ليش كثرت الخيانة

[ba6bo6a1]

شلونكم ؟... بدخل بالموضوع دايركت .. الخيانة كثرت بمجتمعنا بكل اشكالها و انا اقصد هني الخيانة بين الازواج .. للاسف في زوجات يخونون بس هذول قلة قليييييلة و شواذ ... بس شنو برايكم سبب خيانة الريال بهالوقت اللي المرة فيه زقة بلقطة تهبل مو مخلية على روحها و لا عليه قاصر ؟ يعني حريم اول مو متوفر لهم صالون و لا عندهم وقت للاهتمام بانفسهم مثل حريم الحين و كان كل ريال قلبه على بيته و ما يطالع برة .. اما الحين المرة جنها ممثلة من الزين و الجسم و الشعر و العناية و هم الريال يطالع برة .. طبعا بنات انا اقصد بالخيانة كل شي ( علاقة -تلفون -تشات-و ابسط شي و احس كل الرياييل يسوونه انه يخز لو اللي يمه ملكة جمال لييييييييييييش؟!!!) صراحة استغرب اذا طلعت االسوق و شفت هالمناظر و ما االوم الرياييل من الزين اللي يشوفونه بس هم ليش ما يمنع نفسه انه يطالع

 

[عرووسة ضااري:$]

رد : ليش كثرت الخيانة

مااااادري شنو ارد علييييييج

بس اللي اعرفه


عرج الرياجيل مايطهر

 

[الـوايـلـيـة]

صارت عاده عندهم
يعني شي طبيعي التخزخز

 

[سعوديه99]

رد : ليش كثرت الخيانة



لايوجد خائن بدون خاينه:edbf4317b9::lololoe:

 

[( مي )]

الملل
الروتين

يبون يغيرون البنات مثل ما يغيرون الموبايل والسيارة والملابس

يبي يتعرف على بنت يديدة ويشوف حركات يديدة وأطباع يديدة وشخصية يديدة ويستانس فيها مثل ما يشتري الشي اليديد

شي غير مألوف ومتعود عليه مثل زوجته اللي بالبيت ،، او شخص ما عنده مسؤولية وما يتحملها ،، يبي يطلع من جو البيت والعيال ويطلع يعيش عزوبيته بره البيت ويلعب بالطول والعرض

ويتمسك أكثر ابهالطبع لما يشوف ان في أشياء بالبنات مو متوفرة بزوجته ،، وبعدين على قولتج أيام قبل ،، قبل في خوف على السمعة والنفس

والعرض أكثر من الحين ،، قبل الخيانة بالخش والدس ،، الحين كل شي أشكره وصار الوضع عادي ،، واللي ما عنده رفيجه هذا قديم

والله يبعدهم عن الخيانة

 

[الأميرة جوري]

رد : ليش كثرت الخيانة

ماشفتي شيء يسمونه آآىىخر الزمان باجر بالشارع عارين عيني عينك ومن علامات قرب الساعه الله يكافينا شرها الحين اكثر الخاينات والخاينين متزوجين صاروا البنات والشباب اعقل ربي يستر علينا وعليهم !!!

 

[ba6bo6a1]

مشكورين بنات .... عروسة ضاري .. اغلب الرياييل يخزون لكن مو كلهم ( خل نعطي نفسنا امل)
الوايلية و سعودية 99 ... صح لسانكم
مي ... حبيبتي صاجة انا احس حبهم للتغيير و التجديد ..بس ياربي ليش الحرمة قانعة و ماتفكر بالتغيير .. الله خلق المرة على حب التفرد عني تحب زوجها و بس اما الريال حب التعدد يعني يقدر يحب اكثر من وحدة بنفس الوقت او يكون يحب زوجته و عادي عجب بوحدة 2 بنفس الوقت

 

[ba6bo6a1]

رد: رد : ليش كثرت الخيانة

ماشفتي شيء يسمونه آآىىخر الزمان باجر بالشارع عارين عيني عينك ومن علامات قرب الساعه الله يكافينا شرها الحين اكثر الخاينات والخاينين متزوجين صاروا البنات والشباب اعقل ربي يستر علينا وعليهم !!!

لا حول و لا قوة الا بالله

 

[.،:"$الـعـوبــــة$":،.]

رد : ليش كثرت الخيانة

أتوقع لأنها صارت أسهل من قبل ،
ومالها عواقب خطيرة !!
يعني كل شي صار عادي استغفرالله !​

 

[ba6bo6a1]

انا اللي استغربه ان اذا رحت مجمع اشوف حريم يهبلون و رياييلهم يطالعون اي وحدة تمر حتى لو خفس المهم شي يديد

 

[ba6bo6a1]

رد: رد : ليش كثرت الخيانة

أتوقع لأنها صارت أسهل من قبل ،
ومالها عواقب خطيرة !!
يعني كل شي صار عادي استغفرالله !​

مشكورة .. صحيح الحين الفتن كثرت و صار عادي الخز

 

[مزيونة مكه]

اللهم أسترنا فوق الأرض ويوم العرض

فعلاً كثرت الخيانه والأاسباب كثيرة الحرية زادت وقل الحجاب والفتن ظهرت طبيعي يكون فيه خيانه نسأل الله السلامة والحفظ يارب

 

[miss_jamsheer]

لانه مايملي عينه شي وموكفو نعمه ربه الله معطيه الزين معطيه اللي رازته وعازته اللي محترمته بحضوره وبغيابه اللي محافظه على روحها وصاينته للاسف يبي المفصخه اللي مايبقى شي من جسمها طالع يبي اللي تسويه خروف وراها يبي اللي تبهذله تكلم عشر غيره وتستغفله
للاسف الرياييل قله الحين

 

[حبيبي مالكني]

رد : ليش كثرت الخيانة

مو كلهم
بس بنات هالزمن اهيه الي تقول حق الريال طالعني
من حركاته ولبسه
وفي ريايل ما يترس عينهم التراب وهاي اكثروا

 

[kookiz]

هذا اخر الزمان والناس كل مالها تنغمس بالشهوات وتنسى ان في ممات وحساب

 

[ذاب قلبي لربي]

رد : ليش كثرت الخيانة

شي طبيعي...

خوو الريال يغريه اي شي بس بالاول

الجسم

يطيحله على وحده شيفه بس اهم شي الجسم اتقول جنيفر لوبيز

لرجل كائن عجيب وبالزمن عينهم كل زايقة ومايعجبهم العجب ولا صيام في رجب

 

[Lona_amora]

رد : ليش كثرت الخيانة

اي و الله الموضوع صج لازم ينطرح و يتناقش

أول شي سالفة الخز ، هذا الشي أتوقع بدم الرجال و شي من الصعب انه يغيره حتى لو كان ماشي مع ملكة جمال هم بيقعد يخز ، و ثاني شي بنات هالأيام صج شي مو طبيعي الله يستر من الى جاي

سالفة الخيانة أظن في وايد أسباب ما أبي أتكلم عليها كلها بس حبيت أقول نقطة معينة عن الرجاجيل بسالفة الخيانة مرات تكون المشكلة بسبب ماضي الرجال

المشكلة الرجال اذا كان عنده سوالف قبل الزواج ترد عليه باثر رجعي بعد الزواج
يكون من النوع اللي يمل بسرعة و يبي يغير كل شوي

نصيحة من الي تبي تتزوج يا بنات صج لازم تختار واحد ما كان عنده أي سوالف قبل


الله يهني الجميع ان شاء الله​

 

[ba6bo6a1]

مشكورين بنات

 

[~LiBrA~]

رد : ليش كثرت الخيانة

الرياييل ما يترس عينهم الا التراب لو الي عنده كامله والكامل الله

 

[الصعيريه]

رد : ليش كثرت الخيانة

الله يكفينا شر هالخياناات

واللي الاحظه الحين أغلب اللي يخونون المتزوجين والمتزوجات

على قولة الاميره جوري الشباب والبنات صاروا اعقل منهم