ليش بيتنا كل شي لا

[ms mooka]

بنات مليت بتزوج بطلع بستانس بعيشتي
انا اجتماعيه بطبعي بس ابوي كله لا لا لا
بنت عمي مسكينه نطرتني اخلص امتحانات
وواعدتني تطلعني يوم بنطلع درا ابوي
جان يقول لا اكلي تبن وقعدي
لا ماكو طلعه
رفيجاتي اوك بحقكم تمنعون
بنات عمي بعد ..
ليش جذي انا اجتمااعيه واحب الناس واحب اطلع اعيش حياتي
بس البيئه اللي انا عايشه فيها ما تسمحلي
والله بنات والله لو بييده حبسني حتا جمعيه ماكو
عيل باجر لي رحت الكليه بيسويلي روحي ولا تروحين
اففف حلاته مادرا بس كله من اختي الصغيره


مقموووته بروح طلعات مثل الاوادم مو قاعده اطلع
كله بيووت بيت بيت بيت فلان بين علان
مدرسه و جمعيه ...

استغفر الله العلي العظيم *

 

[LoLaTi]

بعد عمري والله هذي فتره وتعدي
ابوج نظامه مال ايام اول البنت مالها الا البيت وبس لكن الحكره والقمتة الزايده موزينه
قعدي معاه كلميه بهدوء او كلمي اخوانج يحاجونه
اهوه خايف عليج من الشباب اللي بره ترا الشباب مايخلون احد بحاله ويمكن رافض فكره ان بنات يطلعون بروحهم عرفتي

 

[Şhώasha . . ~]

اكيد ابوج خايف عليج !
ومثل ماقالت العضوه اللي فوقَ يمكن تفكيره مال اول
وحلو الابو يخاف على بناته بس انتي حاولي اذا في مجال
وابوج من النووع اللي يتفاهم تكلمينه مره ومرتين و ثلاث
اذا ماقتنع بعد الشكوى لله !!

 

[دكتواره]

حبيبتي اكيد ابوج خايف عليج بعدين مو بس انتي جذي جم عمرج ؟وانتي بنت واكيد تعرفين هالشي فاهمه قصدي وعادي

 

[سفيره الكويت]

ياليت كل ابو جذي احسن من تفترين بالاسوقه وكل شوي متحرش فيج واحد

 

[ms mooka]

بس اوك مو لي هالدرجه عاد ما احب جذي
ووالله بنات اذا قعدت بروحي احس اني مريضه اقعد اكت الدوا
بالارض
واخربط بويهي وانام واذا قعدت انصدم من افعالي
:/ ما احب جذي
واذا قعدت وياهم احن اني اطلع
والشي اللي يقهر كله يبيني اقعد بلبيت كله بيت بيت لي متا عاد ...
اوكي ادري انه خايف بس يعني مو واثق ..
خو ما راح اكسسر ثقته انا

 

[»βαzεя«]

حاسه فيج .. ماعليه هونيها وتهون

 

[قمر كويتي]

حبيبتي كلنا مرينا بالمرحله هذي ياما اهلنا امنعونا من شغلات ماعليه تحملي ترى والله والله اهلج يحبونج وابوج طيب ويموت عليج ويحبج ويخاف عليج اذا ودج تغيرين جو خلي بنت عمتج تيي عندج مو اله تطلعين سوق ما سوق بروحكم مبين من كلامج انج توج صغيره لان تقولين اذا رحت الكلية
ماعليه صدقيني هذا كله حب ب حب بس الواحد مايحس بحزتها لي كبر يحس ب هذا الحب ووده لو الايام هذي ترجع
انا ابوي الله يرحمه يوم كنت كبرج عادي في وايد امور ما خلونا نسويها اليوم تخيلي لو بس يرجع ابوي ولو تقولين اقعد انثبر بالبيت حتى تلفزيون ما اشوف عادي عندي بس لو يرجع
الابو غالي غالي لاتحطين ببالج ان جذي لا
في ناس تخيلي اهلهم مايدرون عنهم 24 بالشوارع
بوسي راس ابوج واذا قالج ماكو سوق قومي قوليله احبك يايبه احبك

 

[^_^ الراقيه]

طيب ليه ما تتحجبون عشان تبتعدون عن التحرشات

 

[دلوعة أبوهآ]

الله يعينك

 

[amal ksa]

خلاص انتي انولدتي ببيت كذا ارضي فيه وقولي الحمدلله وحاولي تخلين امك تطلع معك اكيد بيوافق ان شاءالله
وحلو انك تروحين زيارات والجمعيه هونيها وتهون تحياتي لك

 

[ورود كويتيه]

هو رافض طلعة البنات فقط ...

لو تقولين له بروح مع اخوي واختي بيقول عادي لان اخوكم معاكم ..

او اذا معاج امج ماراح يقول شي ...

بس بروحج مع بنات اكيد بيرفض وهذا لمصلحتج صدقيني ..

يعني بنات بروحكم وطالعين اكيد مليون بالميه راح يتحرشون فيكم هالشباب اللي لاشغل ولا مشغله حتى العجايز والخدامات يغازلونهم ولا يخلون احد بحاله ...

فتاكدي ان اي شي يقوله ابوج لمصلحتج

 

[مفحطه بالجامعة]

احمدي ربتس واشكريه عندتس ابو يخاف عليتس


غيرتس يتمنئ هالشي

 

[معزوفة عشق&]

هونيها وتهون
دايم ادعي ربي يحنن قلبه عليكي

 

[A L F A J R E Y]

حبيبتي ابوج اكيد سمع وايد سوالف عن الي يصير والله ماينلام وصلت الحين لي خطف البنات

الله يعينج وان شاء الله يخفف شوي

 

[طموحه بزياده]

حاسفه فيج

الزهقه والملل والقعده بالبيت تسبب اكتئاب واحس توصل للجنون


حاولي كلمي امج اخوانج اطلعي ويا امج خب بنات عمج يجون بيتكم بدال ما تروحين لهم

 

[أم خشم]

والله من زمننا يخووف
وبعدين انتي شايفة الانحطاط اللي وصل له مجتمعنا ,, من عذره يخاف عليج ,, و الله نشوف شوفات و نسمع سوالف تشيب الراس ,,
لا وبنات بروحكم ,, البنات مع اهلهم و معاهم رياييل ما يسلمون من قلة ادب و وذوق ,, بعض الشباب و الحين لا حت البويات قاموا يغازلون , يتحرشون
الاجتماعي اجتماعي بكل مكان ,, واجتمعي مع البنات ,, عادي شنو المشكلة ,, بس في البيت ,, وحمدجي ربج ان ليما الحين في ابو من هالنوع ,, الحين عادي صارت العالم ماتخاف على اعراضها ,, وهعالشي يرفعج ححتى جدام اللي بيتزوجج باجر ,, بيقول بنية مستورة و اهلها محترمين مو من باب لباب
سوري يمكن كلامي ,, يزعلج او يضايقج وو بس انا ابي مصلحتج ,,
والله يوفقج ,, حبوووبة

 

[Tom ♥ Jerry]

,

حياتي ابوج مآ يحبج تطلعين مع بنات بروحكم !
و خصوصا بهالفتره الزمن يخرع و الشباب و البنات يخرعون و الله .،
لج حلول ثانيه طلعي ويا آمج ويا يمعه حريم و بنات
و روحي تمشي ويا البنات شوي .. أو قولي حق البنات اييون لج بالاسبوع مره ..
سوو زوآره بينكم و بين بعض على الاقل تغيرون جوو !
يمكن مع آمج آهوة مآ يمآنع انتي روحي ويا آمج و قولي حق عمتج و يا بناتهآ آيون .، :$

 

[Patcholli]

هاذا الابو اللي يعرف يربي حبيبتي ابوج يخاف عليج من المصايب اللي نسمع عنها ونشوفها بهالوقت
احنا بزمن يخوف ماصار في شي يردع ولا يمنع عيال الحرام من اي شي ..
حمدي ربج ان عندج ابو يخاف عليج والله ماراح تحسين فيها لين تتزوجين وتيبين عيال بتقولين ابوي ربانا صح
والله يا عزيزتي اني اسمع يوميا سوالف تشيب الراس ..
ام 13 سنه صارت تكلم وتتعرف على شباب ..!!
المتزوجه صارت تكلم ..!!
ام 50 سنه صارت تكلم ..!!
وجان زين على المكالمات وبس الزنا صار مثل شربة الماي ..!!
ماتبين ابوج يخاف عليج ..؟؟؟؟؟؟؟؟؟؟؟؟؟؟؟

 

[ابـيـض واسـود]

من خووفه علييج من هاالزمن الاغبر