مآدري غيره , ولا إهيا جذي !!

[тεķάηαн]

الـسلـآم عليكم ورحمة الله وبركآته ,
بدخل بالموضوع على طول لآن مالي بالمقدمآت ><"
آنا الله يسلمكم لي رفجه مع وحده من جماعتنا و بنفس عمري
صآرلنا أكثر من 3 سنين ويابعض ..
بدايه ماتعرفت عليها كانت تقولي أمي احذري منها , سمعتها مو زينه عند الجمآعه
وأنا كنت أشوف العكس إنها حبوبه و عسل , ليش الناس يتكلمون عنهآ جذي .. وعلى نياتي
كنت أطنش الحجي و تميت معآهآ ..
وإللحين آنآ بـ 12 , ببدآيه السنه يآ وآحد وخطبني عند آبوي , و عشآن كآن له منصب كبير , قآلي أبوي فكري عدل , الريال مايتطوف و من هالحجي .. و هالريال كآن يصير حق وحده من بنآت شلتنآ إللي بالمدرسه
<~ آتمنى فهمتو :d
المهم آنآ ماعلمتم إلا لما صـآر الشي رسمي , وبيوم الملجة دقت علي إللي من جماعتنا
و تقولي جذآآبه ! ويالله يالله طلعت منها كلمة مبروك !
ومن بعدهآ تغيرت علي 180 درجه , صآرت كله تحش عندي عن حموآتي , تنطر مني الزله , وكل شي أسويه تسوي نفسي بالضبط , ولما تسولف تقولي أنا باخذ أخوه إللي أصغر منه , مايصير إنتي تتزوجين وآنآ لآ !!
صبغت شعري , رآحت وصبغت شعرهآ , حطيت تآتو , حطت تآتو , وهالشي كآن عادي عندي

إلا شـي وآحــــــد !
إنهآ كآنت تطعني بظهري و تحجى فيني و أنا يوصلي الكلام ومع هذا تدق علي وأنا والله ما أعرف أتصرف
أعاملها وكأن شي ماصار ×_×
وإهيا نوعا ما غاسله ويها بمرق , مره أبوي شآف تليفون البيت يرن الساع 3 الفير , والناس وقت مدرسه =\
جآن تطلع إهيا بتقولي سآلفه نست لآ تقولي إياها , طبعا تحش عن وحده !! =="
وأنا بس أقول إيي آهآآ لآ صج , أجاملها
وإللحين ماقمت أستحملها , خلآص بنفجر , ماقمت أبلعهآ ..
أدري كثر بالحجي , قولولي شسوي ><"​

 

[Tom ♥ Jerry]

.


انسحبي منها شوي شوي و طلعيها من حياتج
و اهم شي انه ما تقولين لها و لا شي عن حياتج الزوجيه في المستقبل
الصراحه مبينه مو مالت ثقه هاذي و تبين عليها الغيره منج
عشان تزوجتي يمكن !! الله يهديها بس خلي علاقتج سطحيه وياها
طول ما اهيه جذي صفاتها ؛)

 

[لمى الهاجري]

طنشيها ولا تحاجينها

 

[قمر بيت أبوها]

ابتعدي عنها اهلك لااتصلت خليهم يصرفونه ويقولون انك مو هنا ولا نايمه
وسوي حجب حق رقمها خليها تتصل لين تطفش
والسالفه مو غيره هذا سوء أخلاق لا تتبلاك بكره بشي بس عشان ماتتزوجين
ومن الان خلي نظامك معاها (ابعد عن الشر وغني له)

 

[ابـيـض واسـود]

اهم شي لاتسولفين لها عن خطيبج لاخير ولاشر

 

[لحظآتَ]

ابتعدي عنها
بنات هالوقت استغفر الله من تزوج الوحده اما هي تقلب عليج
ولا اللي متزوجه تقلب على صديقاتها
الا من رحم ربي
مدري شفاحه مدري مو شايفين خير !
المشكلة يالله من فضلك شباب هالوقت ما عليهم شفاقه مدري ليش مستعجلين لاحقين عالشقا والله
صج انغثيت لإن مو اول وحده تتشكى من هالسالفه !!


انا من رايي تبتعدين عنها عطيها بالوجه ان يا فلانه انا مليت من هالتصرفات وخلاص بقطع صلتي فيج !!!
ولا تجاملين احد ع حساب راحتج النفسيه

 

[مهندسة الابيات]

حبي حاولي على كثر ما تقدرين توخرين عنها

غيري خطج وبالنسبة لتلفون البيت مثل ما قالووا البنات تصريفه
بس ديري بالج ترى هالنوووعية تحب تطلع حجي حاولي على كثر ما تقدرين توخرين حمووولتج عنها

والله يهديها ويكفيج شرها وشر غيرها

ويتمم لج ربي على كل خير

 

[بنووته تكاانه]

انسحبني عنها شوي شوي وخلج رسمـيه

 

[سكوتي بذوقي]

ابتعدي عنها

الله يهديها يارب

 

[نونه المنكوشه]

ابتعدى عنها لين تقطعين العلاقه نهائيا

 

[bitter-sweetness]

ديري باالج منها!

 

[^^roma^^]

هاذي مو صديقة ..
لان الصديقة تفرح لرفيجتها مو تتحلطم ابي اتزووج يوم ملجتي !!
ابتعدي عنها عشان ما يكثر القيل والقال وتصير مشاكل اجيد
الله يوفقج يا رب​

 

[عادت ذكرياتي]

انسحبي منها شوي شوي مرة تردين وعشرة لا ليما تطفش

الله يهديها ويعينها على نفسها

 

[Fstani]

ميت غيــره منج شدعوه علــيها ! ، وخري عنهــا ولي دقــ لا تردــين وكل ماتبي تكلمج قولي لها مشغــــــوله لين تفج من نفسها

والأهم لا تقولين لها شي عن حياتج مو مـال ثقه أبداً..


والله يوفقــج..




،
،

 

[دلوعة أبوهآ]

دآمك عرفتي نوعيتهآ !!
آبتعدي عنهآ ..
وخلي علآقتك معآهآ جداً سطحيه

 

[Green tea 93]

الصراحة هذه منجب و ما تعرف الاصول شنو تدق على بيتكم الساعه ٣ الفير


و ما تتمنى لج الخير حاولي تنسحبين منها كل ما دقت صرفيها لين تمل و لا قولي لها مشغوله اي عذر ذرب


والله يتمم عليج و يوفقج بحياتج

 

[brettey]

تتكلم فيج وتردين عادي ؟والله اشرشحها وابهدلها

 

[Ms. luxury]

الله يبعد ويصرف عنج السوء يارب

 

[وردة وطني]

ااااب

 

[Mem ilwer3a]

حقريهااا و أنسحبي منها شوي شوي
و لا تسولفين عن خطيبج عند أي وحده من شلتكم
ترى والله يعفسون حياتج
حقرررررررررريها​