مأقدر عليه تعبني

[دموع الظلام]

مسا الخير
بنات انا كاتبه موضوع عن مشاكلي مع خالي و أمي من قبل عندكم

ونصايحكم خلتني أشوف اشيا ماكنت اشوفها

والله ماأجاملكم لقيت شي ضايع مني من خلال كلاام بعض البنات

خالي كل يوم يطلع لي سالفه عشاان يزفني عليهاا

خااطري اعرف شلون اتعامل صح معاه

كله عنده اني غلطانه وحتى لو قلت شي مايصدقه ولو غيري قاله يصدقه

كل يوم أقول راح يخف ضغطه على لكن العكس قاعد يصير

حتى الفتره اللي طافت صار موقف وكان معصب علي

وقلت له برووح حق ابووي وافتك

عصب زياده و يقولي روحي حق الـ . . . . . . . ويسحبني من شعري

وأكثر شي يضايقني صاير كل شوي ياخذ لابتوبي مني :eh_s(16): احس اني ضايعه

صاير ياخذ اشيا تااااااااافه بس يدري اني احبها ويبي ينرفزني

وأمي لما اقولها أخوج خذا لابتوبي تقول لاتعورون راسي

وصج تكلمه يرجعه بس عقب ياخذه

وحتى ملابسي اللي مايبيني البسها ياخذهاا يحذفهاا وأغلبهم شاريتهم معاه

تخيلو لما يطلع من البيت ادخل غرفته عشان اخذ اغراضي

وصرت اكسر أغراضه كسرت نظارته اللي يحبها

وكسرت أفلام توه شاريها مافتحها

بس اللي يقهر ماعصب على هالشي قالي فدوه لج يحاول ينرفزني

أنا من كثر تصرفاته الزايده صرت لما يمد يده علي اقعد اضربه بس مااقدر عليه :eh_s(11):

وبعد فيه طبع ينرفز لما يضربني ويشوفني طالعه براا ماارضى ادخل

يقعد يسوي عمره طيب ويعتذر ويوعدني و يخليني اشتري بدال

اي شي خذااه او خربه و ثااني يوم يعتفس

قلت لكم كل اللي مضايقني ومب هدفي اضايقكم لا والله

بس ابي حل لحد يقول طنشيييييه احنا ساكنين في بيت واحد

وهو يفسر التطنيش زعل أو دلع بيقعد يقط علي نغزااااااااات لين الموت

مشكلته اذا صار موقف يكبره ويبالغ في ردة فعله

وكله يمد يده :eh_s(11):

أرجوكم لحد يدعي عليه بس علموني شلون أعيش مرتاحه

 

[ابدا يالغالي مانساك]

ياختي شنو المشكله
بالضبط مافهمتهاا

 

[tbola]

حبيبتي الله يهديه ويفرجها عليج

 

[سفيره الكويت]

ماعليه خالج هذا حسبه ابوج ركدي وسمعي الكلام وخلج مطيعه لاهلج لانهم عزوتج واهتمي بمستقبلج

بس سالفه يمد ايده كلمي امج تحط له حد لهالسالفه او قولي له عيب تمد ايدك علي انا كبرت ولو فيه شي غلط ناقشني وماراح اسويه


لو صج غلط

 

[™〓 تۈڷيـــטּ~»❀]

جم عمرج وجم عمره

انتي احين بفترة مراهقه لازم بتحسين بهالاحساس عادي بس كبري عقلج
روحي حق خالج مهما كان غلطان كلميه بهدوء وقولي له :
خالي انا وايد متضايقه من اشياء ودي افضفضها لك مابي اقولها حق احد غريب ..
وبجذي قولي له اللي مضايقج من تعامل امج وياج وقولي له شمضايقج وياه
وخليه يوثق فيج ووعديه ماتكررين اي خطأ انتي سويتيه
بجذي راح يعاملج بشوية حنان وراح يعوضج
ووراح يفهم شتحسين فيه وشناقصج ..​

 

[دلع العتبان]

خالج عامليه مثل ماتعاملين ابوج بالضبط ولاتفرقين ولاتقولين خالي والله يوفقج وييسر امورج اللهم امين

 

[بنووته تكاانه]

الله يهديه

 

[دموع الظلام]

عمري 16 وهو عمره 26 أو 27

كله يحط حرته فيني

تخيلو مايرضى أكلم رفيجاتي بالتلفون يقول باجر بتكلمين شباب وبتقولين

رفجاتي وكل يوم يزيد مفشلني وصايره مواقف تفشل بيني وين رفيجاتي

لما أكون مستانسه يقول شفيج مستانسه مسويه مصيبه

يشوفني بنظراات تنرفز يحسسني اني مسويه جريمه

لما اكون متضايقه و أكلمه يمسح دموعي بيده لكن بعدين يتغير

هذا موضوعي القديم

http://www.q8yat.com/t936203.html

 

[شقرديـه عالطل]

الله يهدييه
ومايسوي جذي الا لانه خااايف علييج من رفيجاات السوووء ومصايب الدنيا باجر بتكبرين وبتفهمييين

 

[* Snow White *]

سوري، قطيييعه الله يعينج شهالخال!
انتي ليش ماتروحين حق ابوج؟ ليش ابوج مقصر وياج؟
سوري بس امج ليش مو مهتمه فيج ؟

 

[RmRom]

من كلامج واضح أن خالج يحبج ويخاف عليج .. بس الأكثر وضوحاً .. انه انسان شكاك

كلميه بالهداوة وقولي له لا تمد أيدك .. وإذا مد أيده

كلمي أبوج قولي له : " خالي يطقني .. ويا ليته يطقني غلطانه .. يطقني بس يطلع حرته فيني .. يا ليت تتخذ معاه أجراء .. قبل ما يفيض فيني الكيل .. وتشوفون شي ما تتوقعونه مني "

و وضحي لأبوج الصورة .. وقولي أقول لأمي خالي يطقني بس أمي مو مهتمه كلش

ما أعتقد أبوج راح يرضى لج الإهانه حتى لو كانت من خالج

وإذا كانت امج غير مباليه .. اتوقع ابوج راح يهتم إذا قلتي له

 

[RmRom]

وخواتي اللي يقولون خالج نفس أبوج !!

أسمحولي حبايبي : ما مثل الأبو والأم شي ^_^

يبقى الأبو أبو .. وتبقى الام أم .. ويبقى الخال خال

احنا ما دهورنا إلا التشبيهات (خالج مثل أبوج .. وعمتج مثل أمج .. إلخ)

الخال يحترم نفسه .. و ماله عندي إلا الحشيمة والكرامة

رب العالمين ما وصاني إلا بالوالدين .. استحملهم .. وأحسن إليهم وأتحمل أهانتهم

أما غيرهم .. ماني ملزومه أتحمل الأهانات والطق .. الكل المفروض يعرف حدوده ويلتزم فيها

وبالأول والأخير .. هذي قناعتي (للإنسان كرامه المفروض ما يسمح لأي أحد يهدرها)

 

[* Snow White *]

^

صاجه! صح لسانج


...


مو سالفة خالي يهيني ويطقني ويذلني واساسا شرعا وقانونا واجتماعيا وانسانيا ماله حق بهالتصرفات اللا اخلاقيه والهمجيه
تاليها انقول عادي مثل ابوي، طل

 

[عاشقة الاسلام]

الله يهديه انشاءالله

 

[ما كو اسم]

حبيبتي انتي على ما اذكر ابوج مطلق امج وساكنه عند امج وخالج ومن قيل صايدينج تكلمين واحد ....... اللي يسويه خالج شويه فيج باجر اذا صار شئ الملامه على امج .. واهل ابوج وابوج لا اله الا اله من يسكتهم وتطيحين بجبدهم محد درى عنج الشماته يا كثرهم اقول استريحي لو انج بنت اختي جان سويت فيج اكثر ........ الاخت عايشه دور المظلومه

 

[سمو الغلآ]

خالج يحبج وخايييف عليييج

بس يمكن عند شي مضايقه
علشان جذي متنرفز

 

[لحن التياعي]

الله يفرج همك يارب

 

[مشآعل مطير]

حبيبتي خآلك من خوفه عليك ومن حررصه طآلعه منه هالتصرفآت
آنتي رآقبي الله في كل تصرفآتك وشوفي وشلون كل النآس رآح يمشون معك سيدهـ
الله يهديك ويهديه

..

 

[غزال7]

Up up


up up

 

[الحللللوه]

الله يهدي الجميع لاحوول ولاقوه الا بالله
اختي كثري استغفااار