لي متى هالترجيع ؟؟ ساعدوني

[لوفيه]

السلام عليكم

قولولي يحتاج اروح الطبيب ولا مافي شي ..!!

اسم الله على عيالكم

ولدي يرررررجع وااااااايد لمن اعطيه رضعته

يعني مجرد مااشيل المميه من حلجه يصبه كله على هدومه

ويستمر يرجع لي الرضعه الثانيه الله يحفظ عيالكم ويحميهم

كنت اعطيه سيميلاك لعب فينا لعب غيرته لي اس26

شسوي يعني ؟؟؟

 

[c a t w o m a n]

احتمال هم مو طايح عليه


غيريه مرة ثانية واستشيري دكتورج اذا ما وقف لا سمح الله


انشالله مافيه الا العافية يا ربي

 

[ام الحلوااات]

يــمـــكـــن الـــحـــلـــيـــب ثـــقـــيـــــل عــــلـــيـــه ومــــو مـــنــــااااســــبـــه

 

[hooryah q8]

مثل ما قالولج البنات يمكن الحليب مو راكب وياه
روحي الطبيب او استخدمي حليب نان او حليب نوفلاك اخفاااف على معدة البيبي

 

[شادن33]

اذا يرجع كميه بسيطه عادي
ووزنه يزيد بعد زين
لان اليهال في الشهور الاولي لازم يرجعون لين ست اشهور عادي
بعدين يخف

 

[جنى]

حرااااااام وديييه الطبييييب
ولدج مثل ولدي الله يحفظه وديته عند د وائل في السلام ما شاء الله عرفله و عطاه دوا حق اللوعة
تخيلي ترى ولدج على طول تقلب جبدة .. ما تسمعينه يطلع اصوات من حلجة ؟
ولدي ولدج قبل موعده ؟
لالن المرئ عند بعض الاطفال بعده ما اكتمل فيرجع الدوا
ولدج فيه ريفلكس http://www.babycenter.com/0_reflux-and-gerd_10900.bc

اقري السايت
و عفيه ودييه الطبيب ترة هذا الشي مو سهل و تتهاونين عنه بعدين ماراح يزيد وزنه اسملله عليه
انا وديته الاميري و اكتبولة دخووول !! تخيلي من كثر ما الريفلكس شي كبير
خفت و خذيته السلام عند د وائل و اللهم لك الحمد و الشكر بعد فترة قريب الشهرين صار الترجيع اقل من قبل الحمدلله
و الترجيع راح يخف بروحه مع الادويةو لما يكبر و يبدي يقعد ان شاء الله

 

[لوفيه]

واااي يمه ولدي

انا شكيت بوضعه قلت اذا استمر علئ هالترجيع

ماراح يتغير وزنه اسم الله عليه

مشكورين اللي ردوا جزاكم الله خير

جنى حدج وقفتي قلبي ان شالله اروح اراجع فيه ويكون سليم وبصحه وعافيه يااااااارب

 

[noha33]

وديه دكتور (((((((((شوقي موسى)))))) بانترناشونال كلينيك السالمية وايد شاطر دكتور لبناني كبير بالعمر وفهمان
بس انتي ليش ما ترضعين طبيعي؟
ولما يرجع الحليب يصب من حلجه ولا يكون الترجيع مع ضغط للسائل باندفاع (نفس الهوز يعني)
لو يرجع على جنب بس الحليب يسيل من حلجة هذا من الغازات لما تطلع لي فوق يطلع الحليب وياها ولدي جذي
أما إذا كان الترجيع يكون مع ضغط يعني تدفق قوي فهذا ارتجاع
الدكتور علمني ان بعد الرضاعة خلي الطفل على مخده عالية مدة لربع ساعة بعدين تبدأ عملية التجشؤ لإخراج الغازات
وهم ملحوظة الأخت مهمة تابعي وزن الطفل يزيد ولا لأ
ما يشوف شر

 

[!! شوق !!]

لازم تودينه للدكتور يشوف اذا عنده ارتجاع يعطيه علاج

وفيه حليب مخصص للبيبيات اللي يرجعون

مايشوف شر

 

[M&Ms]

اذا وزن الياهل قاعد يزيد عادي بس اخذيله حليب مكتوب عليه للترجيع في وايد انواع اكو ابتاميل و نوفولاك وبيبلاك انا ولدي كان جذيه بس وزنه نقص فطلع يحتاج عملية . شكثر صارله ولدج يرجع وجم عمره الحين ؟

 

[لوفيه]

عمره ٣ شهور وصارله تقريبا اسبوعين هذي حالته

حبيبي الله يطمني عليه

خليتوني احاتي والله ��

 

[M&Ms]

انشالله مافي الا العافية ودي طبيب وتطمني وترى عادي اغلب اليهال يرجعون انا وديته غير حليبه بس ماكو فايدة فسويله سونار احسن اذا المعدة مافيها شي لا تحاتين معناته طبيعي

 

[ام ميدوتي]

السلام عليكم اختي عندج دكتور محمد سعيد بوشهري كلينك اكثر من رائع واذا مسافر عندج دكتورة ماريا كوتينا بالسلام وانشالله ما فيه الا العافية بس ظروي تودينه الطبيب الترجيع قاعد يعطيج إشارة على وجود خلل ما

 

[washwoshh]

اذا توا صارله اسبوعين يعني من الحليب جربي نان وايد زين

 

[ام اغلى الناس]

يمكن فيه ارتجاع نفس ولدي
وديه ل د فهد الخيزيم يشوفه
واقري مواضيعي عن معاناة ولدي والترجيع

 

[نـعـومـه]

اس 26 نفس طقه


روحي طبيب احسن لااازم موزين يمكن وزنه ينزل

وابتاميل اخف شي

 

[انثى الكويت]

حبيبتي مو كثر بنتي تقريبا شهر ترجع نافوره

شسويت رحت السلام الطوارئ شافها الدكتور

قالي عضله معده بنتج قويه والحليب ثقيل فترجع بقوه

والحل عطاني دوا اعطيه ياها قبل رضعتها بنص ساعه ٣ مرات باليوم

طبعا حليبي سيميلاك ويييع ثقيل مانصح اي وحده فيه حتى لو ماشي مع البيبي

عطاني نوفيلاك مكتوب عليه لحالات الارتجاع

ظليت استخدم الطوا اسبوعين والحمدالله مارجعت ووقفته

ومره رجعت جان ارد اعطيها ياه لمده يومين

وقالي الدكتور اهم شي تتريع بين الرضعه تعطينها مثلا ٤ ارقام رقمين وتريع وترد تكمل الباجي

التزمت فيها يومين لان مجرد ماشيل المميه ماترد تشرب الباجي

قمت اعطيها كل المميه بس اخليها تتريع

وقالي نوميها على مخده ترفع راسها وظهرها بمستوى واحد

رحت شريت كوشيه ضعيفه عشان لا تاذيها من سنر بوينت


ولله الحمد هذاك يوم وللحين مارجعت وغييرت لها الحليب خذيت لها نان لان خفيف

اذا في نان لحالات الارتجاع فاخذيه


لا تخافين وديها عند دكتور


وطبعا ارشح لج دكتوري المفضل الفاهم محمد سعيد في بوشهري كلينك

عيبه مراجعته غاليه ٣٢ دينار وماكو حجز بالتلفون الا تروحين وتدفعين وتحجزين

انا بالطقاق عندي المهم محد يكشف على بنتي الا واحد شاطر


سوري قرقت وايد اتمنى اكون ساعدتج

 

[om Firas]

البنات ماقصروا لا تحاتين الترجعي طبيعي
بهالسن والله يطمن قلبج عليه

 

[دلع86]

انا ولدي كان جذي يرجع كل الي يشربه ويطلع مع خشمه بعد بس قال الدكتور عادي عطاني حليب تركيبه خاصه للارتجاع وكل مايكبر الياهل راح يقل الترجيع يعني لمن يكمل 6 لي 9 شهورر نفس حاله ولدي والحمدالله على كل حال