ليش الويفي ما يثبت :( ؟؟؟

[احلى جورية]

السلام عليكم


عقدتي مع الويفي اني كل ما سويته بالفير واحط بعده السبريه
بالبدايه يطلع حليو بس من اتحرك شوي يصير شعري سترييييت ولا كأني سنه قاعده اسويه :eh_s(2):
ويصير شكله خايس لانه عليه سبريه وصاير ستريت يعني يصير شكله مدهن
ودي اعرف اللي يسوون ويفي وثابت
بشنو يثبتونه :krkrkr:
ابي نصايحكم وتجاربكم :eh_s(22):

 

[عادت ذكرياتي]

ليش ما تجربين الفوم ؟؟؟؟؟؟؟؟؟ يثبته اكثر %%%

 

[احلى جورية]

شلون طريقته ؟
و أي ماركه ؟

 

[manoooram]

صالون بيتي بوب يضبطونه لج اينن صراحه
عموما اهو يستشورونه ويسوون الويفز تالي يرشونه بسبري الشعر

 

[اميرة زوجي]

شو طبيعه شعرك يعني ناعم كتير ؟؟ ممكن بسبب النعومة الزيادة ما بيثبت
جربي لفافات الشعر و اتركيه فترة طويلة
وكتري سبرايه او فوم​

 

[احلى جورية]

لا مابي صالون أبي أنا اسوي بنفسي ويثبت

شعري عادي مو ناعم بس دهني شوي وأنا استشوره بعدين أسويه بالفير وارش السبريه بعده
وما يثبت كلش بسرعه يصير ستريت

 

[نبض شرياني]

انا مثلج بعد بس انا شعري ناعم ودهني

مو كا الاجنبيات والفلبينيات يسوونه ويثبت وشعرهم ناعم حيل

كل اسوي وحده الفها ببلش بالثانيه تطيح اللي قبلها ولا جني مسويه شي

اذكر وحده من العضوات قالت تاخذين قشر الموز وتنقعينه بماي وعقب تاخذين الماي وتحطينه برشاش

تقول يثبت الشعر لمذه اطول

ودي اجربها هاليومين لان عندي عرس لازم اسوي بروفه

 

[عيميه عسوووله]

بنات استشورو بعدين حطوم فووم ويلا بلجمعيات وسوو بلفير بعدين سبريه. وممكن يكون فيركم موحار وايد.

 

[احلى جورية]

بلا الفير حار وبالبدايه يكون زين
مو واو بس حليو بس ما يثبت كنت احط سبريه
بس أنتوا تقولون فوم
بتوكل ع الله واجربه
بس بعد ما اشوف تجاربكم بأحسن فوم واحسن طريقة أثبت فيها الويفي

 

[بنت احلام]

نفسي يختي

 

[مليكه اوفقير]

اول حاجه لاتستشورين شعرك كثير استشوريه على خفيف
يفضل تستخدمين فير تيفال او سيراميك التيفال جوسي ايبر والسيراميك انفنتي بتحصلينه بيومارك انا مجربته مرااا روعه وحااااااار مرااا
بعدين خذي خصله مو متينه ولا دقيقه خليها وسط وطولي على الخصله لما يدخن الشعر
وان شاء اكون افدتج

 

[(TigerWoman)]

شوفي انا ما خليت شئ ما جربته ما فاد معاي الشعر الناعم مستحيل يثبت :/ ​

 

[Killer^Girl]

انا حتى لما اسويه بالصالون ما يثبت
يمكن من الحجاب؟

 

[كراميل--82]

حبيبتي سبحي بس لاتستشورين شعرج واهو اشوي ناشف اخذي خصله خصله ولفيها باللفافات اللي جنها قلم تلاقينها عند محلات النسايم وربعه لفيها من الليل بس حطي سبري تثبيت قوي ونامي فيها اذا تبين نتيجه حلوه وتطول وبعدين عقب ما تفلينه لاتفججين الخصل الا بالمكان اللي بتروحيله وكل خصله سويلها بف انا بنتي شعرها سايح واذا سويته يتم الى ثاني يوم
ادري قرقت عليج بس جربيها وراح تدعيلي
واذا بتشوفين الطريفه دشي على اليوتيوب وشوفي الفيديوات

 

[am-abood]

لاتستشوري شعرك لان مابيثبت بس مرري السشوار عالسريييع

 

[((غلاي))]

سبريه كثريه
و الفوم احلى بعد

 

[dnyay_mll]

مايحتاج هذا كله
انا اسويه دايما
روحي الجمعيه واخذي فوم قوي لوريال او اي ماركه بس درجه الثبات تكون قويه اكثر من 3
مشطي شعرج واهو مبلل وحطي الفوم كثري منه ونزلي راسج لي تحت ورديه مره ثانيه عادي بايدج ان شاءالله تكونين فاهمه الحركه وخليه ينشف بروحه اذا شعرج قصير
واذا طويل نشفيه شوي بهوا السشوار
وبعدها شوي سبراي وسلامتج

 

[Fajory]

لازم تستخدمين مثبت خاص للويفي قبل لا تسوينه بالفير وفي ماركات وايد بالجمعيات الكبيره مثل سيتي سنتر ومحلات الصالونات دوف نوع زين
ان شاء الله يساعدونج هالفيديوات

Heatless Waves - YouTube



How To: Perfect Curls - YouTube


Big Fluffy Curls - YouTube



BIG 80s HAIR! How to get lots of curls! - YouTube



Full Sexy Curls - YouTube

 

[Lady H]

في طريقه حلوه جربيها
يبي خصله صغيره ورشيها سبريه ومشطيها
بعدين سويها ويفي وخليها 30 ثانيه
بعدين ردي رشي سبريه

اول ما تخلصين شعرج لازم يكون دوائر جنج حيييل مسويته عادي
على ما تبدلين وتتمكيجين بعدين حطي اصابعج بين شعرج شوفي شلون يصير روعه
وعقب ربع ساعه يبدا يهبط ما يصير شكله وايد اوفر يصير طبيعي

 

[احلى جورية]

بنات انا ابي ويفي اللي بالفير مو كيرلي اللي يكون عشوائي ..

وجربت حطيت السبريه بالطريقة اللي قبل الفير واللي بعده ونفس الشي ما يثبت

الحين ابي اجربه بالفوم بس ابي اسم احسن فوم جربتوه

فجوري .. المثبت قصدج غير السبريه ؟؟