ماأستحق حياتي . . !

[روح مشتاقه]

.




.




.


السلام عليكم والرحمه

اول شي احب اقولكم اني عضوه يديده وماكنت ابا ابدء عضويتي بهالموضوع

لكن ماباليد حيلله . .

انا من متابعي هاذا المنتدى المميز . . طبعا لاني شفت البنات قلوبهم على بعض قررت اكتب مشكلتي

وعسى اني احصل حل وارتاح من اللي انا فيه

مشكلتي وهي . .

انا ابتعدت عن ربيي بعد عظيييم قطعت الصلاه قطعت كل شي . .

مع اني احس بتانيب الضمير لكن . . الشيطان مامات

قمت ادخل مواقع اباحيه (يبعدها عنكم) .. ماقدر ارقد الا يوم ادخل هالمواقع

واشوووف كم فيديو حسبي الله . . وبعدهاا بفتره اطورت الامور اكثر

وقمت امارس العاده السريه لسنواااات ! بدون ماعرف انها عاده سريه

وعقب 3 سنوات من ممارستها عرفت ولكن ماقدرت اتركهـآآآآ

حاولت انيي اتركها يوم يومين اسبوع ورجعتلها واكثر من اول ..

قمت اكلم شباب وادخل الشاااااتاااات واسولف بالساعات ..!!

رمضااان ماقمت اصوووووووومه

ضاقت فيني الدنيا فكررت انتحررر والله وحاولت

لكن الحمدالله ربي منعني

ادرري والله ادريي اني ماستحق حياتي وفي مليون شخص يستحق العيشه اللي انا عايشتنها

عاذرتكم قولو عني اي شي لان مافي احقر او اسوأ عني ... !

تعبت ضاقت فيني الدنياااااااا

قررت ارجع لربي حاولت اصلي يومين وعشره لاااااااااا

وودي بشي يخلي حيااااتي حلوه ودي ارجع لربي بس ماعرف كيف

امانه بنات اللي ماتقدر اتساعدني ع الاقل ادعولي ولو ظهر قلب

وآسفه على الاطاااله

 

[دلع العتبان]

مبروك حبيبتي مادام انج فكرتي تكتبين موضوعج معناتة بديتي تتغييرين انتي ربج يحبج يحبج تدرين لية لانة ساتر عليج وحاميج ومعطيج من العمر الي مخليج الحين تكتبين وتبين تتوبين

تدرين شنو النعمة العظيمة الي بين ادينا واحنا موحاسين فيها هية العمر الله معطينا عمر وماهلنا يبينا نتوب ونفكر انتي انسانة وعندج عقل وحسيتي بالغلط الحين بدى التغيير والحين بدى وقتج الزمن الي راح مات ولا ماراح يرجع وعسى الله يبدله حسنات مادام فكرتي بس بالتوبة

الله شنو قال سبحانة ( ان الله لايغير بقوم حتى يغيروا مابانفسهم )

انتي مسلمة واكبر شرف هذا خلالاص الحين تبدين من اول وعفا الله عما سلف

ابدي صلي

ابدي صومي

ابدي توبي واستغفري ربج

واعرفي شغللللللة وحدة ان الله كرررررررررررريم قد ماتتصورين واكثر ومن عليج الحين وربي مايظلم احد بس يمهلة يتوب

ويعطية من العمر

لو الله مو كريم جان موتج من اي كبيرة سويتيها من قبل

لو الله مو كريم جان اخذ عمرج وانتي تعصينة

لو الله مو كريم جان ماكتبتي الحين

بس انتي متضايقة وضيقتج هاذي من ذنوبج لانج انسانة من الداخل نقية وطاهرة وماودج بالشر


ابدي والله معاج عسى الله يتوب عليج توبة ويغسل ذنوبج وينقيج من قلبي وربي

الله معاج ؛؛

 

[غــلآ]

رد : ماأستحق حياتي . . !

اولا لا جيتي بتوضين حق الصلاه
تذكري انج بين ايدين رب العالمين وقاعد يشوف صلاتج وهني راح تخشعين وماراح تطوفين اي صلاه صدقيني لانج بتتذكرين ان هذا الوقت وقت لقاءج انتي وربج وقت مناجاتج له وكلامج معاه وشكوتج له

وحطي في بالج لو تشتكين حق العالم كله محد بيفيدج غير شكوتج لرب العالمين اهوا اعلم بالحال

حاولي تختمين سوره البقره

بما انج اول مرة يمكن تطول معاج 3 ايام بس انتي ضغطي على نفسج

على فكره .. الصبر ثم الصبر ثم الصبر

ربج قال : واصطبروا بالصبر والصلاه
مابي احرف لكن بهالمعنى وهم قال وانها كبيره الا على الخاشعين ..

 

[رووز q8]

رد: رد : ماأستحق حياتي . . !

قلبي ان شالله ربي يكتب لج التوبه النصوح

تذكري الموت ،، تذكري البعث اسم الله عليج تخيلي تموتين وانتي على مقطع اباحي او تمارسين العاده او الاذان يآذن وانتي لا حياة لمن تنادي ،،تموتين وتبعثين على ما متي عليه ،، تخيلتي الوضع ؟؟ يآآآآآآآآرب الطف فينا والله موقف يقشعر منه الجسم


حاولي تحافظين ع صلاتج راح تتغير حياتج كلها لان الله تعالى يقول : " ان الصلاة تنهى عن الفحشاء والمنكر "

حآولي تصومين ترا الصوم يعود النفس على ترك المعاصي

اتركي المقاطع الاباحيه الي بدايتها شهوة ونهايتها حسره وضيق

كل ماحسيتي انج بتسوين شي غلط قومي وضي غصب طيب قومي

حبيبتي تركي الاغاني اهيا الي تخليج وسوري ع الكلمه تشتهين تسوين العاده السريه او تشوفين مقاطع اباحيه

دربي نفسج تقرين دايما البقره ماتاخذ منج وقت ساعتين بالكثير تخلصينها وخليلج ورد يومي تقرين كتاب ربج صفحه صفحتين المهم ماتهجريييينه


امم ودي اكتب كل شي فبالي علني اساعدج بس البنات ما يقصرون ان شالله


طمنينا عنج فديتج

 

[عذآري]

رد : ماأستحق حياتي . . !

ياحيااتي البناات ماقصرو معك مشالله

بس حبيت اقولك الشيطان شاطر حاول يستغل ضعفك وجرك شوي شوي لين منتبهتي انك غصت بالمحرماات

وزينلك هالطرريق

بس انتي الحمد الله فيك ايماان وحسيتي انه غلط

الله يثبتك على طااعته

يااختي اذا كنت من زماان ع هالاشيااء اتركيها بتدريج مو مره وحده اذا تركتيها فجاه بترجعين لها لاضايقتي لاسمح الله

واوصييك بالاستغفاااار والدعااء مالك الا ربك

تذكري ربي اذا حب عبده ابتلاه وهذ ابتلاء واختبار من الله

الله يهديك وخليك لعين ترجيك

انتي بس انووي انك تتركي هالخرابيط وربي معك انشالله

 

[شمس؟]

السلام عليكم

حبيبتي

عليج بقيام الليل والدعاء اثناء السجود بالثلث الاخير من الليل

الله بيستجيب لج ان شاء الله

 

[خالده الفارس]

الله يهديج ويهدينا ,,,
عشان تلتزمين لازم تتحملين ....

 

[عيده]

الله يهديتس يآآآرب

وكثري من الاستغفآآآر وادعي ربج يغفرلتس ان شاء الله وخلتس حريصه ع صلوااااااتس وتذكري دآآيمن انه ربي يشوفتس وحنا الحين بالعشر الاواخر التزمي بصيآآمتس وصلواتس بوقتهاااا ترا ماراح ينفعتس بآآجر شي غير صلاتس ودعائج وتصدقي لـ وجهه الله ..

ولازم تصومين الايام اللي فطرتيها لانه حرام ومايجوز انتي بآلغه وراح تحأسبين والله يثبتس ويثبتنا يآآرب على دينآآآ ..

 

[زهراء الركابي]

رد : رد: ماأستحق حياتي . . !

مسحي كل الفيديووووو الي عندج


ودايما خلي الله بين عيونج ترا الله غفور رحيم وباب التووووووووبه مفتوح



ربي يهديج

 

[ورد وردي]

رد : ماأستحق حياتي . . !

فرصتج الحين بهالشهر الكريم صومي اول شي وصلي والجئي لربج ولاتقولين بنتحر او شلون ربي بيغفر لي ترى ربج يغفر الذنوب جميعهااااااااااااااااااااااااااااا لان هو الغفار ومن يغفر الذنوب الا الله ......... والله سبحانة يفرح بتوبة عبده


تقربي لربج وربي بيفرجها عليج

 

[منو انا]

رد: رد : ماأستحق حياتي . . !

تحدي نفسج وخلج اقوى من الشيطان وكل ماحسيتي انج بتردين لطريج الي كنتي فيه تعوذي من الشيطان
والمواقع الاباحيه لادشينها وحطي ع الاب نفس الورقه لصغيره وكتبيي عليها اي عباره اتشجعج عشان تتركينه ودشي بدالها قسم الاسلاميات وراح يفيدج وترى كل اللي قاعده تسوينه الشيطان هو اللي قاعده يزينه لج

والله يهديج

 

[كسر.قلبي.زماني.]

رد : رد: رد : ماأستحق حياتي . . !

الصلاه اراده تحدي نفسج

 

[lovely jojo]

رد: رد : رد: رد : ماأستحق حياتي . . !

اهلج وين ما يحسون انج مشغوولة حيل عنهم؟؟؟
تعوذي من ابليس وردي لربج

 

[غَـنْـجَـى و دَلـوعْ]

رد: رد : رد: رد : ماأستحق حياتي . . !

لا حول و لا قوة إلا بالله

الله يستر عليج و يهديج و الله ما أدري شقووول بس بهالأيام الفضيلة كثفي الدعاء لله سبحانه و تعالى و ربي كريم مجيب الدعوات ..

 

[ĆŭŧΣ Ḟầсe ㋡]

((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى

وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))

حبوبة احمدي ربج الذي امهلج في الحيآآة عشان تتوبين له واحمدي ربج انج ما متي وانتي تعصينه بهالمعصية

اولا : عشان تتغلبين ع عمرج كل ما تشوفين لج مقطع اباحي قوم وتوضي وصلي ركعتين واستغفري 100 مرة

تدرين ليه هذا علاج ان الشيطان ما عاد يوسوس لج تشوفين هالمقطع عشان ما تعبدين الله بعده وتستغفرينه وهو يبي يلهيج

عن ربج >>منقول من اكبر مشايخ الشريعه خالد الجبير حفظه الله


ثانيا : كثرة شوفة هالمشاهد تسبب لج امراض بالمستقبل وما تكتشف الا بعد الزواج >> حقيقة علمية اثبتها الغرب وابحثي

عن الامراض النفسية اللي تسببه هالمقاطع ..

واحب اقولج مبرووووك عودتج للصوآآب ولا تنسين ان ربنـــآآآآ ارحم بالعبد من امه فسال الله الثبات واغلبي شيطانج

وتقربي الى الله والله ثم والله لتشعرين بسعادة ..

بس عليج بالاكثآر من الاستغفار والدعآآآء وعليج بالدعأأء هذا ألم تقرئي دعاء النبي صلى الله عليه وسلم

دائما (اللهم اغسلني من خطاياي بالماء والثلج والبرد)

فكلما أذنب العبد اشتعل القلب ناراً, ولا يطفئ النار إلا الماء البارد والثلج.

 

[عهود الحب]

رد : رد: ماأستحق حياتي . . !

انا اعطيج حل بسيط


و تحليل بسيط لوضعج


انتي غافلة

و الغفلة احيانا احنا نعيش فيها وندري انه احنا غافلين

بدليل انج كتبتبي هالموضوع انتي تدرين انج غافلة عن ذكر ربج


وطاعته


الغفلة مثل القشرة الي عالقلب
احنا نحسبها قوية
لكن هي اضعف منها مافي
انفضيها عن قلبج


و ردي لربج وبس

صدقيني مع الوقت
كل شي غلط راح تتركينه بنفسج وبدون ما تتعبين بسهولة راح يصير وضعج احسن
لأنه الطاعة حلوة والمعصية مررررررررة



الله يهديج لأحسن الاعمال و يبعدج عن سيئها


بلشي حياتج بقرب الله من هالعشر


وتذكري انه كل ابن ادم خطاء وخير الخطائين التوابين


واكبر العلماء كانوا ببداية حياتهم عاصين لله بس ربي ردهم له ردا جميلا ً


وبشرينا عنج

 

[برنسيسة زمااني]

رد: رد : رد: رد : ماأستحق حياتي . . !

دايما تذكري ان الله سبحانه معاج على طوووول

تذكري انه مراقبج و يشوفج ويعرف حتى اللي بنياتج

وهالشي صدقيني بيقوي ايمانج بالله سبحانه

الله يهديج يارب العالمين

 

[مرمووور]

رد : رد: رد : رد: رد : ماأستحق حياتي . . !

آوول شي يبدآ التغيير من الدااخل
يعني بينج وبيين نفسسج بسس قوولي
رآآح اتررك السواالف هذي بسس كرري هالجمله بقلبج
والزمي الاستغفاااااااااااااار
وودي لاااااااااابج لمحل كمبيووتر يحظر موااقع الابااحيه والشاتاات
والله يووفقج ياارب

 

[روح مشتاقه]

رد : رد: رد : رد: رد : ماأستحق حياتي . . !

مشكوووووريين بنات على النصايح

فادتني وايد

وان شاء الله راح احاول اسوي اللي اقدر عليه

 

[Judy abbott]

رد : ماأستحق حياتي . . !

حبيبتيي كل شي بيدج لا تقولين ما اقدر

بس يبيلهااااااا ثقه بالنفس لما تثقين انج قاادره تتحدين نفسج وتسووين الي يرضي ربج ويريح ضميرج لااح تسوينه

والحين ليالي مبااركه ادعي ربج ان الله يغفرلج ويهدييج لصراطه المستقييم صدقيني هذي ايام ما تتعوض

وانسي كل الماضي وتخيلي لو انج انولدي من يديد اشلون تبين حياتج اليديده تكووووووون

واهم شي الصلااه لانها تبعدج عن الفحشاء والمنكر لا تقطعيينهاااا ابداا لات تخلين الشيطان يوسوسلج والله يحب التوابيين

والله يهدييييييج ويستر عليج بحق هالشهر الفضييل