مابيها تموت بيدي :(

[queen-m]

ربي رجوتك

وين احصل موضوعج ؟

 

[CAT]

ويييه الله يعيينج ويشفيهـآ
وقوليلنـآ ششصآر عليهـآ . . ؛(

 

[queen-m]

ماتت بيدي

 

[lojeeen]

بعد عمري البقيه بحياتج ان شاء الله دفعه بلاء عنج و عن اهلج

حاله القط لما توصل لهل مرحله يكون بسبب فيروس قوي فترتفع حراره الجسم كله حتى يقاوم الفيروس بس اتوقع ليش عمر قطوتج اقل من ست شهور فبيكون صعب عليها تقاومه

الله يعوضج عنها و يخفف عنج

 

[صدع القلب]

:eh_s(2):
لا حول و لا قوة الا بالله
يلا الحمدالله قدر الله و ماشاء فعل
إنتي بعد شبيدج ، اللي عليج سويتيه و ما قصرتي وديتيها الطبيب و جابلتيها
و جذيه أحسن لها ارتاحت ، أحسن من اتعذب بين الدكاتره و الابر
لا يضيق خلقج حبيبتي هذا أمر الله ، والله يصبرج و يعوضج إن شاء الله .....​

 

[-_Paradise_-]

ماتت بيدي

حياتي سوري تاخرت بالرد
الله يعوضج
صدقيني جذي احسن ارتاحت لانه القطاوه لما يحوشهم الفايرس يتعبون حيل
و انا كنت ادري انها راح تموت لانه جربت (القطوه بس تقط روحها معناته بتموت )بس مو دايما
انا جذي صار معاي 3 قطاوه من قطاوتي ماتو ورا بعض و لانه صغار ما قدرو يقاومون المرض تعذبت وياهم بشكل ما تتصورينه
لي درجه انه خلال اربع ايام رحت و رديت من الطبيب فوق الثمن مرات تخيلي
و كل يوم واحد منهم يموت فايدي
فحاسه فيج و غير المعابل اليعابلته قمت اخلط لهم اكل خاص و اوكلهم اياه بالمميه
و اسويلهم حليب
و جلوكوز و تعبت صج
و حتا سويت موضوع عن المستشفيات البيطريه من كثر ما حست فيهم
بس شنقول الله كريم والله يسامح الي طقتهم عين بس درت عنهم ماتو واحد ورا الثاني
و حياتي لا تضايقين والله يعينج

 

[ربي رجوتك]

ياربي الله يصبرك

 

[VET-Nour]

لا حول ولا قوةة الا بالله

عورتي قلبي اكثر

حاسه فيج , شيء صعب لما الحيوان يموت جدامج وماتقدرين تسوين شيء ,
اول حيوان ربيته و مسكته [ ارنب ] و مات جدام عيني قبل 3 سنين ,
اسبوع نفسيتي زفت و اكل مااكل عدل و كلا قاعده بغرفتي لمن نسيت ,
هالدور قطوهه ؟؟؟


الله يعينج و يصبرج

 

[بتبوتااا]

يحياااتي ماعليه ياقلبي كان عندي قبل اسبوعين كاسكو توه صغير بو اربع شهور هم مات بيد ريلي وقعدت ابجي عليه

صج صعبه تربين شي ويروح منج

 

[عود ومسك]

الله يعوض عليج ان شاء الله
توني اشوف الموضوع
بس هذا فايروس وهالفايروس انتشر من بداية الشتا
عندي قطو هم نفس الشي ما مداني اسويله ولااااشي
القطو جميل بكل معاني الكلمه وبنفس اليوم كان يلعب ويناقز ما مداني غبت عنه 5 ساعات رديت لقيته طايح وعلى بالي ميت لما شلته قام يون ويماوي بس صوته من داخل يعني ما يبطل حلجه حاولت اسوي كل اللي بيدي وكل اللي اعرفه حتى انعاش لقلبه سويت ما قدرت وكان الوقت متأخر مافي بيطري
ومثل وصفج لقطوتج طايح ..مافيه ولا شي يتحرك بس عيونه وصوته
كأنه متشنج...خليته لين مات لان خلاص مابيدي شي خلال يمكن اقل من ساعه مات ...

انا ماراح اعاتبج بس بقولج
المفروض ما تسبحينها بهالجو ومرتين لان القطوه بهالعمر ما عندها قوه انها تحارب الفايروسات والامراض
وحتى لو كانت كبيره
والله وبالله الكريم قطاوتي من دش الشتا ما سبحت ولا واحد فيهم
الا واحد توني شاريته
لان الجو متقلب واحنا كل يوم نمرض فمابالج القطاوه
فا الله يعوض عليج واذا شريتي قطوه ثانيه تعلمي من اللي صار وكل البنات لازم يتعلمون
مايصير كل اسبوع والثاني مسبحينهم والله مو زين والقطوه طول ماهي بالبيت وماتطلع وتروح مكان كافي عليها بالشهر مره او مره كل شهرين بالشتا
والصيف يكفي كل اسبوعين او كل شهر

 

[CAT]

لآحول ولآ قوة الا بالله
الله يعوضضج ان شالله

 

[بحيرةالبجع]

ردوو امانه
حرارتها حييل مرتفعه اسبحها ولا احطلها كلونيا عشان تبرد اوو ادفيها ماني عارفه شسوي

لاااااااااااااااااااااااا تسبحينها واهى معاها حراره مو زين

يمكن انتى سبحتيها وكان معاها حراره خفيه وعقب التسبح زادة

ترا مو زين تتسبح القطوه واهى فيها حراره تموت بعد الشر عليها

مره صارت مع قطوتى مع انها كبير وديتها الطبيب سالنى مسبحتها

قلت له ايه قالى تبينها تموت قلت ليش قال موزين فيها حراره وتتسبح

انا مادرى ان فيها حراره فا ديرى بالج الله يشافيها ولا تسبحينها الا بالصيف

عز الحر ​

 

[مزيوونة]

اب اب مادري والله

طابت ولا للحين

 

[نمله معضله]

الله يعينج

 

[غلاى الغويليه]

حبيبتى عادى انا قطوتى كان فيها حراره وعطوها 3 ابر وحده بالرقبه ووحده
بالظهر ووحده مادرى وين قعدت يومين مثل قطوتج
والحين تعالى شوفيها تطامر وتعلب ومافيها اى شئ
لا تخافيين بس دفييها خليها تاكل عادل مدل