ليش المرة ماتطلع من بيتها اذا تهاوشت مع ريلها

[atc666]

بنات عندي سؤال ليش الوحده اذا زعلت مع ريلها الكل يقولها لاتطلعين بره بيتج يعني اذا تهاوشت مع زوجها وطردها ليش تقعد ؟؟ ليش ماتروح بيت اهلها ترتاح وليش دايما اسمع الكل يقول الريال اهوا اللي يطلع المره ماتطلع شنو السبب انا متزوجه وموفاهمه هالسالفه ؟؟؟؟

 

[Kensington]

يمكن عشان مايرجعها ويطلقها

 

[غلآ نوآف]

اذا هو طردها وماحشمها
ف ابدا لاتلتفت لاي مخلوق يطلب منها عدم الطلوع من البيت لبيت اهلها
كل شخص عنده كرامه
ولازم الزوج يتحاسب
الاحترام واجب بين الطرفين مهما وصل فيهم الزعل
لكن اذا تخالفوا وتطلع واحد نصحها لا
ف مايخالف لان طلوع المراة من بيتها بدون رضى زوجها تاثم عليه والله اعلم

 

[الفراااااشة]

اي دونت نوووووووو

 

[~*~الملكة~*~]

لان ماراح يرجعها ويقولها مثل ماطلعتي بروحج تردين بروحج

واذا طلعتي تقسين قلبه عليج وويعاند اكثر

لكن لما يشوفج جدامه يحن قلبه

 

[هذا مزاجي]

اذا طردها شي طبيعي تطلع
الكرامه فوق اي شي دام طردها اكيد
مايبيها فماله داعي تتلزق بواحد ماحشمها
اما اذا صار زعل عادي الافضل الزوج اهو
اللي يطلع عشان ترتاح نفسياتهم الاثنين
اهو يغير جو ويحاسب نفسه وهي تقعد بروحها
وتحاسب نفسها فهمتي.؟
والله يسخر كل زوجين لبعضهم

 

[دلوعة صلوح]

مع لى فوووقى

 

[sosowaty]

اااااااب

 

[أم حورية]

لان ماراح يرجعها ويقولها مثل ماطلعتي بروحج تردين بروحج

واذا طلعتي تقسين قلبه عليج وويعاند اكثر

لكن لما يشوفج جدامه يحن قلبه

كلامها عدل ولان اذا طلعت حتى لو حنو حق بعض وودهم يرجعون الريال راح يكابر ويقول خل ترجع مثل ما طلعت واهي راح تقول ليش اهو ما يراضيني وراح تتعقد السالفة وترئ واااايد حالات طلاق تصير بسبب تااافه وتطلع من البيت والاثنين يكابرون وكل واحد يبي الثاني يراضيه فتتعقد الامور ويصير طلاق

وهم عشان لا يتعود على غيابها ويصير عادي عنده وهم انصح ان اذا تزاعلو المفروض المرا ما تنام بغرفة ثانية وتظل تنام بفراشها عشان يتعود على وجودها حتا واهم متزاعلين

وبعدين سبحان الله حتى اذا تطلقو الشرع يقول ان المفروض تقضي عدتها ابيت الزوجية حتا لو هالشي مو عاجبهم او الريال مو راضي وتقدر تكشخله جوود يحن قلبه وترد الامور ومجرد ما يصير بينهم جماع ييعتبر ان ردها بذمته

هذا واهم مطلقين الشرع يقول لازم تظل ابيتها لين تخلص العدة فما بالج واهي على ذمته ومتزوجين

وسوري عالقرقة وعسى الله لا ييل الزعل بينكم *

 

[سمر شمر]

مع اللي فوق

يعطيج العااافيه

 

[dubai girl]

لان هذا بيتج خلاص انسي بيت اهلج
بيت اهلج وقت ماكنتي عازبه بس
اذا طلعتي معناته خلاص طلعه مالها رده
انااستغرب من الي تزعل اترد بيت اهلها !!
مسلسل مصري هو ولا كويتي
الواقع يختلف عن المسلسلات
بعدين بيتعود على طلعج وانتي الي بتندمين

 

[aloooya]

upppp

 

[Queenleo]

اذا قصدج مناجر عادي
فصح المفروض ماتطلع
البعد اييب الجفاء
واغلب الرياييل اذا شافوا حريمهم جدامهم يطخون
بس اذا قل ادبه ووطردها
لا والله اطلع ونص

 

[منال $]

اعتقد لانة الحريم لو طلعت من البيت وؤاحت بيت اهلها راح يكبر الموضوع وتزيد المشكلة
لكن الرجال بحكم عقليتو راح يزعل شوي برة البيت وبالنهاية راح يرجع
ومو حلوة الزوجة كل مازعلت من زوجها تركت البيت ومشيت مش عيشة هيك

 

[om.googi]

يطردني وأقعدله !! شهالعلج اليديد !!

لا يبا الواحد يحس ع دمه وما تهون علي كرامتي اقعد له ثانية أصلا ..

طبعا يعتمد بسبب الخلاف ..
ساعات اهو اذا عصب يقط الكلام ويمشي من نفسه ويكون من داخله متحسف
ويدري انه لا رد راح يعتذر فا مو حاب السالفة تكبر وقال يخففها بطلعته من البيت .. ومرده لبيته ..

اما البعض يطيرون لأقرب شاليه عند ربعهم ويباتون بالأيام وطاف والمرة تدقدق يا عوينتي وبخاطرها تتأسف وتتزقرت له
واهو بربييييع ( الجهاز مغلق ) أغلق الله راسك ..

الزواج مو بس حب ويهال وغدا ونظفيلي وغسيلي واكويلي
لاا الزواج احترام قبل كلشي ..​

 

[صادقة بكلمتي]

لان ماراح يرجعها ويقولها مثل ماطلعتي بروحج تردين بروحج

واذا طلعتي تقسين قلبه عليج وويعاند اكثر

لكن لما يشوفج جدامه يحن قلبه

معاها وعلشان جذي الله بالطلاق الله لا يقوله ويذوقه لوحده يامرها تقعد بنفس البيت علشان البعد جفااااااااااا والله يسخر كل ريال حق مرته اللهم اميييييييييييييييييييييين:yaaaaaarb:

 

[Miss^NeozZ]

اذا طردها ملزومه تطلع يعني !!

اما هوشه عاديه ومادري شنو شكو تطلع : | مو لعب السالفه :×

 

[مـزآج ــــية]

صج لازم المره ما تطلع من بيت ريلها الا لسبب جاايد حداا اذا طردها من البيت مثلا او طقها او تزوج عليها غير جي ما له داعي

لانه اذا طلعت من البيت اكثر شي ما راح ترد له مره ثانية

يعني لو تكون في مشكلة صغيرونه اوكي تزعل بدون لا تطلع من البيت لانه عقب كل واحد يقعد يعاند الثاني المره تبي الريال يراضيها و الريال يقول مثل ما طلعت بروحها ترد بروحها

 

[سمسمة كويتية]

لان باختصار حبيبتي هذا بيتج و الله سبحانه الي قال جذي شوفي هالآية: "وَاتَّقُوا اللَّهَ رَبَّكُمْ لا تُخْرِجُوهُنَّ مِنْ بُيُوتِهِنَّ وَلا يَخْرُجْنَ إِلاَّ أَنْ يَأْتِينَ بِفَاحِشَةٍ مُبَيِّنَةٍ ) الطلاق:1

من بيوتهن مو بيوتكم يعني هذا بيتها و ما تطلع الا بفاحشة مبينه مو كل ما زعلت تطلع

 

[أميره بلا قصور]

مع سمسمه