ليش نخاف من الولاده؟

[SihamBoresli]

الحامل كل شي تحاتي ولي قرب وقت الولاده تخاف وتحاتي اكثر ..
اول شي تحاتي الم الطلق وازعاج الولاده

الخوف من الخياطه

الخوف من القيصريه

الخوف من الولاده المتعسره

الخوف من النزيف

الخوف من تشوه الجنين

بس كل ما كانت الحامل مجهزه نفسها مو متوتره زياده عن اللزوم مدربه على التنفس الصحيح ومشي قبل الولاده كل ماكانت ولادتها اسهل

والله يسهل على الجميع

 

[ياغفور اغفر لي]

انا خايفة بس والله افكر بالله تعالئ انسى كل شي عندي ثقة فيه كبيرة
وان شا لله تتسهل ولادتي وولادة كل حامل

 

["Om 3AzOoZ"]

طبعا بتحاتي وتخاااف لانه الولاده مو شي سهل والسهالات من رب العالمين وخصوصا البجر تحاتي وايد وانا وحده منهم لانها ماتدري شنو ناطرها مو مجربه من قبل الله يسهل على كل حامل يارب ويرزقها ولاده سهله ميسره.

 

[FJ style]

انا عندي عيال وتوني والدة ووالله قبل الولادة بيوم ميتة خرعه واقول حق امي يمه ميته من الخرعه جني مو يايبه عيال قبلالعوار عوار والالم الم مهما كان اول بيبي او خامس بيبي لكن طبعا الاستعداد النفسي ومثل ما قلتي التنفس الصحيح يساعد وقبلهم التوكل على الله والاذكار طول الوقت

 

[شيهانه 23]

الله يعين لازم الحوف والمحاتاه

 

[! بــدويه وآآيــد !]

،


انا خايفه ان يكون عمليه ! يارب يارب اولد طبيعي

وخايفه من شق العجان يمه شفت الصور تخرع

يارب تمم على خير وسهل حمله وولادته انا وياكم والجميع

 

[sosowaty]

بدوووويه مبروووك حبيبتي ع الحمل و عسا الله يثبته

 

[! بــدويه وآآيــد !]

8


الله يبارك فيج حبيبتي ماقصرتي فرحتيني بتبريكتج
اللهم آمين يارب

مشكوره

 

[سوسن1980]

لان الولاده مجهول فيه اشياء تحصل ماكنتي متوقعتها حتى لو جربتيها من قبل مو كل ولاده نفس اللي قبلها

 

[3aly mstway]

اب اب

 

[ام الشوامس]

روح تطلع من روح !
و ألم !

أكيد بنخااف  الله يسهل علينا ياارب

 

[SihamBoresli]

مشكورين على مروركم الكريم وعلى فكره في ادعيه الولاده تقدرون تطلعونها من النت تساعد على رفع النفسيه وايد

 

[-TFa7a-]

خايفه من كل شي
الله يستر : (

 

[أم عزيـز]

اغلب اللي يخافون يكون الخوف من الطلق والاء الولاده

لان ما يدرون اشكثر بيطلقون وجم ساعه بيقعدون لان في بنات بعد عمري يقعدون ايام يطلقون

بس اهم شي النفسيه والتفكير الايجابي اذا فكرين بإجابيه وان ربج بيفرجها ويسهل عليج صدقوني كل شي بيكون سهالات

بس اذا انتي متشائمه من البدايه وخايفه وموتره نفسج ماراح تساعدين روحج وقت الطلق وراح تتعبين اكثر

الله يسهل على الجميع ويتمم عليهم ويسهل عليهم ولادتهم

 

[ام دندوونه]

اكيد ينخاف من الولادة..لان ما تدرين شنو المضاعفات اللي تصير وقتها..بس اهم شي التهيئه النفسية
والتوكل علي الله..والادعية بنات والله انها شي عجيييب..والله يسهل علينااااا يارب..ويسهل علي كل حامل..
ويرزق كل محرومة..اللهم اني اسالك حسن الخلق وهوان الطلق..

 

[عطاء أنثى]

الله يكون معانا جميعاً


حسيت كأنه جهاد (؛



السهاله من الله والخوف لابد منه

 

[بعيدة الدار]

يمممماه لا تذكروني انا ولادتي كلها طلق صناعي واقعد يوم كامل اطلق وبالموت اولد
ادعولي هالمره ربي يسهل علي ولادتي حيل خايفه

 

[ملسونه المصونه]

يمه
الولاده تخرع انا توني والده والحمدلله تيسرت باذن الله بس كانت الولاده كابووووس ملازمني من اول ماحملت ...
وهذا امر طبيعي عسى الله ييسر على كل حامل ياااااارب

 

[q8helwa]

السهالات من رب العالمين

 

[عروسة خالد]

الوحده لابد تخاف وخصوصا البجر وانا وحده منهم الله يسهل ولادتنا ويقومنا بالسلامه اللهم امين









​