ليش يا كويتيات؟

[ام حنااين]

استدرج 5 ذئاب بشرية من غير محددي الجنسية مواطنتين (17 و21 عاما) الى شقة بمنطقة حولي عن طريق الحيلة واعتدوا عليهما بالضرب وهتك العرض وسلب ما كان بحوزتهما من نقود،
------------------------------------------------------------------------------------
كسر شابان سوريان شروط ثلاث فتيات ليل بعد ان اتفقا على ان يقضي كل واحد منهما ساعة «كلاسيكية» مع من يختارها من الثلاث مقابل 40 دينارا ولكن ما حدث ان الشابين فقدا عقليهما ووقع اختيارهما على فتاة واحدة كونها لم تتجاوز الـ17 عاما وقررا اغتصابها سويا ثم صوراها وطردا الثلاث الى الشارع!!

( مواطنات كاتبين في باقى الخبر)
------------------------------------------------------------------------------------

الاخبار هذى وردت في نفس الجريدة وبنفس العدد

وكل يوم نقرا مثل هالمواضيع

الله يستر علينا وعلى بنات المسلمين

ممكن تقولون هالموضوع مع المشاكل الاجتماعية

لكن حطيته بالمناقشات بسبب تساؤلاتى عن هالموضوع:

1- شلون تتجرا البنات تطلع مع الشباب للشقق؟

2-- وين اهلهم؟

3- شلون اضمن ان صديقتى او وحدة بخطبها لابنى او اخوى ما تكون مثل هالبنات

خاصة ان هالامور الشرطة تسلم البنت لاهلها يزفونها مع طراقين وثانى يوم عادى ولا احد درى عن شي.

انتشار هالاشياء بمجتمعاتنا شي خطير وربنا يستر

 

[طويت صفحة الماضي]

اول شي هذا يرجع على تربية الاهل وثانيا خوف البنت من ربها ضعف الوازع الديني استغفر الله لله يستر علينا وعلى امة محمد

 

[ام الدرر]

الله يستر على بناتنا وبنات المسلمين​

 

[ام حنااين]

شكرا على مروركم والله يثبتنا على دينه ويهدى بناتنا

 

[تذكر خافقي رمحك]

اصابع ايدج مو سوا
شكثر بنات فبيت اهلهم متربيات واخلاقهم ماكو عليها
والصايعات فئة قليلة حيل
بس الجرايد حسبي الله عليهم وين الاخبار الشينة يحطونها
طبعا مع زيادة بهارات

 

[زينة الشرق]

أعوذ بالله
يارب تحفظنا من كل شر

 

[أم توتو]

دايما الجرايد تحب تبالغ بالخبر الله يستر علينا وعلى بنات المسلمين

 

[ملح و سكر]

ثنتين او ثلاث او خمس اوحتى عشر هذا مايعطى ان البنات الكويتيات كلهم مو زينين ...هذى فئه قليله جدا .....

الحمدالله بنات الكويت على خلق ودين مايسوون جذى ....واكيد مثل مافيه الصالح فيه الطالح بس الطالح اللى عندنا لايذكر ...والله يستر على بناتنا وعيالنا من هذى الفئه القليله .....واللى مستحيل تشوه بنات الكويت او تلوث من سمعتهم .....

ومااقول غير الله الحافظ

 

[ميما الاموره]

الله يستر على جميع بنات المسلمين​

 

[كارلوفي فاري]

الله يستر علينا بستره

 

[جولينار]

كل ديرة فيها الصالح وفيها الطالح


والله يجنبنا الفتن ماظهر منهاا ومابطن

 

[منو انت]

اللـه يـستـر على الجمـيـع بس انتي بكلامج هذا تجمعين ومن متى 2 او حتى 4 يمثلون الكويت كلها وعلى فكره هالشي يصير بكل ديره والواحد مايعرف شنو يقول غير الله يهـديهم ويصلحهم

 

[الغلا كله لبوي]

:eh_s(7):

كل ديرة فيها الصالح وفيها الطالح


والله يجنبنا الفتن ماظهر منهاا ومابطن

 

[a7la-elbanat]

الله يستر عالجميع
تصدقين والله انا اخوي رافض فكرة الزواج وسبة ان الكل معطييه فكره عن بنات هالوقت
والمشكله الشباب نفسهم صارو يعممون طيب هالبنات في منهم خواتكم بناتكم امهاتكم يعني عيب التعميييم

بس تبين الصج وربي هذي مو فئة قليله شوف عيني في بنات اهم جذي حتى لو متربيين احسن تربيه تلقينها من تحت لي تحت
او لها سوالف وحركات وماعندها اي مششكله تكلم شاب او حتى تطلع وياه
الله يستر عالجميع ويحفظ ديرتنا من هالاشكال

 

[~*~الملكة~*~]

كلام الجرايد دايما في مبالغه

واول وتالي يرجع على الوزاع الديني في الانسان

 

[ام حنااين]

اكيد هذى فئة قليلة واحنا بديرة مسلمة وللحين محافظة على تقاليدها وملتزمة



وانا الحمد لله ما عممت الموضوع عالعكس انا شايفة بناتنا بالف خير للحين ويعرفون ربهم عدل

لكن الخوف ان هالشي ينتشر

وشاكرة مروركم

 

[اخت واختها]

مشكلتكم تبون تعالجون هالموضوع من طرف واحد وهشي عمركم لا تحلمون فيه والسبب التفرقه

مثلا ما عمري شفت موضوع موجه للشباب ينصحهم فيه عن الابتعاد عن الزنى والعلاقات !!

دام في شباب يزنون في المقابل لازم يكون في بنات يزنون ايضا

 

[نور مغليها]

في أهالي حيل تعباانين ع تربيى بناتهم وعيالهم بس الاصدقاء يضيعون
الواحد يقول الله لا يبلانا ويستر عليناااا

 

[Tom ♥ Jerry]

,،


1- شلون تتجرا البنات تطلع مع الشباب للشقق؟

آن لم تستحي فآصنع مآ شئت ؛*

2-- وين اهلهم؟

نآيمين بالعسل

3- شلون اضمن ان صديقتى او وحدة بخطبها لابنى او اخوى ما تكون مثل هالبنات

تسئلين عنهآ .، آهم شي يكون آمهآ و آبوها زينين
لآنه غالبا الحب يطلع على بذره على قولتهم
و اختاري بنت ذات خلق و دين و آخلاق (=