مابين بعينك على كثر ما جاك !!

[أسيرة القمر]

السلام عليكم ورحمة الله وبركاته

بنات هالسالفه صارت مع وحده قريبه مني وعزيزه علي ..


وابيكم تشوفون لها حل مع زوجهاا ....


اهي حامل وحاليا عند اهلها الموضوع ومافيه انها تزاعلت مع زوجها

والسالفه جدا تافهه ان حصل سوء تفاهم ،،،


صارلها عند اهلها شهر من بعد هالسالفه وانقطعت جميع الاتصالات بينهم


لكن عيالها يدقون ع ابوهم بين فتره وفتره اهي عندها 4 اطفال


بينهم عشره 12 سنه .. وهو مابين بعينه لانها ساحبتله قرض


وكم مره سددت عنه فواتير تلفونه واهي ماتطلب منه كثير ،،،


وع فكره خواتي توه اهو ساحبله قرض وشاري سياره اخر موديل


وغاليه حيل ومافكر ان يسدد قرضها .. وطول هالشهر ماعطاها فلوس ،،،


واهي محترقه من داخل تقول يمكن شايفله شوفه ثانيه ،، للعلم ان اهو منصبه

زين وقوي ..


اهي الحين وضعها ماتدري شنو تسوي بالضبط


تدق عليه ولا تنتظر لما اهو يتصل ولا شالحل بنظركم ؟؟؟!!!*

 

[فراشه عجميه]

الله يفرجها عليها يارب

 

[Vaniela]

مستحيل مشكله تافهه و اهي في بيت اهلهاا ..
اكيد ترسبات و مشاكل من قبل و انفجرت بينهم ووصلوا لطريج مسدود كلن مطنش ..
ما اعتقد سالفة فلوس لانه بينهم عيال مب معقوله بيسحب عليهااا و يطنشها و بعدين القرض ليش اهي تدفع عنه اهو يتحمل خل تكون قويه ... يمكن له علاقه مع حد .. لانه مطنشها و سياره يديده ومركز حلوو << كملت
اشوف انها تبادر للمصالحه دام ما اهانهاا و دامها تقول مشكله بسيطه عشان توصل لمربط الفرس و تعرف وين المشكله .. لكن واهي ببيت اهلها شدراهاا ..
خل تخلي ابوها ولا اخوها يكلمونه يشوفون وضع رفيجتج بالضبط شنو بس طبعا بعد ما اهي تكلمه واذا ما فاد معاه ..
او يمكن الريال محتاج شويه وقت بروحه .. والله يعينها صراحه والبنات يفيدونكم

 

[جيكره(و)تتغلى25]

من حقهااا تنقهر مااسدد قرضها الي هو له وفكر يسحب وياااخذ سياره؟؟

والله شي يحر ويقهر
دام منصبه سنع تشرط كل شهر يدفع لها لو نص المبلغ يعني لو كل شهر يدفع100دينار


الله يهدي النفووووس

 

[ام زهقانه]

ميخالف خل ترد علشان اعيالها لايضعون
اهي غلطانه ليش تاخذه من اول
الحين تحسفت
الله يهديهم

 

[fdeet_shosho]

الله يعينها يارب ويسهل امورها ويسخره لها
يا ما قالوا لاتاخذون قروض للرجال مهما صار لان مامنهم امان وبالاخير تتحسفون - ابي وحدة اخذت قرض لزوجها وماندمت
اعرف سالفه وحدة ساعدته بالبيت وبالاخير تزوج وسكن مرته بالدور الثاني وانقهرت وهى ماثثة البيت كله
واللى شاريتله سيارة وتصرف على عيالها ويوم صار وياه فلوس المنحه الالف اخذ فلوسه وفلوس العيال حوالى 8 الاف وسافر استانس فيهم بروحه ومافكر يسدد شي من قرضها اللى ماخذته عشانه
لمتى والحريم يستغفلونهم وماحب اللى تقول الحياه مشاركه واساعده ساعدية بشغلات بسيطة مو اكسر ظهري بقرض عشان ياخذله سيارة ولا يسافر يخربط
بس ماقلتى السبب اللرئيسي للخلاف بينهم اللى خلاه يتخلى عنها ويقطها هى وعيالها ؟
استغرب اللى يقولون تروح تراضيه ؟؟. وهو قاطها لها شهر شدعوة ؟ ماحن لعياله ولوجودهم حواليه ولا افتك منهم ومن مصرفهم
ماقول غير الله يعينها يارب ويصبرها وبالاخير هذا درس لها

 

[متوترة]

الله يفرج عليها همها ياررب ..

والله الرجال مايفهمون ..
والحريم مايغفرن
معادله صعبه .
الله يعين
< اتعب ع معادله هع

 

[ام ميميتو]

اذا هي ساعدته و خذتله قرض خليها تقوله يدفع عنها او يدفع معاها اما انها زعلت معاه على سالفه تافه ليش تترك البيت تروح بيت اهلها اكيد هو قاعد يقول مثل ما طلعت من بيتها ترجع لانه السالفه مو مستاهله انا ضد ان المراه تترك بيتها مهما كانت الاسباب خليها ترجع بيتها احسن يعني لي متى بتقعد عند اهلها و مافي داعي ادخل اهلها لان اذا الاهل تدخلو رح تكبر المشطلع عالفاضي الله يهديم ان شاءالله

 

[ام فواازي]

دام لها شهر عند اهلها خل تشوف ابوها اذا حكيم او اخوها يتفاهم معاه مالها غير جذي ولا تدق عليه ولاترجع جذي من نفسها لان راح يستهين فيها وفي زعلها تنطر يجي عندها و اذا تبي من قلب وتبي الرده له لاتتشرط عليه وتمشي امورها معاه

 

[tmtmt]

دام مشكله تافه ليش طلعت من البيت من الاساس !

ماندري شنو السالفه عشان نحكم
ومن خلال الي ذكرتيه ماشفت شي يستدعي انها تكون فبيت اهله بعد 12 سنه و 4 اطفال
حتى لومايدفع
تصرفها غلط

وايد اشياء مو مفهومه عشان الواحد يقدر يقول رايه

 

[FeShinGoOo]

انا مع البنات اشلون مشكله تافهه وشهر عند اهلها ؟؟
دام المشكله تافهه ترد بيتها ابرك من هالقعده الي ماوراها فايده ..!!
اهي الحين تاكل بروحها وتقول يمكن عنده وحده ثانيه انزين لو هامج هالموضوع انتي ليش تعطينه مجال ؟؟
ريال بروحه بالبيت من شهر لاتلومينه لي خربط او سوا شي مني مناك انتي الي غلطتي وطلعتي من بيتج وعطيتيه المجال ترى الرياييل مايردهم شي بس يبون وحده حكيمه تملي عيون الريال وماتخليله فرصه يشوف غيرها
واذا على سالفة القرض دامها ماتقدر عليه ليش رضت تاخذه ؟؟
وانتي متاكده انه مو قاعد يسددلها شي منه ؟؟
يمكن اهو خذاها من مبدأ التعاون بين الزوجين من جذي شاف ان مافيها شي لو يشتري سياره ماحط فبالها انج بتقلبين وتتحسفين
واذا اهو مركزه قوي ومرموق ومو قاصره شي كان من الاولى انها اتيله بالمساحل والكلام الحلو واتخليه يصكرلها قرضها مو بالصراخ وانها تشيل قشها وتطلع

الصراحه اكبر غلط اصلا الريال من تحمل الزوجته ويتغير شكلها لازم تقضبه بيدينها وضروسها هالمره هادته وقاعده بيت اهلها ؟؟
شنو استفادت ؟؟
ماغير انها قاعده تعوده انها تهده ويتعود على فراقه لين يصير شي عاديييييييييييييييييييي

 

[Mayoon]

اذا هو ماطردها خل ترد بيتها وتفاهم معاه مانفع تبلغ ابوها يجيها البيت ويتفاهم معاها
ماادري اشفيهم هل الريايل استخفوا

 

[زوجة عزيز]

اهي غلطانه اشلون تاخذ قرض وتعطيه انا مابي اشتغل عشان مااتساعد معاه لان اصلا مايبين في عينهم في دقيقه ينكرون عشىة العمر كلها ولا مو ابعيده ان ياخذ فلوسها ويصرفهم على ثانيه

 

[Tom ♥ Jerry]

.,،


من صجج قآعده بره البيت شهر على سالفه تآفهه
عيل لو سالفه تسوا جم سنه تقعدين بره البيت .،

حبيبتي آوريدي الحآمل تتضايق و تتنرفز بسرعه على اي شي !
يعني لا تسوين سوالف آكثر بليز
و دآم آعترفتي انه السالفه تافهه خلاص دقي على ريلج
و لا تخلينه بروحه كل هالمده
ترا الريال مآ ينخلا بروحه ديري بآلج
آنتي عندج 4 عيال .، كبري عقلج عشآنهم

 

[رواضي قطر]

الله يسخرهم لبعض

 

[أسيرة القمر]

مشكورين ع الردود بنات


بخصوص السالفه اللي صارت اهي صايره عصبيه من بعد ما حملت


فطولت صوتها واهو طول صوته وصارت مشاده كلاميه بينهم


وع فكره نسيت اقولكم ان قبل 3 سنوات طاحت ع زوجها بالصدفه خاينها وع علاقه بوحده


متعرف عليها بسفرته لاوروبا واهي كويتيه مطلقه ...


لما رجع من السفر شافت ان زوجها ماهو يمها وكان في فتور بالعلاقه ولكن ماشكت بالموضوع


ولا طرى فبالها ان هالشي راح يكون خيانه لانها كانت تحبه حيييييل


لما كان بالرمضان بالصدفه فتحت تلفونه المسكر وهي ع نياتها وهي بيني وبينكم ماهي فطينه


من هالناحيه ،، فتحت تلفونه ع اساس تشوفه لانه جديد وتبي تعرف مواصفاته وزوجها


كان بالغرفه الثانيه وهي ماكان قصدها تفتش بالتلفون يعني عادي الوضع ،،،


فككانت الطامه ان شافت مسج مكتوب فيه ( انا زعلانه عليك ليش تسكر جهازك )


فواجهته ع طول بهالمسج وقالتله دق عليها قدامي الحين وابيك تنهي العلاقه


فدق عليهاوحطه سبيكر وكلمها وقال انا متزوج وعندي عيال لا عاد تتصلين ع هالرقم



واهي من وراه اخذت الرقم ودقت عليها .. قالت لها انتي شلون عرفتي زوجي


فقالت لها ان تعرفت ع زوجج بالسفره هو اللي بادر وكان يخزني وانا حلوه حيل


وانا مطلقه ورايحه سياحه مع اخواني وزوجج هو اللي قاط نفسه علي لما اخذ رقمي


وكان كل يوم يكلمني وهو قايل لها انه مطلق وسبب طلاقه ان زوجته جيكره وماتهتم فيني


( للعلم ان رفيجتي مزيونه حيييييل وهو اللي جيكر )


بس الفرق ان اسلوبه حلو وشخصيته قويه ورفيجتي ماعندها اسلوب ابد ،،،،!!!



من بعد ما كلمتها انفعلت حيل وراحت دشت عليه وهو نايم وقامت تصرخ عليه




وبعدها قال والله انها جذابه وقام يحلف بالقرأن ان كل اللي قالته خرابيط وانه ما شافها بالكويت ولا طلع




معها لان اهي لما كلمتها قالت انها طلعت معاه من بعد ما رجعت من السفره !!!!



فهي رضت ومشت السالفه بس بعدها صارت حساسه وع اي شي تزعل وصارت بين فتره



وقتره تجيب له الطاري!!!




وصارت عصبيه ودايم تتهاوش معاه واول مره من بعد هالسنين تتهاوش معاه ومايكلمها خلال شهر كامل



وهو بعدكأن يبيها من الله ،، وتقول ان زوجها بعد كم يوم بيسافر لنفس الدول الله راح لها قبل 3 سنوات!!





هي حدها منقهره وصايره كل تفكر وفوق هذا كله حامل وتعب وحالتها حاله



شرايكم فيه شنو الحل معاه ؟؟؟؟؟


*

 

[عبير-الشرق]

حياتي اكبر غلط تطلع من البيت واهي عندها عيال باجر يركب راسه الرجال ويطلق البعيد عن العين بعيد عن القلب وكاهو شهر هانت عليه وماكو اتصالات خل ادخل رجال بالموضوع من اهلها يحل السالفه وترد بيتها وماتاخذله قرض مره ثانيه ياليت القرض لدين او علاج اوبيت القرض لسياره واهو مركزه زين ليش ما يكشخ من معاشه

 

[love u 4 ever]

الله يفرجها علي وعليها وكل من تضااايق ياااااااااارب
خلها تقرا سورة البقره كامله يوميا لمده شهر كااامل والله من تقراها

راح ترتاااااح وربي حتى بتحس فيه فرررق كبير وببتيسر امورها

 

[om_dodo]

الله يعين

 

[طموحه بزياده]

@@@


الله يهداهم كلهم


@@@