ليش الناس مخترعة من ابرة الظهر

[ام غازي الصواغ]

هااااي بنات عدت والعود احمد مع اني ما غبت عنكم 24 مطيحة بالمنتدى خخخخخ
انا عندي استفسار لأن هالشي محيرني اللي بعرفه ليش اغلب الحريم يخافون من ابرة الظهر وما ياخذونها حزة الولادة يقعدون بالساعات يتعذبون ولا ياخذونها؟
مع انها حلوة ومريحة وانا عن نفسي مستحيل اولد وما اخذها حتى في دراسة مسوينها عن التخدير اثناء الولادة وخلاصة هالدراسة ان ابرة الظهر احسن من باقي المخدرات ومالها اي اثار جانبية
اتمنى المشاركة واذا عندكم تجارب عنها قولوا

 

[q8nina]

رد : ليش الناس مخترعة من ابرة الظهر

انا كنت رافضتها ووقت الولاده ويوم حسيت بالعوار طلبتها

الحمدلله ماحسيت بولا شي

والله انصح الكل ياخذها

 

[ملكه الحطب]

اختي ام غازي انتي للحين ماولدتي ؟

 

[احلى سماء]

اذا الدكتور ما يفهم ممكن تجيب شلل بعيد الشر

 

[دانة الخير]

بنات اللي تقول تسبب شلل هذا كلام غير صحيح اطلاقا

 

[miss-winter]

بروحي خايفه منها

 

[آهات الليل]

انا عن نفسي خذيتها بولادتي الثانيه قبل لا اولد بساعه ونص ريحتني واااااااااااااااااااايد اللي يشوفني وانا قبل لا اخذها يقول خلاص بتموت ولما خذيته تقولين جذابه خخخ اللي مساع قعد تتعور
المهم بعد ولادتي بيومين شصار؟؟؟
صداااااااااااااااااااااااع قوي بدرجه ماتتصورينها بينفجر راسي ولا راح الصداع عوار ظهر من العزيزو لي النخاع وممدود عالذراع تخيلي كأني معوقه ولا راح يرد الصداع وهذي حالتي لمدة اسبوع تخيلي ماشفت الشمس قاعده بداري انا وبنوتي اسبوع ماشفت ويها بالشمس هههههههه
وكله ارجع تكرمين لما اكل يعني تعبت والعوار يمممممممممممه لايطاق الله لايعوده علي
انا اعتقد يمكن صار فيني جذي لان فيني فقر دم وضعيفه حيل عشان جذي اثرت فيني حيل
غيري ماشالله خذوها وماصارلهم شي ماشالله
انا عشان جذي اخاف منها وماظن باخذها مره ثانيهالله يقدرني وماخذهااااا

 

[أم حمودي**MALL**]

اذا الدكتور ما يفهم ممكن تجيب شلل بعيد الشر

ترى هالابره ما يقزها الا دكتور تخدير يعني مو دكتور عادي او ممرضه!!!
ومكان الابره بعيييييييييد عن الحبل الشوكي

 

[دآنة آلرشآيده]

انا وحده من الناس اللي مخترعين منها
الصراحهـ مكانها يخرع وبعيد شكثر اسمع
عن حالات شلل والله ودي اخذها اخاف من الم الولاده
بس هم اخاف منها وانا بجر ومحتاره بصلي استخاره واشوف

 

[كويتيه ومن قدي]

انا ان شا الله ناويه عليها كل اللي اعرفهم خذوها ويمدحونها وموجوده بالمستشفيات الحكوميه بعد

 

[عاشقة^زوجها]

نصحوني فيها والله .. بس هم خايفه .. وانا قايله مابي لا كمام ولا ابرة ظهر .. شكلي اول ما بدش المستشفى بطلبهم لول
الله يسهل يارب ومانحتاجهم يارب

 

[غنوة ستايل]

سبحان الله في حريم تخاف
صراحه انا حيل خايفه منها خاصه اني شفت نتايجها على وحده لها الحين 5 سنوات في مستشفى الصباح شلل كامل .

 

[غنوة ستايل]

نصحوني فيها والله .. بس هم خايفه .. وانا قايله مابي لا كمام ولا ابرة ظهر .. شكلي اول ما بدش المستشفى بطلبهم لول
الله يسهل يارب ومانحتاجهم يارب

لا كمام ولا ابره تولدين بالبر .. والله يعور ياقلبي الله يكون بعونج ومأجوووره يارب

 

[جبنة بيضة]

اريح شي الكمام

 

[انامل كويتيه]

في ناس تتحملها وفي ناس ما تحملها
انا من الناس اللي ما تحملتها ولا افكر اطلبها مره ثانيه

 

[أغلى حبيبه]

رد : ليش الناس مخترعة من ابرة الظهر

انا جربتها والحمدالله ماصار شي

والحين بعد انش اءالله باخذها

واختي والده بالصباح ومعطينها والحمدالله مافيها شي

 

[حرم يوسف بيك]

رد : ليش الناس مخترعة من ابرة الظهر

انا عن نفسي مااراح اخذها ولاافكر اخذها كلش اخر ولادة لي طلبتها ودقوا على دكتور التخدير وانا حاطة الكمام وافكر واتخيل. دكتور التخدير جزار شايل معاه جنطته واااااي جان اهون وقلتلهم لا خلاص مابي ابرة ظهر كل هالعوار تحملته وحسيت بالالم شفايدة ابرة الظهر الحين

 

[الكاااااادى]

أنا صراحة ماجربتها ... جربت الكمام والحمداللة ثلاث ولادات صج أحس بعوار بس مووايد وكلة أجر أن شاء اللة ....

 

[ملح بدويه]

آآآآآآآآب

للفايده

 

[Flana@]

رد : ليش الناس مخترعة من ابرة الظهر

Up
Up
Up