انا عروس ومثلك الان استخدم افلون كريم التفتح من الصيدليه
وامن الصيدلي قالي حطيه باي مكان ماعندك مشكله
شخصيا اخلط كريم مرطب وافلون والدوكين فورت والنتيجه ممتاااازه
لي الان ثلاث اسابيع والحمدرلله جسمي كله فتح
انا ادهن جسمي كامل واركز على مناطق السواد
مرتين باليوم ،، قبل انام ،، ولما اقعد اتحمم وافرك جسمي عدل بصنفره واحيانا اعمل دلكه بالسدر والترمس ،، واحيانا سكراب عادي المهم لازم تتفركين عدل علشان ينزل الجلد الميت
وبعد الشاور على طول احط مره ثانيه من الكريمات وانتظر ليما جسمي يشربها وبعدين البس عادي مالها ريحه ولا شي
والله اول المقعد وفخوذي من الخلف سواد مو طبيعي ،، من اول اسبوع شفت الفرق
وثاني اسبوع كان مررره واضح جسمي جاس يتوحد بسرعه
اهم شي ترطيب وتقشير مكثف
والاستمرار
المنطقه الحساسه ماصارت بيضا مره مثل خلف فخوذي بس فتحت حيل الحمد لله
تحت الابط صار ابيض بنسبه 80% الحمد لله
واهم شي انه ماجاني لاتسلخ ولا شي لاني اخلط الكريمات مع الكريم المرطب ،، لان بشرتي حساسه والحمد لله اعطاني تفتيح امن بدون قشور ولا احمرار ولا دراما
في بعد غسول بزليين لتفتيح المناطق الحساسه سمعت عليه مدح وايد ومفعوله يقولو سريع
موجود بالصيدليات انا شفته في بوتس وحتى بالسوبرماركت
سعره 80 سعودي يعني اقل من 10 دينار كويتي
انا صراحه اثق في منتجات بزلين وناويه عليه ان شاء الله
