لييي متى هالنفسية بنات تعبت قمت اتهاوش على تفاهات مع ريلي وااي ببجي

[اخت خالتهم]

السلام عليكم ورحمة الله وبركاته

بنااات تعببببببببببببببببببببت
لي متى هالنفسية لا يكون لييي التاسع
ما بقى شي ما تهاوشت عليه و اخرها امس تهاوشت على سينما
امبيييه قلت بقعد عند اهلي يوومين اريح

مابي اتهاوش اتعب
حتى مع نفسي اتهاااوش ليش جذي ؟؟
متى تخلص هالفترة وراي امتحانات ورا العيد وبس احاتي
و مساك كرمكم الله و حاااارج و جسمي يعورني وما احب الاضااءه وابي هدووووء وابي البرد تعبت تعبت خلااااااااااص​

 

[M!sS_D!oR]

السلام عليكم شلونج ,, ان شاء الله ترتفع نساتج وتروح النفسيه طولي بالج حبيبتي وهدي اعصابج هذا شي عادي اهم شي نسقي شعورج يعني حطيلج وقت تدرسين فيه وماتعبين اعصابج وريلج طولي بالج عليه لانه بس فتره وتعدي على حسب يمكن اسبوعين او اربع وعسى ربي يوفقج ويسهل عليج ودايما فكري بالاشياء الحلوه ولا تعطين اي موضوع اكبر من حجمه دامج تتوحمين والله يعينج يارب ,, سهالات ان شاء الله

 

[حرم_الغلا]

.... عــااادي حيـاااتي ..بــس هالفتــرهـ لــي الــراابع ويــرتفــع الــوحااااام,, واللــه يسهــل عليــج حملـه ولادتــه

 

[فاقده ابوهاااا]

عيل لما تدشين التاسع اشراح تسوين البلوه مو من النسات البلوه من الضيجه والارق الي راح يحوشج بالتاسع مثلي من يومين طايحه هواش معاه على اسباب تافهه يعني امس قاعد بالحديقه نزلت قلتله اصعد فوق مابي اقعد بالحديقه وتأخر علي 5 دقايق صعد ولا ابجي واصارخ واتهاوش معاه ليش تأخر اي شي ادري بس انا صايره نجريه واليوم اقوله لا تروح الدوام يقوليما اقدر دوام وملتزم فيه تخانقت معاه حتى على الاكل صايره اتناجر ابي اي شي واي سبب علشان اتناجر ما ادري هالشي من الخوف من الولاده او حاله نفسيه تمر فيها اي حامل بشهرها الاخير اوشنو بالضبط

 

[Judy . abbot]

انا جذي مع ريلي مالي خلقه مسكين كلش
وكلا تعبانه وبس ابي اتهاوش ادور الزله او ودي اطلع حرتي باي احد

تهقوون هذا مال النساااه

 

[M!sS_D!oR]

فاقده ابوها هاللي يصيرلج مر على الحوامل كلهم لانه ينتظرون الولاده واخر شهر يمر بطييئ وثقيل معروف سبحان الله طولوا بالكم ودايما فكروا ما بعد التعب الا راحه هونها الله يصبركم ان شاء الله

 

[اخت خالتهم]

وااي هديتوووني يعني مو انا بروووحي صج تعب
اليوم امي بعد عمري بطلعني تبيني استانس
ماتدري امس طالعه مع ريلي و تهاوشت معاه عشان قال ما يبي الفلم اللي انا ابيه و ردينا البيت ههههههههه وااي مينونه صايرة

 

[أعشقه]

عادي تحملي تصير الى الشهر4 وثمن تخف باذن الله

 

[love u 4ever]

الله يهون عليكم طولوا بالكم .. ومسكوا اعصابكم قد ما تقدرون خو مالهم ذنب واعليا ..

 

[La t7atini]

هههههههههه ياحلوج يالدلوووعة

تو الناس ياعمري بتمر عليج ايام دموعج ماتوقف
وع شنوو ماتدريين

اهم شي طولي بالج ووسعي صدرج وهلي ذكر الله
ع لساانج واسمعي قرآن وااجد انا هذا الي يخفف
علي

وللحين مستمره معاي النفسيه والغلقة والضييقه
ومحد يحس بالحر ويتأفأف غيري ههههه


الله يعينج ويتمم عليج بصحة وعافية

 

[! بــدويه وآآيــد !]

،


حبيبتي انا ماجربت بس الي اعرفه النساة تسوي جذي واكثر
وقولي لـ زوجج ان هذي نساة حرام لاتضايقينه ويحط في باله انج صرتي نكديه
الله يسهل عليج حملج وولادتج ودراااستج ياااارب

 

[اخت خالتهم]

حبيباتي مااا قصررررتووا


لا تحاتيني
هههههههههههه اي حددددي دلوووعه على فعايلي هذي

بدوية واايد
حياااتي انتي يدري انها نساة
بس انا اللي تعبت و اهوا بعد حرام
ابي طريقة اضبط اعصاابي

 

[ام الحلوااات]

حبيباتي مااا قصررررتووا


لا تحاتيني
هههههههههههه اي حددددي دلوووعه على فعايلي هذي

بدوية واايد
حياااتي انتي يدري انها نساة
بس انا اللي تعبت و اهوا بعد حرام

ابي طريقة اضبط اعصاابي​

​

تـــــعــــــــــووووذي مــــن االــشـــيـــــطــــــــااااان
وذكــــــــــــــررري ربـــــــــــج واســــــتـــــغـــفــــــــــرررري واااايـــــــــــــد
واللــــــــــــــه يــــهـــــــــــــوووونـــــهــــــا عـــلــــــيــــــج​

 

[عروسة خالد]

هههههههههههه ذكرتيني بنفسي اول الشهور مو طاقيه هدومي الي علي
وكله نايمه والنفسيه زفت وادور الزله وعلى ادنات الدون ابجي
كرهت شقتي وريحة الاكل صدقني من تعدين الثالث يبدا يخف كل شي
بس الحمد الله الحين مضبطه العلاقات معاه كسر خاطري ثلاث الشهور الاولى حدي كاسره في​

 

[Melazlaza]

بنات تدرون ان الدراسات اثبتت ان المرأة تكون بقمة سعادتها اثناء شهور الحمل وانها تكون باسوء نفسية مابعد الولادة
بس انا الي اشوفه بالكويت العكس لووووول
حبيبتي انا اول حمالي جذي بس عاد مالي شغل بالريال اعصب عالناس او على نفسي بعدين اقنعت روحي ان صج هذي اروع مرحلة ليش اقضيها بنكد فقمت اطلع واتمشى واستانس واغير جو والحمدلله صرت اوووكي
احنا نقنع نفسنا بهالشي ترى
استانسي الحمل روعة وفي بيبي اباحشائج ينبض وباجر تحسين برفسات وبكسات
اقري كتب عن هالفترة وشغلي نفسج بالدراسه
ترى الفراغ اساس كل مشاكلنا يا البشر !!

 

[ام عثومي]

خلاص لا تقابلين زوجج واجد اشغلي نفسج بأي شي ترا بعدين يعايرج يقول انا متحمل نفسيتج بالحمال
اطلعي مع اهلج وغيري جو واذا عندج هوايه سويها واذا قابلتيه قابليه وانتي مرتاحه

 

[انصاريه قمره]

عيل انا اللي ما استحي كل يوم مناجره الريال صج اهوو يغلط بس ما يستاهل اللي اسويه مسكين امس شاريلي اي فوون خذيته وعصبت علشان ما فيه برامج وقعدت اصارخ جني هبله صراحه نقدت على نفسي واول امس شاريلي عطر نفس الشي لساني شطووله اليوم امي نرفزتني دقيت حطيت الحره فيه مسكين
اسوي اشياااء ما اقدر احكم نفسي ولا اضبط اعصابي ولي استوعبت اندم
بس بنات ما انلام يعني عندي بنتين صغااار الله يخليهم الكبيره سنتين 3 شهور والصغيره توهااا مكمله سنه ولا شغاله ولا شي وما عندي اللي يساعدني والثقل ذابحنيييييييي وبناتي مشالله عبثييين مطلعين عيوني ما يمديني اقعد عالغنفه منهد حيلي ارتاح الا بنتي الصغيره عند البلاكااات واقوم اركض هذا غير الحنه شي مووو طبيعي 24 بجي وحنه انشالله لي ولدت هالبيبي يكون غير لانه جد تعبت من الحنه والرنه




الله يعيناا ويعين كل الحوااامل

 

[اخت خالتهم]

صاجة والله لازم نستانس بهالفترة ..

 

[روح مووود]

الله يعين على الحمل انا من وجهت نظرررى النفسيه الزفت من فى التسعه الشهور كلها
ولا بعد بعد الولاده اخس الله يعين بسسسسس انا مجربه بى بنتى الحمل نفسيتى ززززفت وبعد الولاده ازفففت
مدرى متى نرتااااااح والحين حامل ونفس يتى الله اعلم فيهااا الله يعين بسس

 

[لهفة المشتاقه]

حبيبتي الكل مره بحالتج والحمدلله علي كل حال بس حاولي تمسكين نفسج حيل نص ريايل مايحبون المره اللي تتهاوش كل شوي