوعةمآمآ]

ي حليليِ

فعلاً ياحليلك احب مواضيعك الله يسعدك

مشاكلك الحمدلله دائِماً بسييطه ,ربي يبعد عنك الهموم والمشاكل يارب

من خِلال مواضيعك السابقه اكتشفت انك بنوته تتحسسي من اي شيء ,


عادي حبيبتي انا نفسسك دائِماً يسألون عن نسسبتي وفييه نااس يقطعوون ولما تتطلع النتائج يتصلوا بيشوفوا ناجحه او لأ , لـقاافه !!


عادي انا اقولهم وماهمني لأني واثقه بـ ربي سُبحانه وتعالى


وأعلمي يا أختي أن الأُمة لو اجتمعت على أن ينفعونك بشيء، لم ينفعونك إلا بشيء قد كتبه الله لك ِ

وإن اجتمعوا على أن يضرونك بشيء، لم يضرونك بشيء قد كتبه الله عليك ِ

لاتخافين كوني على ثقه بالله وتحصني لأن الأذكار درع وتحمييك ..

الله يوفقك يارب ...

 

[Zinab BH]

اذا ماتبين تخبرينهم قولي مادري او الحمدالله زين بس لاتقولين كم الدرجة اقري المعوذات و الله خير حافظ ياحبيبتي والله يوفقج

 

[الأميرة جوري]

حصني نفسج واسودعي نفسج ربح وبيحفظج ولا تنسين اذكار الصباح والمساء

 

[M!SS.LOBY]

أعتقد هذي خصوصياتج
مو من حقهم يعرفون
ومعاج حق الحسد والعين والنفس موجوده
الله يحفطج حصني نفسج بالاذكار الصباح والمساء ولا تنسين الرقية الشرعية يوميا وماء زمزم شربي افضل ماء على وجه الارض

 

[Pinky -cat]

مافي اسهل من كلمة وي مادري من صجكم عادي انسو ، ليه شيكت اقولكم وخري عن الموضوع دامه يسبب حساسيهبينج وبينهم

 

[F.Strawberry]

لا تقصين عليهم ..
قوليلهم :
-الله كريم
-الحمدلله على كل حال
واهم بيفهمون انج منتي متحجيه ,
اما اذا اصرو انهم يعرفون فقوليلهم بكل صراحه : ماعليه فلانه مابي اقول درجتي

 

[مدّهره !]

يعني خاايفه تقولين درجاتج ماده ماده عشاان العين


ومو خاايفه ع عمرج لماا تصدمينهم بالتوتل !!!

...’


الحل سوي عمرج مو مهتمه للمعدل مع إن أشوف عاادي جدااً تقولين ...~

 

[هناء - Hana]

قولي لهم مو إلحين بعدين بس ديربآلج تقصين عليهم لانه حبل آلجذب قصير وگل شي يبين
الله يوفقج

 

[oorccia]

لا تقولين لهم


انا كنت اقول وندمت

عادي صرفيهم وعطيهم اي نتيجة اقل من اللي اخذتيه هذا شي يخصك مو لازم تقولينه لأي احد حتى التوتال لاتقولينه اهم شي اهلك

والباقي بسلامتهم

ولا سأليهم فيه ناس لسألتيهم نفس مايسألونك يصيرون يخافون يسألونك مرة ثانيه !

 

[oorccia]

انا بحياتي عمري سألت صديقاتي وش اخذو ولا كم معدلهم

مو من اهتمامتي
الا اذا هي تكلمت وقالت لي

وصدقيني اللي يحبك صدق مايسألك عن أدق تفاصيل حياتك ودرجاتك عن تجربة انا عشته نصيحة لوجه الله اقوله لك


وبنفس الوقت لا تسوين نفسك كسلانه وفاشل وتكذبين خلك عادية بس با امور الدرجات صرفي والباقي عادي

 

[ي حليليِ]

مشكورين بنات مَ تقصرون
والله يبعد عني وعنكم كل عين


دلوعه ماما فديتج يرووحي ماتقصرين
لووول اي والله حليلي هههههههه

 

[Patcholli]

ماتبينهم يحسدونج وبنفس الوقت تبين تصدمينهم يعني بالحالتين بتحوشج صدمه وفزة نفس

انا الصراحه ماستحي من احد اذا شي مابي اقوله اقول الحمدالله ماشي الحال
بس ما اقول الدرجه جم
واذا اصرت اقولها ماتذكر جم بالظبط نسيت عشان تفهم اني مابي اقول
واذا اصرت اكثر بعد قوليلها الصراحه ماحب اقول الدرجات حق احد وبس اذا اتحبج بتتقبل منج واذا بس لقافه بتزعل وبتسويها سالفه
الصراحه احنا مو مجبورين نشارك الناس بادق تفاصيل حياتنا لان بهالزمن محد يرحم
اعرف وحده من كثر ما كانو يراقبون درجاتها البنات بالاخير صارو يتكلمون عنها ويطعنون بسمعتها وان لها علاقه بالدكاتره وانهم يعطونها درجات بمقابل
وفوق هاذا حسد و مرضت البنت وصار فيها ورم وكل ماتدش قاعة الامتحان تتشنج وتطيح
ووقفت قيدها ماقدرت تكمل
فعلا الواحد يتوكل على الله
بس لاننسى ان الله وصانا ان نقضي حوائجنا بالكتمان في حديث الرسول عليه افضل الصلاة والسلام
يعني مو لازم اخر كل خصوصياتي عشان ابين للناس اني متوكل على الله ونعم بالله بس الله حذرنا ونبنهنا وطلبن منا نتحصن وندير بالنا من الحساد وهالشي بالقران والسنه
مو عيب لما الوحده تخاف من عين الناس
لان بالنهايه اهو مو شي مفيد لهم ؟؟
لو كان في فايده بقول حرام ولازم تقولين وتتكلمين وتفيدين غيرج
بس شنو بيستفيدون لو عرفو درجتها ؟؟؟؟

 

[برنسس كاتي]

والله انا كنت نفسج ما احب احد يعرف علاماتي
اذا احد سالني اقول زين الحمد الله ويسكتون واذا اصرو اقول سوري ما احب اقول وبس

 

[MaKe-Up]

وليش تخافين من العين ؟!

عندج ألاذكار الصباح والمساء قوليهم واذكري ربج
بكل وقت و خليج واثقه أنه محد يحفظج من العين إلا ربج
و ثقتج بالله مـآ تضيع لأنه أهو إللى بحميج من كل شر

و صج الصديقات تسمى صديقه إذا تتمنى لج كل خير
مو شر. واللي تحسدج مأتعتبر صديقه

 

[fatma A]

اي والله ما الومج في ناس من برا يفرحون لج ومن داخلهم يحسدونج على اي شي

مثل حالتنا ما عندنا خدامه واحنا 5 بنات كل ما يسالون امي منو يشتغل في البيت منو يساعدج تقول بنات وصارت في امي ورمه بالصدر

وطلعو لها 3 دمامن من تحت كبار وللحين تتعالج


واختي الكبيره مشالله عليها شاطره برابعه ثانوي طلعت من الامتحان امي سالتها ها شلون الامتحان جان ترد على امي وحده معاها

لا تخافين على بنتج مسطره الامتحان تسطير ومن عقبها اختي سقطت برابعه ثانوي 6 مرات كل سنه تعيدها البنت الي قالت هالكلمه نجحت ودخلت الجامعه