لي شهر نفاس ولكن؟؟؟؟؟؟؟

[الروح كالريحان]

السلام عليكم ورحمة الله وبركاته
شلونكم كويتيات؟؟
بنات مثل ماهو مكتوب بالعنوان لي شهر نفاس
ومازال ينزل مني دم وماطهرت
الدم شوي مو واجد ؟؟
انا مستغربه
طيب متى اطهر يعني؟؟
هل فيه شي يساعد اني انظف بسرعه؟؟
طيب حبوب منع الحمل هل صج توقف الدم وتمنع اخت الاربعين؟!
وشنو افضل نوع من تجاربكم وطريقتها؟!
وجزاكم الله خير ،،

 

[مرت الغلا]

ماعندي علم بس انا لما اجهضت وكنت بالشهر الخامس
قالولي مثل النفاس انتي
تم ينزل علي تقريبا اكثر من ٢٠ يوم بعدين نقط بنيه او بيجيه
ليما نزلت دوره اخر النفاس مع طلعتي من الاربعين وعقبها باسبوع هم نقط علي يومين
واختفت والدوره الي وراها انتظمت الحمدلله
عادي ترى هرمونات من الولاده وانتي يمكن ترضعين هم ياثر ترى

 

[اللهم الجنة]

شي طبيعي بس اهتمي بادويه النفاس وحبوب المانع تقطع الدم وماينزل الا لما تتركينها بس المفروض اخر الاربعين تاخذينها مو الحين

 

[الروح كالريحان]

يعطيكم العافيه
زين حبيت اسال الخياط الداخلي للحين ماطاح
وبعد احس عندي منطقه شق العجان وفتحتة الشرج احس فيها عوار
ولما اضغط عليها هم احس بعوار بالعضله مالتها
هل هذا شي طبيعي؟؟
ولما اطول قاعده ع مؤخرتي " عفواً"
احس بعوار يمتد لين العصعص

 

[Aloe Vera]

عادي انا نوعي انظف بحدود ٤٠ يوم

و اذا في عوار جيكي مع الدكتورة وايد مهم

 

[M!SS.LOBY]

الله يسهل عليج

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[M!SS.LOBY]

استغفرالله

استغفرالله

استغفرالله

 

[اللهم الجنة]

عاادي مايطيح الخياط الا بعد ٣٥ يوم وتعب الولادة بعد اكثر من شهر يالله الجسم يرتاح

 

[أم حسوون]

السلام عليكم ، أنا ما أطهر طول الأربعين وبعد الأربعين ما يمديني الا أخت الأربعين جايتني، بس حبوب المانع تاخذينها آخر الأربعين راح تنزل أخت الأربعين بسرعه وبعدين تنظم دورتج وإذا أنت ترضعين أخذي حبوب المانع مالت الرضاعة معروفه تلاقينها بالصيدلية .

 

[الروح كالريحان]

بنات امس رحت لدكتوره وقالت حبوب المانع مايصير اخذه بالاربعين
لازم انطر الاربعين تخلص وتنزل علي دورة الاربعين
بعدين اخذها اول يوم دوره بعد الاربعين
قالت عشان متلخبط هرمونات الحمل
بس المصيبه لو صار جماع بعد الاربعين
شلون ع الحمل وانا مو ماخذه مانع؟؟

 

[امـ خــزامـى]

انا عكسك مارح اقدر افيدك
انا اتذكر اسبووع نزل دم بس والباقي وسخ ربي يكرمكم

بس مره وحده قالت لي الدم ينزل كل النفاس يكون عندها مشكله فقر دم