ليش العرب فيهم نحاسه مو طبيعيه ؟

[diamond doll]

:eh_s(17):السلام عليكم

اول شي انا مانزلت هالموضوع عشان ادور هواش او لاني مريت بموقف او اي شي


بس لان ادري ان كلنا بنات واكيد كل وحده ودها تصير احلى من الثانيه والكل يطالعها اهيا بروحها


وعشان جذي اغلب الحريم فيهم نحاسه مو طبيعيه بس حلو ان كل وحده تساعد الثانيه

لان بعدين ممكن تمرين بمشكله وتبين مساعده بس ماتلقين احد يساعدج وماتلقين حل

وانا راح اعترف لما كانو يسالوني عن شي ماكنت اقول بس ادخل النت اكتب عن كل شي واتنرفز
بعدين لان ماشوف وايد ردود وجذي واتحسف


بس الحين تغيرت واتمنى كلكم تتغيرون يعني الاجانب مو احسن منا واعتقد ان سبب تطورهم اهوا
انهم متعاونين ومو نحس


ووايد ناس يحسون بالياس وضيقه الخلق لان فيهم عيوب ومشاكل ومو لاقين لها حل واحنا نعرف
شنو الحل بس مو قاعدين نساعدهم .. مو حرام ؟


الرسول صلى الله عليه واله قال لكل داء دواء .. بس ليش خاشين كل شي وماتبون احد يعرف عنه
؟!


وحتى تشوفون كل المواضيع بالمواقع العربيه منقوله والسالفه الوحده تتكرر مليون مره واذا واحد
صار مرض يدور بالمواقع الاجنبيه معنه احنا نعرف اكثر منهم وعندنا سوالف اشكثر احسن منهم


مادري اذا هالشي بالفطره او لا بس ارد واذكركم ممكن بعدين تمرون بمشكله بس ماتلقون لها حل


وان شاء الله تغيرون هالشي فيكم مثل ما انا غيرته


واتمنى تتقبلون موضوعي برحابه :eh_s(7):

 

[ميس2008]

كلامج وايد صح .. فعلا نحنا عندنا عقد ماادري من وين يايبنها !!
دينا يقول حب لاخيك ما تحب لنفسك .. وين نحنا عن هالكلام
و الله الكلمة الطيبة صدقة و المساعدة اللي نساعدها لاي حد ما تضيع عن رب العالمين
مشكورة على موضوعج

 

[لحظآتَ]

احب التغيير يكون نابع مننا شخصياً

اكره سالفة اننا نقارن نفسنا بهذيك الشعوب الحيوانية عزكم الله ...

هذول عايشين ليومهم وان شاء الله حنا احسن منهم وابرك منهم .. فـ بتكلم بشكل قومي مالي شغل بالأجانب

/


حنا الله يهدانا بكل شيء تقليد حتى بالنحاسة نقلد بعض !
لو تلاحظين حريم اول شزينهم ... وكل وحده تبي الخير للثانية وتنصح وتسوي وتعطي بضمير وإخلاص

الحين اعوذ بالله تسألين شنو ماسكرتج فلانه ؟ من باب المجامله والله يعني علبو انه عندي سالفه خخخخخخخخ

تحقر أو تعطيج ماركة غير اللي حاطتها !

زين يبا شدعوة عليييييييييييج ,

انا صراحة اعتبرها [ قلة عقل ] ... ونقص !

ولا ماكو سبب حق هالأمراض !! الا النقص وقلة العقل !!!

/


أتمنى نصير حريم راقيات وعاقلات .. ونكبر عقولنا !!


مشكوره حبيبتي

 

[diamond doll]

مشكورين على مروركم

 

[PuPa^^SWeeT]

شوفي قبل كنا انعرف اكثر منهم


قبل كنا متعاونين اكثر منهم


قبل قبل



الحيين انعكست الاية


لأنه مهما يكونون قليلييين ديين ولا دينهم ماسوني ولا يهودي ولا بوذي



كلهم يد وحدة


وكلهم يهمهم التطور قبل الخلافات الشخصصية

وكلهم قاعدين يسنون قوانين تقريبا تطابق التعاليم الاسلامية ي التعامل مع الاخرين




بس احنا كل سنة ابتعاد كبير عن الددين


كل سنة نتفنن بامور تغضب الله




النحاسة ياقلبي ياية من ابلييس اللي يقول لاتقولينلها او لاتقوله تبوونهم يصيرون احسن منكم

 

[الزورق222]

احب التغيير يكون نابع مننا شخصياً

اكره سالفة اننا نقارن نفسنا بهذيك الشعوب الحيوانية عزكم الله ...

هذول عايشين ليومهم وان شاء الله حنا احسن منهم وابرك منهم .. فـ بتكلم بشكل قومي مالي شغل بالأجانب

/


حنا الله يهدانا بكل شيء تقليد حتى بالنحاسة نقلد بعض !
لو تلاحظين حريم اول شزينهم ... وكل وحده تبي الخير للثانية وتنصح وتسوي وتعطي بضمير وإخلاص

الحين اعوذ بالله تسألين شنو ماسكرتج فلانه ؟ من باب المجامله والله يعني علبو انه عندي سالفه خخخخخخخخ

تحقر أو تعطيج ماركة غير اللي حاطتها !

زين يبا شدعوة عليييييييييييج ,

انا صراحة اعتبرها [ قلة عقل ] ... ونقص !

ولا ماكو سبب حق هالأمراض !! الا النقص وقلة العقل !!!

/


أتمنى نصير حريم راقيات وعاقلات .. ونكبر عقولنا !!


مشكوره حبيبتي

معاج ضد حريم النحاااسة هههههههههههههههه

يازين عقل المرأه وبالذات المراه التى لاتحسد اختهااا والله عيب الوحدة تبخل على الثانية بمعلومة ..

 

[manoooram]

تدرين المشكله مو بتصنيفة الغرب أو العرب
المشكله بالانسان نفسه بغض النظر عن جنسيته و انتماءه
انا اذا احد سألني برد وبجاوب واذا ما أعرف بقول ما أعرف
لكن المشكله بالشخص اللي جدامج لمن تكون سبق ان سألتج سؤال وماعندج جواب لسؤالها
هني تنتهز اقرب فرصه تحصل على شان بس ترد على سؤالج بأن ما أدري مع العلم ان عندها الجواب بس ماتبي
يعني شسوي أكذب على شان أرضيج ولا أألف !!
الحمدالله والشكر والله حاله
وين وصل التفكير والعقل فيهم البعض !!

 

[ترانيم القصيم]

المفروض الواحد لما يساعد الناس حبيباتي يحتسب الأجر في ذلك ,,

و يخلي نيته لوجه الله ,, مهوب عشان نلاقي شكر من أحد أو ردود أو شي من كذا ^^

لازم نتعلم كيف نآخذ أجرنـا ( من الله عز و جل ) مهوب ( من البشر الضعيف )

و بلا شك لا يكون الأجر من الله إلا في إخلاص نية العمل ( لوجهه الكريم ) ,,

بارك الله فيك يا عسل ,, يا لبى هالطرح الزيــن ^_^

احترامي و تقديري

ترانيم القصيم

 

[اشلون يعني &]

موضوعج
حلووووووو
الحيين الى تعلم صاروا يقولوا عنها ساذجه

 

[Uou0Uo]

مووووضوعك يهبل هههه
يسلمو بالبداية
وبصرااحه عجبني حيل اعترافك بالخطا الله يكثر من امثالك بهالمنتدى باتكلم بصراااحة احس مايدخلون مواضيع الا اللي تشدهم او العضوة اللي كاتبة الموضوع اذا كانو صديقات دخلو كثير طلبت مساعدة من بنات المنتدى ولا حياة لمن تنادي ماادري ايش اسميها بس كل واحد حر بنفسة ومرة كتبت اطلبهم يساعدووني بحاجة المهم الكل مطنش ع الاقل ارفعوا الموضوع بس مافية والمشاهدات هالكثر المهم ارد للسالفة ولمن طنشوا قلت خل اشوف قوقل واكتب شغلتي المهم طلعلي رابط المنتدى وفعلا لقيت اللي ابي انقهرت ان هالشي يتداولة الكثير من البنات بس محد قال بصراااحة اخذت موقف وطنشت وهالموضوع جا ع الجرح واسفة اذا حوست بموضوعك )))

 

[بنوتة الخبر]

مآفي آحد باالككككون مآيحب يككون احححلى وخصوصآ الحريم يععني مو كل مآشفتي
ششي ع صآحبتكك رحتي تسسئلينها ومن بكره تلقينها نفسسك وانتي معآهم طقم

لاشششي مو ححححلو ومو ششرط اذآ معآلمتهآ اني نحيسسه او مآ احب الخخير
اوكك احب الخخخير بس التقليد اكرهه

يععني اهو عن الششخص الي قدآمكك انآفيه نآس لمآ يسسئلوني عن اشيآء خآصه فيني
اخبرهم لـ اني اعرفهم واعرف شخصياتهم وفيه نآس اعوذباالله منهم مسسستحيل اخبرهم

وهذا مو دليل ما احب لها الخخير لاكن تدور خيرهآ بعععيد عني

وجهةة نظري

وشششكرآ اخخختي

 

[غـــلا عتيبى]

حلوووو اوك انا وانتي وكم من خواتنا تعلمنا بس الباقي وفي ناسس لو تقعديين مني لي باجر مايتغيروون يعني الواحد كأنه يتكلم ويا اطررش <<< ردي كئييب ادري بس هذا الواقع يا عزيزتي وانا بحاول اتغير بس اذا شخص ححققير ؟؟
صج حقير حقير وياي ماقدر اكون وياه صريحه واعلمه كل شي لو بتغير ؟؟

 

[حقنة المستبدة]

اختي العرب يملكون صفة تنعدم عند الاجانب و هي صفة النفاق عندما تتعامل مع اي عربي المؤكد ان خناجره سوف تصلك اليوم او غدا و العرب فلاسفة الفهم في اي مكان حتى في ابسط مكان مثلا منتدى سوف تجدين صنفين من الناس اما منافقين يشكرون اي موضوع تكتبين او ذئاب تنتضر فقط لحضة الانقاض عليك ان قلتي كلمة الحق فانتي عدوا مبين و ربما يتحدون مع ابليس لاسقاطك و ان سايرتي حياتهم و نفاقهم فاني تملكين حصانة
ولكني اختي افعلي ما انتي مقتنعة به لا يهمك الاشكال و لا يهمك عقلية العمياء اي عميان العقل ان يحبك شخص باخلاص خير من قبيلة تنافقك
الاجانب يتعاملون معك بصدق و يحترمون القانون بعيد عن جنسيتك او لونك او دينك و من يقول اننا افضل منهم فل يتبث عكس كلامي فحتى الدين الدين نفتخر به لا يوجد عندنا سلوك واحد نطبقه و هذا دليل على النحس و النفاق الذي تتكلمين عليه اختي و سيستمر مدم القناع لم يسقط

 

[غـــلا عتيبى]

الاجانب يتعاملوون بالارقام ولا مايعرفون الاحترام ...


العرب عندهم حسن الضيافه النضافه كافي دينا الحنيــف نفتخر بـه لآخر يووووم من حياتناا


والفرق بيننا نقطة



هم يفكرون أنهم شعب الله المختار، وحنا شعب الله المحتار

والفرق بيننا نقطة



هم يفكرون باستغلال الشعوب، وحنا نفكر باستقلال الشعوب

والفرق بيننا نقطة



هم قدروا يسوون بين بعضهم تحالف، وحنا سوينا تخالف

والفرق بيننا نقطة



هم عندهم المواطن وضعه مزبوط، وحنا المواطن عندنا مربوط

والفرق بيننا نقطة



مواطنون وصلوا لمرحلة الحصانة، بينما حنا في مرحلة الحضانة

والفرق بيننا نقطة



ولو تلاحظ إننا حنا اللي اخترعنا النقطة لما كانت صفر << منقول

 

[قهوة]

الفرق ...هو الوعي ..واللي هو نتيجة التعليم الجيد المثمر .وحرية التعبير اللي سمحت للإبداع أن ينطلق فكل إنجاز عظيم صنعه إنسان عمل بحرية .عندنا مافي وعي كله قص ولصق لأن ما في معرفة أصلا ولا تعليم جيد كل تعليمنا تلقين وحفظ مثل الببغاوات.
ماعندنا أنشطة نمارسها كله نعيب ونتمسخر وهمز ولمز ..لو كتبتي موضوع ما أحد رد لو كتبتي فضيحة الكل يرد وطقاق لحد ما يغلق الموضوع من الزحمة ..

 

[حبي بيرين]

ابي اعرف وش اللي غيرالبشرهو التطور ولا هم بالاصل فيهم الطبع مشكوره خ الطرح

 

[حقنة المستبدة]

لي غير البشر هو البشر وليست نظرية افلاطون او ديكارت

 

[بحرانيـه]

العرب مجتمع شرقي والانسان الشرقي معقد حلو الكلام لووول

 

[أمـــــل]

حلو التعاون والاحلا انج تحسين بمعناة الغير وتحاولين تحصلين حل

تحياتي لج

 

[الصمت الاناني]

ما اتوقع ان المشكله العرب المشكله الانسان ووضعه يعني انا ما اعرف اذا كلمي له اهمي وله لا او بيتضيق او لا
بس الي اعرفه ان الانسان اناني ومهم تقولون ما رحى ابدل كلمي سوري