ليلة رومانسية ،، ليلة بطيخيه ،، ليله مداري شنو ،،، ابي افهم متى

[غربة الروح]

تكفون فهموني
اذا الرجال مايرد البيت لين صلاه الفجر وان ذبح نفسه يجي 2 او 3 هذا اذا مزاجه هذاك الشي

ابي كلمه ابي مقدمات ابي يطول باله شي تقولون مقروص

ما يطول باله اللاعلى ربعه والوناسه

متى اقدر أسوي مساج أفاجأه بليله غير والأخ باله مو معاي ما عمره قال امشي نطلع نتونس واللا عازمج على عشا


هذي رابع سنه بيننا ما اعتقد وصل مرحله الملل من علاقتنا

قسم بالله تعبني

 

[قلب طفـــله]

هذا طبعه بعد شتسوين الريال المتزوج المفروض يعدل بين مرته وربعه بصراحه مب مراهق يسهر للفجر !!

مالج الا انج تسوين المساج وغيره الظهر بعد شتسوين

الله يهديه

 

[قطرية كشخة]

امممممم وهو مع ربعه طرشي له رسالة فيها كلام حلو مثل حبيبي اليوم انا مسوي لك مفاجاة تعال على الساعة كذا او وهو طالع حطي بجيبه ورقة تكتبن فيها انج بتسوين ليلة

 

[De La]

استعيني بالله والصدف احلى من الليالي الرومنسية

 

[Royof]

عااااادي كل الرياجيل الحين جذي الله المستعااان بسسس


ادعي ربج

 

[Aloe Vera]

سويله مساج بالنهار شي بسيط ايد او ريول
و اخذي دورات مساج اون لاين و تعلمي و حسسيه انج حابه هالشي و تستمتعين فيه
دلكي عيالج جدامه شوقيه ان يطلب منج و بعدين حددي معاه الوقت و اجذبيه بالطريقة هذي بشكل غير مباشر
خليه يتحسف ان عندج هالمواهب و اهوا مو مستفيد

الله تشوقت اتعلم اسوي مساج اصلي

 

[Dream2013]

نفس المشكله نفس المعاناة
الشكوى لله شنسويلهم بعد

 

[غربة الروح]

مشكورين خواتي اللي ردوا

بس والله صعب التعامل مع الرجال اللي عائلته اخر اهتماماته

يعني واحد يبدي ربعه ووناسته على مرته وعياله هذي بالله شلون تجيبين راسه

وهل يستاهل اساسا تتعبين نفسج وتفكرين فيه وشلون ترضينه وتسعدينه

أنا ودي اعطي بس مليت أنطر واسهر لين حضرته يشرف البيت

بس ما عمره رد البيت وهو فيه طاقه ،، يرد على اااااخر نفس​

 

[حكآية قلب]

شوفي في رياجيل مايحبون هالشغلات و هم فيه رياجيل القميص اخر اهتماماته

وفيه نوعية تبي تخلص الشغل ماهمها شنو تلبس و تسوي


انا ماسويت ليلات مرات اقولة ترا مليت ابلبس حق نفسي عادي


الرجال اهم شي مرته نظيفه و ريحتها عطر تثيرة وبس

 

[Abraaj]

سوي كرت دعوه ! وحطيه بمكان بارز يشوفه !

وبالكرت كتبي يوم ومكان ووقت العزيمة !

جربي


أو قوليله باجر انا معزومه عشا.. اذا قالج من وين ؟ .. قولي مادري حبي المكان اللي انت تختاره بما انك صاحب العزيمة

 

[pinky_3soola]

سلام عليكم حبيبتي

حيااتي أنا فهمت من كلامج أنج موو مقصره معاه بولا شي ماشالله علييج

يعني أنتي تجهزييله و تسوييله بس أهو اللي ما يعبر

ماشالله علييج و بنفس الوقت الله يهدي زوجج

أنزين عيل إذا جذي ليش ما تعيشين عمرج و حياتج مثل ما أهو مسويي

طلعي مع اهلج و رفيجاتج و عيالج غيريي جو و استانسي

تقدرين تدخلين دورات تفيدج أو ممكن تسوين بزنس )business) خاص فيج قظي وقتج

أو ممكن تغيرين من روتين حياتج يعني روحي صالونات أهتمي بنفسج أكثر سوييلج نيو لوك صبغاات قصة شعر يديده أشياء يديده جربي عيادات التجميل أي شي بس أنح تكسريين الروتين و تجربين شي مو مجربته من قبل شي ما يطري على بال زوجج شي تخليى يتفاجأ

مكن زوجج يلاحظ هالتغيير اللي صار بحياتج و تشجعينه أنه يغير من حياته

أو ممكن يلاحظ النيولووك اليديد اللي عليج تخليه بنسى ربعه أو يتحمس حق الليلات اللي راح تضظبطينها

قمصان نوم يديده شي مو شايفه عليج أو ستايل مو متوقع أن يشوفج لابسته مثلا

و بعد ما تصير هالتغيرات الجذريه بحياتج جربي أنج أطرشيله مسج (خلي المسج يكون بوقت متأخر يعني عالساعه 12 أو 1 أو 1:30) في كلاام مغريي و جريء مثلا و تدعينه حق ليله رومانسيه أو ليله مساج .. و أنتي تكونين جاهزه و ناطرته و مستعده حق هالليله (حاولي تنامين العصر مثلا عشان تقدرن تسهرين و تنطرينه)

و مو شرط ان يصير معاشره بهالليله ممكن تسوييله مساج حق كل جسمه ليمن ينام أو ممكن أني تداعبينه بس لمن ينام .

و جذي تكونين كسرتي الروتين أن شالله .

الله يحفظج و يبعد عنج عيال الحرام و يوفقج بكل خطوه بحياتج

 

[Combat]

الحين اهو مقصر وبتسوين له مساج؟

 

[marwa99]

موضوع رائع وجميل فهناك رسائل حب جميلة جدا مثل تلك الرسائل الجميلة ويجب ان تكون بين المتزوجين فقط حتى لا يقع الشباب والفتيات فى الفتن
حد يحلق عشان إنت بتحب شعره قصير، ويقولك ننزل نعمل شوبيج سوا عشان كل حاجة يكون لابسها تبقا عجباك.
حد يقولك إنتي قد إيه حلوه لما في يوم تنزلي مستعجله من غير ميك آب، حد يفتكر الحاجات الحلوه إلي الناس قالوها عنك وبسطتك ويفضل يفكرك بيها كل شوية.
حد يفكرك بكل حاجه حلوه فيك لما تنسى نفسك، حد يحبك لما تكره نفسك.
حد يبعتلك الصبح يفكرك تلبس تقيل عشان الدنيا برد، حد يسيبك تعديله الليڤيلز الصعبه في كاندي كرش.