مآجهزت ولآ شي

[أستثنـآئيهـ]

حيييل أحآتي هالتجهيز ..
ورب الكعبه أحسه همّ ..

عرسي بآقي عليه خمس شهور ..

وآنآ مآجهزت ولآ شي
مآ خلصت الآ الألمآس وطآير سعره نص المهر طآر عليه :eh_s(16):
مآ أعرف متى أبدي بالضبط ..

لو أنتو بمكآني
متى تبدون قبل العرس بجم شهر ..


أتمنى تسآعدوني
مآدري ليش أحس اني وآيد متأخره ..
يعني حآطه ببآلي آخر رمضآن ببدي مآدري منآسب
والآ مبجر والآ متأخر ..

آنآ ودي قبل العرس بشهر أكون خآلصه ..

يمدي والآ لا

 

[kwait doll]

لو انا مكانج ابدي قبل العرس ب5 شهور
يعني الحين

يلا بلا دلع وشدي حيلج

بالتوفيق

 

[عسوله مطيريه]

اى ياحبيبتى يمدى ونص بس انتى نظمى كل شي ومسكى ورقه وقلم وكتبي الى تبين تشتريينه عشان ماتنسين شي والافضل تخصصين كل يوم لشي مثلا اول يوم عطورات ثانى يوم الميك اب وجذي والعنايه بالبشره والشعر اهتمى من اللحين وان شاءالله اكوون افدتج..

 

[baby qa6wa]

مثل ما ثالت عسوله مطيري
ورقه وقلم وسجلي كل شي وكل ماتخلصين شغله شطبي عليها وهمن الميزانيه حددي لكل شي ميزانيه معينه ماتجاوزينها وكتبيه بورقه

 

[al-7nona]

افضل انج تبلشين تجهيز من ورا رمضان احسن

وان شاء الله يمديج تخلصين اذا رتبتي شغلج عدل



موفقه

 

[أستثنـآئيهـ]

حبآيبي مشكورين ع الرد ..
أممم تنصحوني بعد رمضآن أحسن
؟

 

[كلي لكـ]

نصيحه بلشي بعد العيد على طول
واول شي خلصي قمصان النوم و البجايم ولبس الشقه الشحاطات للبيت و السليبرز
وبعدين الاكسسوارات للبيت
وبعدين العبي والملافع
البدل والدراريع وبدل الاستقبال
وبعدهم الشوز والجناط والساعات و الاكسسوارات

وبعدين الميك اب و الفواحات والزيوت العطريه والشموع
وبعدين العطورات والبخور والمراشات ودهن العود

واخر شي المجموعات للجسم

ولاتنسين قبل العرس بـ 3 شهور خلصي من بدله العرس و المسائيه و بعد بدله احتياط
وبعد قبل العرس بشهرين حجزي التصوير و الصالون
والديجي معاهم
والمسكه قبل العرس بشهر او اقل

وقبل العرس باسبوع او 10 ايام روحي الجمعيه وخلصي اغراض الجمعيه
وقبل العرس باسبوع طلعي كل شغلج ورتبيهم وبخري ملابس و كويهم

ولاتنسين الاجهزه الكهربائيه

 

[هــنــوف]

انا معا كلي لك


الاشياااء الي مالها موضه خلصيها اول وافتكي منها وبعدها تفرغي للتفصااال والعرس

 

[يالبيه 17]

عادي حبيبتي تقدرين تبلشين الحين
وتقدرين تبلشين ورا العيد

يمديج لاتخافين
انا باقي 4 شهور وتوني مبلشه والحمدلله يمديني ويكفيني الوقت

 

[يرخصلك كل غالي]

يمديج وزياده

شكثر اعرف جهزو بشهر واسبوعين

لانهم ماشين ع التنظيم وتسهلت امورهم و جهازهممم روووعه

 

[لمى..]

انا جهزت بشهر واحد
بس كنت كاتبه كل شيييي بورقه وقلم

والحين مرتاحه بالرمضان
وزواجي بعيد الفطر

 

[لمى..]

اما البدله البيضا والمشغل والليزر والذهب
قبل بشهوووور خلصت منهم

 

[شيخه كويتية]

يمديج


حبي


انا شقول لووول ماجهزت الا البدله :$ وجم بجامه

هههههههههههههههههههههههه

خليها ع الله اهو من ناحيه هم هم
بس انتي ان شاءالله راح يمديج

 

[دآنة آلرشآيده]

انصحج بلشي ورا العيد
الحين منو يروح السوق ذبحه وزحمه

الله يوفقج ويسعدج ​

 

[مطنـوخهـ]

عقب العيد علىى طووول بلشي لا تنطرين خلاص ما بقى شي

بس الدراريع والعبايات خليها عقب عيد الاضحى عشان كل شي يكون جديد

 

[L A T T E]

اي عادي بالعكس الوقت كله جدامج

بعد العيد روحي للبلوكات اشتريلج خام ودخليه.. و بنفس الوقت روحيلج مشغلين ثلاث سويلج بدلتين او ثلاث كشخة و دراعة مغربية وانتهينا..

و الابيض خلصيه بعد مع نفنوف الاستقبال او الصباحية..

و باجيلج الذهب و الباجي شغلات بسيطة

موفقة

 

[مشتــآقـه]

ماشالله البنات ماخلو شي وماقصروا

موفقه ياقلبي بس اهم شي رتبي امورج ولاتضغطين عمرج ع اخر شهرين

 

[أميـِـِره]

حبيبتي ان شاء الله يمديج

ابدي بعد العيد علئ طووول و لا تضيعين وقت
ومن الحين ابدي بالخلطات حق شعرج و جسمج تعرفين الخلطات يبيلها وقت

وامشي علئ كلام كلي لك كلامها مقنع

وموفقه ي رب*

 

[لعيون الغالي]

كلام كلي لك صح


ماقصرت


بالعكس في وقت وبعد العيد ابدي

 

[أستثنـآئيهـ]

حبآيبي :*

مشكووووورين

وآيد أستفدت :*

فديتكم