ليش متغربه عن ديرتج ؟؟؟؟

[عنايد]

السلام عليكم --شلوونكم ؟؟؟
طبعا السؤال واضح شنوو اسباب غربتج عن الوطن؟؟؟وهل انتي اللي اخترتيها؟؟؟
وماهو شعورج بالغربه؟؟؟شلون تقضين وقتج بالغربه؟؟؟؟وهل تعرفتي على ناس هناك؟؟؟؟
ماذا استفدتي من غربتج؟؟؟؟
اتمنى من الجميع المشاركه

 

[سنا الفضه]

مشاركة: ليش متغربه عن ديرتج ؟؟؟؟

غربتي علشان زوجي يكمل دراسات عليا واكيد كانت باختيارنا حتى لمن تقدم لي ريلي قال لي انه راح يدرس بره فصار باختياري لاني رضيت
والغربه زينه وشينه يعني ساعات تمر الايام ركض دبجه مااحس فيها واحيانا تمر ثقيله خاصه يوم الاربعاء يوم يمعه خواتي ببت اهلي ولحد الحين ماتعرفت على احد بس حمولتي من اول متعرفين على ناس هناك لان عمي كان قبلنا دارس هني
ومن اهم الي استفدته اني صرت اتحمل المسؤليه 100% يعني بنتي قبل ماادري عنها الحين لاصقه فيني لصقه وكله معاي تعلقت بريلي اكثر (الحمدلله)
والله يردنا بالسلامة ان شالله

 

[bambena]

مشاركة: ليش متغربه عن ديرتج ؟؟؟؟

الله يوفقكم ويردكم بالسلامه ، انتو باي ديره ؟؟

 

[bnt q8 in usa]

مشاركة: ليش متغربه عن ديرتج ؟؟؟؟

متغربين عشان ريلي يدرس دراسات عليا وطبعا بارادتي وانا توني ببلش لغه
طبعا نفقد كل شي حلو بالديره خاصه برمضان والاعياد

فوائد الغربه بعيده عن المجاملات وعن القال والقيل وطبعا تتقوي علاقتج بريلج اكثر ويصير ترابطنا قوي مع اليهال
المساوء انج بعيده عن اهلج وربعج وناسج وخاصه لمن تفقدين شخص غالي وماتقدرين تردين الكويت بحكم الضروف مثل ماصارلي
توفي اخوي وحيدي وماقدرت ارجع وشوفي عاد الحاله الي رب العالمين اعلم فيها


احيانا تمر عليج الايام سريعه خاصه اذا بدي شهر 1 عشان يبدي العد التنازلي حق الصيف
واحيانا تصير ممله وثقيله

اقضي وقتي بالرياضه والتفنن بالطبج وتدريس بنوتاتي
واحيانا بالسوق والنت

عندي جيراني بينه بس سلام وهم امريكان ومكسيك بس


لكن كل شي يهون باذن الله لمن يرجع ريلي ورافع الراس يارب

 

[jolie_q8]

مشاركة: ليش متغربه عن ديرتج ؟؟؟؟

الله يردكم بالسلامه

انشالله

 

[عنايد]

مشاركة: ليش متغربه عن ديرتج ؟؟؟؟

الله يردكم بالسلامه انشاالله ويهون عليكم غربتكم
وياليت تذكرون لي المده اللي قضيتوها هناك ليما الحين
شاكره للخوات اللي مروو

 

[bnt q8 in usa]

مشاركة: ليش متغربه عن ديرتج ؟؟؟؟

انا تقريبا بدش بالسنه السادسه وباجي لنا سنه ونص باذن الله تعالي

 

[bnt q8 in usa]

مشاركة: ليش متغربه عن ديرتج ؟؟؟؟

دعواتكم خواتي معانا لانه فعلا محتاجينها
وعسي ربي يوفقكم ويوفقنا معاكم

 

[.]

مشاركة: ليش متغربه عن ديرتج ؟؟؟؟

الله يوفقكم بنات......

والله يردكم بالسلامه.......

 

[bambena]

مشاركة: ليش متغربه عن ديرتج ؟؟؟؟

الله يوفقكم

 

[keeka]

مشاركة: ليش متغربه عن ديرتج ؟؟؟؟

ذكرتوني بالذي مضى والله ايام سبحان الله صارت سوالف الحين وحزتها كنا نفكر شلون تنقضي الغربه بس الحمد لله عدت على خير وردينا لديرتنا

 

[عنايد]

مشاركة: ليش متغربه عن ديرتج ؟؟؟؟

شكرا خواتي على المرور والله يرجعكم بالسلامه لارض الوطن رافعين الراس

 

[كويتية في لندن]

مشاركة: ليش متغربه عن ديرتج ؟؟؟؟

انا مغتربة في لندن ....صار لي 3 سنين ....... طبعا غربتي باختياري انا حبيت اكمل دراستي وهاذي آخر سنة لي ان شاء الله........... طبعا الغربة صعبة وخاصة اذا كان الواحد بروحه ...تعرفت على عوايل كويتية وبنات كويتيات واكتشفت ان الكويتيين هاذا طبعهم ما يتغير قيل وقال حتى بالغربة بدال ما الواحد يكون سند للثاني ................ وطبعا معانا بالجامعة كويتيين وخليجيين واكتشفت ان اطباع الخليجين وايد احسن من ربعنا ....ياما صارت انشطة للطلبة الخليجيين عندنا بالجامعة وفشلونا فيها ربعنا

الغربة مفيدة للي يعرف يستفيد منها .....انا الحمدلله تغير طبعي وصرت اكثر هدوء من قبل واكثر التزام ... وطبع الانجليز وايد ناسبني من ناحية اذا الشي يصير يصير واذا ما يصير خلاص ما يصير ..ماكو واسطة ................ احترامهم للوقت شي واي وايد حلو ...............ويحترمون الطابور بشكل مو طبيعي .... مثل ربعنا يالله من فضلك ...صج نفسيتهم الله بالخير شوي لكن عندهم قواعد حلوة في التعامل

طبعا مهما تغربنا مافي مثل ديرتنا ...وعسى الله يردنا ويرد كل مغترب ديرته

طبعا احلى شي بالغربة في لندن ..السووووووووووووووق

 

[عنايد]

مشاركة: ليش متغربه عن ديرتج ؟؟؟؟

الله يردج لاهلج سالمه يارب ورافعه الراااس
وشكرا على المشاركه
وبانتظار باقي المغتربات

 

[bnt q8 in usa]

مشاركة: ليش متغربه عن ديرتج ؟؟؟؟

صدقتي يا كويتيه بلندن انا جربت هالشي ربعنا يموتون علي القيل والقال
عشان جذي انا بعيده عنهم كلش اللهم بالمناسبات ويسموني المغروره

ماعليه بس المهم الواحد يرتاح

 

[sHa6o0ra]

مشاركة: ليش متغربه عن ديرتج ؟؟؟؟

انا يتني فتره تغربت اب كندا الله لايعود ذيج الايام ديره تلوع الجبد وممله والبرد مو طبيعي البيات الشتوي 6 شهور مانقدر نتحرك من البيت

لكن لي رجعتي الكويت تلوع جبدج تحسين زعاج وكل من يتدخل بحياتج والمناسبات ماتخلص وكل من يعلق (ليش ظعفانه ليش متنانه ليش مسمره ليش ماليش)

الغربه تعلم الصبر والهدووء وطولة البال ..


الله يسهل عيلكم يامغتربات وتردون الديره

 

[كويتية في لندن]

مشاركة: ليش متغربه عن ديرتج ؟؟؟؟

بنت الكويت في يو اس اي .... خلهم يسمونج المغرورة المهم ترتاحين من الكلام والحنة .... انا لاعت جبدي والله ما توقعت طبايع بعض الحريم عندنا ...غيرة وحسد وتنقل كلام .............. انا هالسنة صكيت علي باب شقتي ومن البيت للجامعة وبالعكس .....بلا هم وغم


عنايد ..العفوووو

 

[أغلى حبيبه]

مشاركة: ليش متغربه عن ديرتج ؟؟؟؟

الله ذكرتوني باللي مضى

انا تغربت لمده 6 اشهر ومااستحملت الغربه ورديت ديرتي وخليت زوجي بروحه وعليه بالغربه

والحين مفكر يكمل الماجستير بره وانا معارضه

اي كنت بمصر ام الدنيا بس مادري ليش ماتأقلمت معاهم

 

[عنايد]

مشاركة: ليش متغربه عن ديرتج ؟؟؟؟

مشكورين حبايبي على المرور والمشاركه
انا توقعت الكويتيات المغتربات اكثر
يلاا وينكم شاركونااااااااااااا

 

[أوركيد]

مشاركة: ليش متغربه عن ديرتج ؟؟؟؟

الله يردكم كلكم بالسلامة...

سالمين وغانمين