ماااااااايطلع حليييب .. بموت من الالم

[عيني عليه]

هلااا بنااااااات ...

فيني صيييييحه وحييييل مكتأبه ....

بنااات انا صاااار لي اربع اياااام واااالد طيب ؟؟

صدرررري مايرضى يطلع منه حلييييب ... حتى لو طلع نقطه والا نقطتييين ... تعبت وانا ارضع ولدي ... صاااار صدررري يعوررررني واحس مو قااادره احركه ... واموووووت اذا جا البيبي يرضع مني...

يالييييييييييييت على فااايده .... مااايشبع مايجيه حلييييب ...

بنااات شسووووي امااانه .... بموووت من الالم ... احس ودي استسلم وارضعه صناااعي ... بس حتى الصناعي رجعه وهم مايطاوعني قلبي ... احس متوهقققققققققه ماادري شسوووي ...

قولولي اشياااء تساعد على در الحليييب ....

والا تنصحووني ارووح المستشفى ؟؟

والا شتقولووون انتوا ؟


للمعلوميه بنااااات انا بكريييييه :0bee2e8d89:

 

[ام نوونه]

الحمدلله على سلامتج

اول شي مستحييييييييييل ما في حيل بس لانج بجر مو عارفه

بدام صدرج يعورج يعني في حليب

حطي على صدرج وحاولي حاولي لمن يمسكه عدل وبعدين راح يدر انشالله

بس الرضاعه متعبه شوي ويبلها صبر وطاقه بس كله باجرة انشالله

وشربي حلبه وحده بوحده واكلي رهش وراح تشوفين شلوون يدر صدرج وهم في حبوب بالصيدليه تدر الحليب

بس الاهم انج تستمرين عالرضاعه

انا صارلي 3 اشهر والده بس خذيت حبوب منع الحمل بدا ينشف ماكنت ادري ان الحبوب تقلل الحليب

والله ضايق خلقي لان كنت طول اليوم ارضعها فجاه قل من الحبوب

 

[سموره 87]

حبوبه انا جذيه بعد ولادتي صدري كان يعورني حيل بس ماكان فيه حليب قعدت اسبوعين احاول هم ماكوا فايده اخر شي ياتني الرداده قالتلي اصلا انتي مافيج حليب نهائيا من وبعدها صدري صار عادي مايعورني ولاشي وقمت اعطي بنتي الصناعي
حاولي تاكلين رهش وفيه شي قالتلي عنه الرداده اسمه كوكو نت ملك يبيعونه بالجمعيات حطيه مع شوربة خضره يطلع حليب هذا اللي قالتلي عنه بس للامانه ماجربته

 

[مخدددده]

اكلــى حبـــوب الحلــبه ,, ادرر الحليب وتكثره روعه عن تجــربه

تلاقينهم بالصيـدليه مايضرون وهم للى يرضعـــون

 

[ام عفاف الكويت]

اخذي فوطه فيها ماي دافي وحطيهم على الصدر
وبعدين ريحي شوي شفطي احسن وافضل

 

[روان_الكويت]

حبيبتي انتي نفسي انا لي الحين 6 ايام والده امس وقبل امس الله لا يواريج مت من صدري منتفخ واشفط ما يطلع والحلمه انتفخت صارت اتخرع
تذكرت اني ما سويت كمادات حاره قلت خل اجرب بموت حيت كمادات حاره ولا اشوه يلين شوي ويطلع بالشفط وخلي ولدج يرضع احسن انا شذي حاولي تخلينه يرضعه انا كان حيل منتفخ واضطريت اشفط لو نصه واخليله نصه
اي واذا جيتي ترضعين خلي الحلمه كلها مع السواد الي بره داخل حلجه يمصها ومسكيله صدرج ضغطي عليه مسكيه بصبعين مثل حرك مقص من فوق وتحت عشان يطلع الحليب والله يكون بعونج
تقدرين تاخذين شاور وتفتحين الماي الحار علا صدرج وتحسين بعدها براحه بس مسكي الحلمات لانه اذا حاشهم الرذاذ بيعورج

 

[تاجي الفضيلة]

في حبوب بالصيدليه حق الرضاعه تدر الحلييب

حبيبتي لا تخليين الرضاعه الطبيعية وااايد مفيدة جد ساليني

وعلييج بالرهش والبقل والحلبه وسوي كمادات دافية حق الصدر

 

[kooka83]

مبروك ماياج يتربى بعزكم
سوي كمادات ماي دافي أكثر من مره باليوم وانتي تسوين كمادات سوي مساج خفيف ..
انشالله يدر الحليب ... وحطي ولدج على صدرج خليه واهوه يمص راح يدر انشالله
عليج بالتغذية العدله والحلبه والحليب

 

[عيني عليه]

مشكورييين بناااااات ع الردووود...

بجررررب الكمادااات الداااافيه ماااجربتهم ... وبكثر حلبه ...

مشكلتي انا مو في الحليييب لان صدررررري صااااير كانه صخرررره ... اكيييد فيه حلييييب ...

بس المشكله انه مااايطلع ...

الله يعيني ويعينكم...

 

[๓ίşś зśŏłả..!]

رد : رد: ماااااااايطلع حليييب .. بموت من الالم

اخذي فوطه فيها ماي دافي وحطيهم على الصدر
وبعدين ريحي شوي شفطي احسن وافضل

انا معاها لما ولدت بنتي كنت اسوي جذي

 

[♥ąϻᴑŁ♥]

حبيبتي عليج بالسمسمية و الرهش والبقــل مدرين للحيب .~

وسوي مســاج حق صدرج وحطي كمــآآآدات ماي دافي وان شاء الله راح يدر الحليب ~ّ

 

[أحب الصدق وأعمل به]

انا جذي كان صدري جنه صخرة ولما رحت الدكتورة قالتلي لازم تاخذين حبوب تنشيف الحليب عشان لا تصير فيني سخونه بس ما اخذت قمت كل يوم احط المطارة الحارة علا صدري يالله ارتحت بس مايطلع حليب غصب رقمين وما رضعت لان اصلا ما عندي حلمه والله يعيننا كل شي اخذت حبوب حلبه ورهش بس من اتسبح يدر الحليب

 

[أنفاسي دخون]

ما قصروا البنات

انا كنت آكل رهش وسمسميه والحمدلله يدر اما اذا تحسين صدرش متحجر كمديه بماي دافي

والحمدلله على السلامة

 

[@الياسمين@]

سوي كمادات مع تدليك خفيف
وكثري من شرب الماي

 

[dalooo3h]

اذا تحسين بعوار لما ترضعين الجاهل معناه الحلمه ملتهبه انا صار وياي جذي بغيت اموت لين رحت الصيدليه وقلت لها عطتني كريم يخفف التهاب الحلمه واقدر ارضع الكريم موجود بالصيدليه لونه بنفسجي الله يقومج بالسلامه

 

[om deaj]

جهاز شفط وكمادات حارة على الصدر
وشاي اعشاب مدر للحليب>> خذيته من الصيدلية جدام مستشفى راشد بالسالمية
والرهش والخضرة وجبن كيري بعد

واكو تحصلين بالصيدلية او بمذكر كير قطعة بلاستيك جنه حلمة رضاعة بس تنحط على الصدر عشان لا يعورج وهو يرضع انا جربتها وماكنت ارضع من غيرها وايد مفيدة

 

[الكرزة]

تدرين انه باقولج شتسوين تبين الصج انه اصلا ماعرف ارضع مثل النسوان العدلة فقمت شريت لي شفاطة ميديلا وحدة عدلة من الزين واشفط حق بنتي حليب واحطلها اياه في الممية وشارية لي ثلاجة خاصة صغيرة حق حلببهه والحليب مدته يومين عقب اكته والرضعه اذا طلعتيهه اتسخنينهه بدرجة حرارة جسم الانسان وتقدرين اتخلينهه برع 5 ساعات عقب تكتينهه وهكذا وسألت الدكتور وقالي طريقتج صحيه وكلشي تمام التمام وانه على هلحالة 4 شهور والحمدلله
وانتهى الموضوع وارد اكرر لج اخذي شفاطة ماركة ميديلا كلش ماتعور السدر وتسحب الحليب عدل واخذيهه لهه راسين يعني مزدوجة سعرهه اب 42 ديناربحريني عاد عندكم مادري بجم تلقينهه بسنتر بوينت بعد

 

[ام فجر3]

الله يعينك عادي لازم بعد الولاده هذا يصير لان الصدر توه ممتلي حليب مع الايام راح تتعودين ويروح الالم

 

[miss_heathrow]

بعد الرضاعه كمادات دافيه بعد عمري انا كنت ابجي من ارضعها ما اقدر قطعتها واهي اسبوعين

 

[الحنان الدافئ]

رد : رد: ماااااااايطلع حليييب .. بموت من الالم

حبيبتي انتي نفسي انا لي الحين 6 ايام والده امس وقبل امس الله لا يواريج مت من صدري منتفخ واشفط ما يطلع والحلمه انتفخت صارت اتخرع
تذكرت اني ما سويت كمادات حاره قلت خل اجرب بموت حيت كمادات حاره ولا اشوه يلين شوي ويطلع بالشفط وخلي ولدج يرضع احسن انا شذي حاولي تخلينه يرضعه انا كان حيل منتفخ واضطريت اشفط لو نصه واخليله نصه
اي واذا جيتي ترضعين خلي الحلمه كلها مع السواد الي بره داخل حلجه يمصها ومسكيله صدرج ضغطي عليه مسكيه بصبعين مثل حرك مقص من فوق وتحت عشان يطلع الحليب والله يكون بعونج
تقدرين تاخذين شاور وتفتحين الماي الحار علا صدرج وتحسين بعدها براحه بس مسكي الحلمات لانه اذا حاشهم الرذاذ بيعورج

صحيح 100%
هذا شي طبيعي أنا بكل عيالي جذييييييييييييه ،،،،،،،،،،، هذا يصير مع كل الأمهات ويروح بروحة ،،،، ياخذله يوم أو يومين على حسب ،،،،،،،،،،، بس أهم شي الماي الدافيييي وما تشفطين لأنه مافي حليب بس هذا سبحان الله من رب العالين ،،،،،، له إسم بالإنجليزي بس نسيته ،،، تسبحي بماي دافي ولبسي ستيان واسع ولا تجيسين صدرك خلليه بروحة يخف وكل شوي رضعي والله يآجرك