لي متى اصبر تعبت معاه شوركم وهدايه الله ؟؟

[فتون7]

السلام عليكم ورحمة الله وبركاته


بنات انا متزوجه من زمان وحياتي مع زوجي من احلى حياه مستقره واثنينا نحب بعض والحمدالله مرتاحين مع بعض بس من حملت وولدت تغير علي خاصه بعد طلعتي من النفاس سوري عالكلمه صاير فيه بروووووووووود بشكل موطبيعي ولا عاد يهتم ولا يداريني مطنش فيني مهملني كاشت فيني مخليني انا والطوفه سوا بنات انا تعبت معاه كل مره افهمه يقول عاااادي لي متى يعني انا بصراحه ماتحمل حياه اهمال جذي من ناحيتي انا كلش ماتغيرت بالعكس مهتمه فيه ومومقصره معاه ودايم انيقه بلبسي وبشكلي وبيتي دوم نظيف ومبخر بس فجاه بصراحه صدمني تكفون شالحل وياه نفسيا وجسديا تعبت منه صايره كلش ماطيق حياتي بسبته وبسببة البرود اللي فيه​

 

[ام فهود وشهود]

الله يعينج حبيبتي
قعدي معااااه وصارحيييييه وقولي الي بخاااااطرج
وعسى الله يسخره لج

 

[لمى الهاجري]

عفوا بس يمكن عندج توسع من تحت

 

[ليل السفر]

لمى استحي على ويهج

 

[Pinky -cat]

لا حول ولا قوة الا بالله حبيبتي هدي روحج وتعوذي من ابليس اي علاقة تمر مرحلة برود هاذا شي عادي بحكم الروتين
والتعود عندي لج فكرة حاولي تغيرين مكان اثاث البيت تسوين شي يديد فيه ، تيبين موفي حلو وتسوين سهره حلوة

تلبسين شى يديد ما لبستيه قبل، تغيرين من طريقة كلامج او اسلوبج بس بسنع وشوفي النتيجة

 

[لوفيه]

بنات قليلات ادب



حبيبتي صاحبه الموضوع
كلميه اهو الوحيد اللي عنده الاجابه
واذا ماقالج شفيه .. وكلي امرج لله
الله يفرج همج

 

[-فلانة-]

عفوا بس يمكن عندج توسع من تحت

يرحم أمج مو متزوجة وتتكلمين جذي؟!!!!
وتقول عفوا بعد يعني مؤدبة :eh_s(14):
خلي عندج حيا شوي لوعتي جبدي..

صاحبة الموضوع..
كلمتيه؟؟ قعدتي معاه؟؟ صارحيه وقوليله باللي مضايقج و خليه يفتح قلبه لج و شوفي شفيه، يمكن في أشياء مضايقته فيج وإنتي غافلة عنها..الله يريح بالج حبيبتي..
​

 

[منال $]

لمى..؟
خير ايش فيكي


صاحبة الموضوع
عادي كل اتنين بيعيشوا سوا الا ما تيجي مرحلة فتور بينهم هدا من روتين الحياة
لاتحاولي تضغطي علية كتير انت ما بتهتم انت ماتسال
اشغلي نفسك باي شي
وخلية يساعدك بأكل النونو وبكدا راح يصير في اخد وعطا بينكم

 

[P!NKia]

اتوقع هذا شي شخصي
وشي بينج وبين زوجج تكتبينه جدام الكل والكل يشوفه
عادى عندج ؟؟؟؟
انا مستغربه من البنات اللي تحط مشاكلها الشخصيه وخاصه مواضيع حساسه وخاصه هني
ماقول الا الله يستر عليكم ويهديكم
ويهدى زوجج لج

 

[فتون7]

حبيباتي انا ماكتبت هالموضوع الا ابيكم تساعدوني فيه يقول عادي

 

[فتون7]

يمكن تعود عالوحده يوم طلعت نفاس

 

[FJ style]

فتون حبيبتي عاااااادي طبيعي
انا طالعه من النفاس من فترة والاخ بالضبط نفس زوجج
تعودو عالوحدة وجابلو ربعهم وطلعاتهم
فالبيت والبيبي اليديد وووو كله مزعج بالنسبه له
وترى اغلب رياييلنا جذي مالهم خلق البيت ونص حياتهم برا

لو تلفين الدنيا وتصعدين سابع سما وتردين ماراح يتغير

سئلي مجرب
المهم

انتي حاولي تلهين نفسج وطلعي وزوري ووو
سوي حركات بالبيت
يعني انا ما اقدر اجذبه للبيت الا بفناتق والا ما اشووف رقعة ويهه مولية
مثلا جهزت فراش للمساج وشموع وووو وصورتهم ودزيت له بالوتس اب ومع كلمات حلوة
دقيقتين الا هو عندي

مرة لبست لبسي كامل وتكشخت ووو
وصورت بس ريولي بالهيلاهوب المشخل والكعب ودزيتها له
دقيقتين الا هو عندي

مرة حطيت فناتق بوب كورن وناتشوز وبيبسي وووو وجهزت فيلم وصورت له القعده

يعني انتي وافكارج اللي تجذبه

ترى الملل مو بس يحوشنا حتى الرياييل طبعاااا يحبون التغيير ديري بالج لا يغير بشي ثاني لوووول
جذبيييييييه بطريقتج
وغيري حتى بالاساليب الخاصه بالفراش تعلمي فنااااتق وحركات احم احم

 

[مسكـ]

اتوقع هذا شي شخصي
وشي بينج وبين زوجج تكتبينه جدام الكل والكل يشوفه
عادى عندج ؟؟؟؟
انا مستغربه من البنات اللي تحط مشاكلها الشخصيه وخاصه مواضيع حساسه وخاصه هني
ماقول الا الله يستر عليكم ويهديكم
ويهدى زوجج لج

!!!

ماعندها احد تشكي له فجت هنا تشكي مشكلتها تبي لها حل

صاحبه الموضوع

هذا شي عادي وطبيعي
بس حاولي انك تغيرين من اسلوبك او لبسك:eh_s(17):

 

[أأأحبه]

لو ع مزاجنا
المفروض التغيير يجي من الرجال
لان بعد الاربعين حنا الطالعين من تعب وفتره كئيبه
وبذات اول بيبي
بس دامنا متزوجات ابو سروال وفانيله
ابتدي انتي غيري الاجواء وجددي بجلستكم
بس هم حاولي انك تطلعين وتروحين وتغيرين جووو
ولا تركزي ع هالمشكله علشان ماتتوتر اعصابك
لو مانفع كلميه بس بشرط بهدوء وحنيه وحسسيه انك اشتقتي لحنانه وللاشيا الخاصه
وانك مولعه تبيه. ومن هالكلام

 

[لعشقي روآيه]

زي ماقالو لك..حبيبتي شيء طبيعي هذا..ويبغى لك تصبري لين يتغير..الله يعينك..

 

[امـ خــزامـى]

انا صارلي نفس الحاله
انا تخيلي طلعت من النفاس وربي البيت شهر كامل مالمسني

طبعا كنت خلاص بنفجر وشدعوا عاد لو لمسني مرا كان شكيت بنفسي قلت يمكن ماهتميت بالنفاس زين
ويمكن ويمكن
لكن هذا ماجرب يعني وش سالفته اكتئبت وضاق صدري
وبحثت بالنت وصار كثير نفس الوضع يصير فيهم برود
بس انا طبعا ماقرريت نفس حالتي وصبرت والحمدالله تعدل عقبها

بس الصراحه للحيييييييييييين بخاطري

والله يكون بعوننا عليهم

 

[زوجة عزيز]

الله يسخره لج

 

[فوفو22]

صاير فيه بروووووووووود بشكل موطبيعي

اذا تقصدين برود جنسي بعض الازواج بعد ولاده زوجاتهم تصيبهم حاله مؤقته من البرود

اذا البرود العاطفي فهنا دورج تجددين وتنعشين الحب ....

فغالبا ما يصير فتور بثاني سنه زواج

تروح السكره وتجي الفكره وتكثر المسئوليات وتكبر

فيضطر الطرف الاضعف الى الهروب باي طريقه

بالطلعات ....بالنوم....بالتعبير بهالضيقه بالاهمال بالزوجه والعيال

الحل بيدك

فوفو

 

[دلوعة أبوهآ]

آلله يسخر قلبه لكِ يارب

 

[A7LA TOOFEE]

ماقصروا البنات