ليش كل ما سمعنا اغنية وطنية خنقتنا العبرة :(:(:(

[كويتيه بالرياض]

لانها ديرتنا الغاليه
ووووواي بنات عاد انا بغربه تخيلو كل ما سمعت اي شئ لو طاري الكويت
مت من البجي ....
يابر تردني لديرتي سالمه

 

[orangeya]

اي والله صاجه ياوخيتي,,,

البنات ماقصروا

عن نفسي

مادري شعور مابعده شعور!

خصوصا اني حساسه فتلقين دمعتي على طريف خصوصا مع الاغاني الوطنيه العتيجه من طقه وطن النهار وجابر ابونا من عمر عرفناه...

هالاغنيتين بشكل خااااااااااااص والباجي بشكل عام

مممم

اعتقد تخنقنا العبره من الوطنيه الزايده اللي فينا وهالشي يدل على انتمائنا وحبنا واخلاصنا هالديرة الطيبه
اللي الكل يحسدنا عليها ...

الله يحفظها من كل شر يا رب قولاو آمين

شلون ما ينضلونا واحنا الديره رقم 1 بالديمقراطيه وحريه الراي وكل شي عندنا ابلاش...

خدمات تعليميه وصحيه وحتى ترفيهيه ابلاش

وترى اسعارنا مهما كانت غاليه الا انها ماتعتبر غاليه مقارنة بباجي الدول

واااااااايد شغلات ماتحضرني حاليا

ماقول غير : الله لايغير علينا وعماااااااااار ياكويت


وميرسوه عالموضوع :tek:

 

[نبضي جابر]

وااااااااااااااي أقسم بالله أقرى ودموعي تنزل :krkrkr:
صج والله بس طاري الكويت أحس قلبي بيطلع من مكانه
صج شي غريب والله حتى لما أسمع جاااابر أبونا من عمر أقعد أبجي ووطني النهار أحلى أغنيه وطنيه مع إني كنت سنتين تقريبا بالغزو بس حسيت بكلماتها وحافظه للحين حركات الأغنيه للصم والبكم كنت أسويهم وأبجي
آنا وخواتي وأهلي بالغزو الله لايعيده
والله حتى إعيال خواتي مواليد بعد الغزو بفتره وفي توهم صغار يموتون ويتأثرن ع الأغاني الوطنيه حتى لما نروح أماكن
ترفيهيه لاااازم بالألعاب نغني جااااااااااااابر أبونا من عمر عرفناه ويادار لاهنتي ولاهان راعيج ووطني حبيبي حتى لما
أشوف الصغار جذي وبأعلى صوتهم يغنون وربي تدمع عيوني
حتى باللعب الكويت بقلوبنا ومانغني إلا لها

عاد وربي هالقسم هو الإفتتاحيه دااايما كل مادخلت كويتيات ونادرا ما أرد لأني
صج ما أقدر أرد أحس لساني ينربط وتخنقني العبره :0bee2e8d89: عندي شكثر مواضيع عن الكويت
بس سبحان الله ما أكمل كتابتها ما أقدر والله أحس يخوني القلم وتخنقني العبره

يااااااااااااااااااااااااااااااااااااارب ترحم جابرنا وسعدنا وتصبّر قلوبنا على فراقهم وتجمعنا فيهم بجنة الفردوس اللهم امين
وياااارب تحفظ لنا كويتنا وتديم علينا نعمة الأمن والأمان والترابط والمحبه بين عيالها ربي لايفرقنا ولايحرمنا
ديرتنا

يعطيج العافيه إختي عورتي قلوبنا :tek:

 

[سارونه87]

يازين ديرتنا

 

[وسايم القصيم]

يارب احفظ ديرتي الثانيه الكويت من كل حاسد احفظ ديار المسلمين

 

[النهج الاسمى]

صدقتي

بس صراحه الاغاني القديمه بس اهي اللي تبجينا

اما الجديده جني اسمع اغنيه عاديه

قولوا ليش؟؟؟

آآآنا اقولكم!!

لان الاغاني القديمه نحس بكل كلمه يقولونها نابعه من قلوبهم لقلوبنا


مو اغاني هالايام ما تحرك فينا اي مشاعر

نقطه مهمه ابي اضيفها

بسألكم سؤال؟؟؟

الاغاني القديمه واللي دايم تبجيكم مو تذكركم في بابا جابر؟!

اي صح كل اغنيه قديمه تذكرنا فيه واتحده اي وحده فيكم تقول غير هالكلام؟؟

عن نفسي مو اغنيه وطنيه بس اللي تبجيني

عندكم اغنية الاماكن لمحمد عبده والله والله كل ما سمعتها يطلع بصدري انين لما امسك نفسي من البجي

تدرون ليش؟؟


لأنها تذكرني في بابا جابر عسى الجنه مثواه

وخاصه لما يقول محمد عبده"كل شي حولي يذكرني بشي حتى صوتي وضحكتي لك فيها شي

لوتغيب الدنيا عمرك ماتغيب شوف حالي آه من تطري علي"


فعلا كل شي بالكويت يذكرنا في بابا جابر كل شبر وحتى الغزو اللي مانطيق ذكراه هم بعد يذكرنا فيه

لما بجى علشانا وسوى كل شي عشان مايحسسنا بالتشرد


آآآآآآآآآآآه قلبتي علي المواجع

فعلا اغنيه وطنيه قديمه=ذكرى بابا جابر

تكفون ادعوله الله يرحمه ويجله من الذين يسقون من رحيق مختوم>>>واحنا قاعدين ان شاء الله معاه وما ننسى بعد بابا سعد<<<<


اللهم آمين قولوا آميييييييين ياكويتيات ياأصيلات

 

[نبضي جابر]

8
8
8
اللهم آمييييييييييييين
عورتي قلبي غريبة الدار والله العظيم كلامج صح
جااااااابر إنسان ناااادر بهالوجود والله بقلبي غصـــــــه الله يرحمه :0bee2e8d89:
سبحان الله أحس الكويت غييييييييير من دونه والله حتى قصر دسمان ما أحب أمر يمه :krkrkr:


ياااااااااااااااااااارب ترحم بابا جابر وبابا سعد وتسكنهم جنة الفردوس اللهم آمين

 

[mo0n light]

الله يحفظ ديرتنا من كل مكروه واعتقد هذا من محبتنا لهالديره الطيبه

 

[AnaQ8tia]

أمبيييييييييييييييييييييييه بنات أشوه مو بس آنا ....اشوه كنت أستحي لما أسمع اغنيه وطنية وما أمسك نفسي لما تخنقني العبرة وأحاول أوخر ويهي عشان محد يشوفني خصوصا وطني النهار .......
بنات تصدقون بس قريت اسم وطني النهار في ردودكم حتى من غير ما اسمع الأغنية اخنقتني العبره....مشكوره مفرفشه على الموضوع ..
الأغنية الثانية اهي مالت شادي الخليج عزيزه...عزيزه...لأنها عزيزة ...تصونها الجوارح وايد تأثر فيني بعد

 

[omajiad]

أنا جذيه ما أقدر أسمع أي إغنية وطنية لازم أبجي اليوم كنت في مدرسة
بنتي وفي الطابور حطوا إغنية وطنية إخنقتني العبرة وعيوني إنترسوا دموع

"با يعد عمري وحياتي يا كويت"

 

[أغلى حبيبه]

اي والله لييييش

 

[cute-girl]

هههههه انا احب الاغاني
بس ما احب الاشعار

 

[مطيريه ماركه]

تدرين ليش

لانا نحب الكويت

يالله كلش امس يوم رحت الكلية واسمع وطني النهار طقيتها بجية

قلبي خفق يا كويت

آآآآآآآآآآآه الله يحفظها لنا

 

[ترانيم العود]

نفسج حالتج اذا سمعت اغنيه وطنيه دمع عيوني

وهذا دليل على حبنا للكووووووووووويت

 

[أحب بابا جابر]

والله بنات انا اقرى وابجي
وكل يوم اسمع عيدي يا كويت يا احلى بلد ..
واطالع الفيديو .. والله قبل شوي حطيته حق عيال اختي وصكيته على طول عشان لا يحسون اني ابجي ههههه
اختنقت ما قدرت لأن التصوير مو طبيعي وعفوي
بس بنات المشهد اللي كله اتذكره وابجي حيل
اهو مشهد بابا جابر لما تحررت الكويت ورجع والناس تحته تحييه
شوفو الولاء والوله .. كانو ولهانين على ابوهم اللي دمعت عينه عشان ايرد هالديره لأهلها
هالمشهد صعبه انساه وكله اتذكره وابجي
تسلمين صاحبة الموضوع عورتي قلبي

 

[Hello_kitty]

واي موضووووع يعوووووور القلب اخيـــــــــــــــــــه..

اذا ما بجينا على طاري الكويت وتغنينا بحبها وهواها نبجي على منوووووو؟؟

انه امووووت بألغاني الوطنيه واذا سمعتها ارقص والفح بالشعر بدون شعوووور

وكل شوي ادخل موقع يوتيوب واحط اغاني حفلات وزارة التربيه واعلي على الآخر واقلد حركاتهم ورقصاتهم

وعندي اغاني مميزه بقلبي بالكويت بالسياره بالبيت لي سافرت بره الديره هالأغاني لازم معاياولهم وعلى راسهم وطني النهااااااار اخيه لي غنى بوخالد قلبي خفق يا كويت

شلتك بيوفي وطن...

واغنيه ام الثلاث اسوااااار..لما يقول يا فخرنا لما ينادينا الفخر يا عمرنا ياأغلى من كل العمر يا اغلى دااااااااااار..لألألأ عوار قلب

واغتيه احنا عشقناها واااااااايد...

واغنيه ان شاء الله معموره بالخير يادااار في مقطع يا بلادي يا بلادي يا كحلة العين يا ساكنه فؤادي يا بلادي...

واغنية سليمان الملا يا نبع الوفا الصافي ..في مقطع ترابج احنا نبوسه لو يحصل ما ندوسه...اخيـــــــــــــه

واوبريت سارة المعتوق اللي تغني قوم اروي يا راوي قصة بلدنا...

وطبعا اغنية الشعب وحبيب الشعب جابر ابونا من عمر عرفنااااااااااااااااااه..

الله يرحمك وينور قبرك ويعلي منزلتك ويرفع قدرك ويغفرلك كل ذنب ..والله يا بابا جابر نحبك نعشقك ما نسيناك ولا نقدر ننساك

موضوعج هيض مشاعري شكلي الحين بشغل يوتيوووووووووووب طيران

 

[gucciya]

[COLOR="Indigo"]وطن النهار ***

مافي احد يقدر يمسك دموعه عليها.. وصج في ناس ماكانوا موجودين بهالوقت بس يبجون عليها والله انها كانت من القلب ..[/COLOR]

 

[قلبي ابيض]

انا نفسج بس موعارفة ليش

 

[^الزين^كله^]

لأنه اهيا ديرتنا وفيها اللي نبي
عسى الله يخليها لنا ويحفظها يااااااارب يمكن لانه عشنا تجربة الغزو بس عموما انا اشوف الشعب الكويتي والله وطني 100% عسى الله لايغير علينا ويحفظنا يارب لوشنو نسوي مانطلع من يزاا الكويت وياحلو الاغاني الوطنيه القديمه واليديده اي شي فيه اسم الكويت حلو​

 

[^الزين^كله^]

توني ذكرت اغنية صج صج تبجيني اذا سمعتها

عبدالكريم عبدالقادر مغنيها
ياكويت عزج عزنا ياحلى اسم بقلوبنا:q8: ​