ليش تغيرت؟؟!!!

[شيهانه بلا صقار]

من زمان وانا حابه اكتب مشكلتي مع بنت خالتي.."توامي"
بصرااحه صاارلها فتره متغيره على ...:eh_s(16):
وماصارت تسولف معي مثل قبل ..؟؟؟
قبل تدق علي يوم وترك تقريباً..
والحين كلش ماتدق وانا الي ادق ومره تشيله ومره لآ ...
من دخلت الجامعه وهي متغير ... وفونهاا ممنوع امسكه "مادري ليش"
مع العلم اني قعدت معها وصارحتهاا وقلت الي في خاطري..
وماتغيرت !!! والله اني احبهاا و هي اكثر من اخت...
تكفوون بناات ابي مساعدتكم وتخيلون انفسكم مكاني شنو بتسوون ..

بلييييييز امااانه ابي راي صريح لآ تجاملون!!!:eh_s(11)::eh_s(11):
​

 

[شقـــرديه]

مممم مادري شقوولج يمكن
تعرفت على بناات وانشغلت بدراستها وياهم
ويمكن في شي بفونها ماتبيج تشووفينه
والله اعلم انشالله البنات اكثر يفيدوونج

 

[اشواق2011]

اختي اول شيء لازم تعرفين اش السبب وصارحيها وقولي لها اش الي مزعلك مني
او اذا عندها اخوات حاولي تعرفين منهم اش السبب
انا عن نفسي والله كانت تحصل معي مع بنات خالي لدرجة بعدين صرت اطنشهم ماحب الانسان الي دائم يزعل ولايقولي وش الي مزعله ...​

 

[شيهانه بلا صقار]

تسلمين ياشقرديه ويااشواق بس بنت خالتي ماعندها خوات وانا بصراحه صرت اطنشها بعد ماصارحتها والله محتاره "حيل فقدت قعدتنا" ...

 

[لمى الهاجري]

اكيد عندها بلاك بيري وايفون

 

[شقـــرديه]

ادري باللي حاسه فيه صارت وياي مع رفيجتي بس طنشتها
وبعد فتره رجعتلي تعتذر مني وتقولي سامحيني وماكو غيرج يستاهل
يمكن لهتنا شوي الدنيا بس مردها بتحاجيج

 

[شيهانه بلا صقار]

شقرديه وربي ردودج تشرح الصدر تسلمين ياقلبي...
لمى الهاجري تلفونها كان ايفون بعدين شرت بلاك بيري "شمعنى هالسؤال"..؟؟؟؟

 

[*الهنوف*]

لقت رفيجات غيرج وفرحانه فيهم او لقت حبيب بما انها ماتبيج تمسكين تلفونا
فقطيعها بويها قولي عادي اذا تحبين
واذا طولت بصدها عنج ختولي ودروي صديقات غيرها
هذي رافجتج لمصلحه مو حبا فيج

 

[^LILY^]

اولا : اذا على انها ماتسمح لج تمسكين فونها
عاااادي لا تزعلين وتشيلين بخاطرج شي
لان في ناس من النوع اللي جذي ما يحبون احد يمسك شي لهم
اكيد لها عذرها بانها ما تعطيج تلفونها
واذا انها ما ترد عليج شرررط انها حاطته صامت
او مو عندها التلفوون
حبيبتي اخذيها مني
بنت خالتج ماتغيرت ولا شي
والسبب الكلام اللي قلت بالبدايه


انا نفسج تصكني حاله وقول نفس كلامج
لان انا بنت خالتي كانها اختي
وعمرها نفس عمري والكليه نفس الكليه
والكلاسات نفس الكلاسات
ومع هذا تجيني حاله واقوول نفسج
بس مع هذا التمس لها عذر


" التمس لاخيك سبعين عذرا "

 

[اميره1980]

يمكن انشغلت بالجامعة و الدراسة مو مثل قبل

بس على سالفة التلفون
حبيبتي ماكو وحدة ترضا ان احد يلعب بتلفونها
اكيد البنت لها خصوصياتها و ما تبي احد يعرف

 

[البارونـه]

انزين بالزواره اسلوبها تغير ولا نفس قبل؟
اذا ماتغيرت وللحين تعزج وتكلمج عدل ف طنشي هالشغلات البسيطه ويمكن صج تعرفت ع بنات يداد
اما اذا تغيرت حقريها ولا تتصلين وبعد فتره بتيج وبينقلب الدور وهي الي بتعاتبج
اما فونها ف مانصحج تمسكينه ،انا مره بنت خالي الكلوز مني وايد ماخليتها تمسكه لان خصوصيات ومن حقي اسمح او لا، ولين يومج هاي شايله بخاطرها وماكلمتني الا يدوب ثلاث مرات وباسلوب جاف
شفتي شلون شي تافه وخسرنا بعض؟ فـ احترمي هالشي حبيبتي ولا تحطين بخاطرج

 

[غلا سعود ~]

اكيد عندها بلاك بيري وايفون

ههههههههههههه بجد
كنت بقولها ، هذا حالي مع بنات خالاتي
قبل وناسه بجمعاتنا الحين 9 مشاء الله كلهم صافات على الكنب
وكل وحده منزله راسها ومقابلة جوالها الخايس
هههههههه بسس شكلهم يفطس كانهم اسرى حرب :eh_s(1):

 

[تحب الفرفشة]

تغيرت ماتغيرت على نفسها شنو يعني بدالها تلريون وحده
بيصير فينا القلب اذا تغيرو علينا الناس ولا بنموت والله سالفه اهي

 

[راتشيل]

طنش تعش تنتعش

 

[شيهانه بلا صقار]

تسلموووون حبايبي وانا بمشي على رايكم ....
سبحان الله ماتعرف الناس الا لما تعاشرهم.....
وكيفها هي وتلفونهاا...
​

 

[منبع عبط^_^]

ردي حاجيها دامج تغلينها جذي وقولي لها انج مو قادره تتحملين اللي صاير ياتقولين لي شنوو قاع يصير والا براحتج بس لاتجين لي بعدين <<وان شالله يارب يردكم مثل قبل واحسن وبليييز لاتنفعلين وتقطين كلام تندمين عليه بعدين وتحمليها اذا انتي ماتحملتيها منو يتحملها

 

[قمر كويتي]

اذا مافي شي سويتيه وزعلها ف اكيد في شي يديد ب حياتها _shh_:

 

[Tom ♥ Jerry]

.


أكيد آنشغلت ويا الجآمعه و الدراسه و تعرفت على بنات يدد !
و شي طبيعي محد يحب آحد يتعبث بتلفونه
هالشي يضايق و أكيد يضايقها ؛***

آممم انتي بعدي عنها شوي و شغلي نفسج بآشياء ثانيه ..
ترا الدنيا مآ توقف على شخص وآحد :|

 

[am faisal]

واللة اذا متاكدة من نفسى ما سويت شى اخليها على راحتها لان اذا كان سبب التغير احد قايلها عنى شى ومصدقة بهالحالة اكنسلها من حياتى لانها باعت سنين من العشرة بكلمة وهذا ما حصل

 

[..<< ندى الورد >>..]

طيب ليش اغلبكم حااط كل اللوم على بنت خالتج ..!

ليش مو انتي تكونين السبب في هالمشكله ~

راجعي اسلوبج معاها راجعي تصرفاتج شوفي شنو مضايقها منج