ليش الريال يخون زوجته ؟؟؟

[امنيه]

السلام عليكم

اذا الحرمه مو مقصره مع زوجها شنو الاسباب اللى تخلي الريال يخون زوجته ؟

 

[رق رق]

الهواش
الكآبه
النفسيه الزفت
عدم النظافه
البيت وصخ
ملابس مو زاهبه
ريحه خايسه
عدم وجود شخصيه ( الريال ما يحب الزوجه الظعيفه)

 

[*آسوومه*]

رفقه السوء
الفراغ !
قله الوازع الديني
جحود من الريال ( ما يملي عينه الا التراب )
طبع


اسباب وايد !
و اذا المره مو مقصره معاه لا تسوي مشاكل على مسج ولا على تلفون
لان الريال مرده لمرته و هي تقزيره
و بعدين الله فوقه و يحاسبه
بس هـآ ما يوصل انه يزني
لان هنيه ستــوووب !
باجر يجيب لها امراض لا سمح الله
لازم يتدخلون الاهل و يصلحون حال هالزوج


و الله المستعــآآن

 

[قديت امي]

اهم سبب اذا ماحبها

 

[Gifts&Occaions]

نفس كلام البنات

 

[فاقده ابوهاااا]

انا اختلف معاكم
اهم شي خوفه من الله اذا يخاف الله ما يخون حتي لو زوجته وصخه وجيكره ونكديه وكل عيوب الدنيا فيها ماراح يسوي الحرام لانه يخاف الله

 

[أريد حلا]

عفوا على هالكلمه الاغلبية : الجنسسسسسسسسسس


زوجته بارده ولا اسلوبها مو معاه جسمها مو حلو ما تهتم بجسمها ساعات تكون ملكة جمال ويخونها كنوع من التغيير

علشان تظل حلوه بعينها سوري عالكلمه بس هذا كلام الرجال

لمن الرجل كله مع امراه وحده يزهق منهاااااااااا خلاااااااااااااص تصير شي عااادي بالنسبه له

عكس المره ما تهون على نفسها وشرفها لمن تخوف تسوي حساب سمعتها بس الريال لا ما تفرق معاه يلعب وياخذ اشرف بنت

واجمل بنت زممممممممممممن

 

[ماني من الناس]

مو شرطً الاسباب من الزوجه

بعد اذا اهو طبعه منحرف شكو تقطون الاسباب كلها ع هالزوجه الفقيره

 

[غارقة بأحزانها]

الوصاخة بدمهم

 

[حلمي وامالي]

والله اغلبهم مالهم امان

 

[أكذب عليك]

دام المرا مو مقصره فهذا الاهم
وبعدين عادي في حريم يخونون الله يستر عليهم
اللي مافي قلبه دين ومايخاف الله عاااااااااااااادي جدا عنده الخيانه

 

[كريستال]

مب اغلبهم الا كللللهم

قالوها المصريين يامامنا للرجال

 

[الجوهرا]

يخون لانه ماكو شغل فاضي المرا هي تودي وهي تجيب وكل شي على راسها وهو حاط راسه وونايم
ووفاضي شنو يسوي يخون ولا بتزوج لانه مو حاس بمسوؤؤليه كلش الفراغ هو اللي يخلي
الزوج يخون زوجته وقلة الوازع الديني

 

[كوكب العرب]

بسم الله الرحمن الرحيم
اسعدالله اوقاتكم بالمسرات والسعاده
معليش يابنات الموضوع ومافيه يرجع لتربيه الرجل وقوة دينه واسلامه وشخصيته معليش مو كلهم ولا اغلبهم يخونون زوجاتهم بالعكس اغلب الرجال اشرف من الشرف وينظرون للبنات الي مو متربين وعيونهم زايغه او البنات الي ماعندهم شرف على انهم اوسخ من الزباله الله يكرمكم جميعا حتى ولو كانت جميله جدا ماتحصلي عليها الى الذباب
وبعدين بعض البنات الله يهديهم اذا راحو السوق او البحر او التنزه الى ضاربه نفسها بالشيطان الرجيم كانها عروس عطور ومكياج ولبس وعيون كنها تقول حياكم الله
وبرضو الزوجه عليها ملام الي تهمل نفسها وبيتها وزوجها بعد المفروض يكون بينهم تفاهم وشوي نصايح وتذكير بالله والعقاب وعندي فكره ليش ماترسلون لازواجكم وت ساب او رسايل عامه علشان ماتحرجونهم بموضوع العقاب ومخافة الله واثار البلاوي ذي من امراض ومشاكل الصحه ومثل كذا يعني بصفه عامه ولاكن على سالفة المثل العلم لك ياجاره هههههههههههه تقبلو حبي ربي يسعدكم

 

[احلامي غير]

والله ضعف الدين والخوف من الله واذا كانت المرة قايمه بكل شي تودي وتجيب وتدفع ومريحته على الاخر اكيدبيفكر بوحده يتحمل مسوليتها واحيانا تربيته ومعروف ان كان صالح واخلاق فهو من صغرة وان كان خاين وعيونه زايغه واخلاق دمااار فهو بعد من صغره

 

[بنت الاجواااد]

مو كل شي من الزوجه بعضهم الخيانه بدمه وبعضهم مايخووون بس الاغلبيه بصراحه لان زوجته تكون مقصره من ناحية لبس او نظافه او ماتهتم بجسممممممممممممممممها:rgewrg:
وم:bbbiu:يمكن بعد في اسباب مانعرفها خاصه

 

[امنيه]

واذا كان الريال تزوج وحده على حب وجاب منها عيال و يخوون زوجته
ولما تسالينه ليش تخون زوجتك يقول بينا مشاكل وما ابي اطلقها واشتت عيالي
شنو تسووون بالحاله هذى ؟

 

[رق رق]

واذا كان الريال تزوج وحده على حب وجاب منها عيال و يخوون زوجته
ولما تسالينه ليش تخون زوجتك يقول بينا مشاكل وما ابي اطلقها واشتت عيالي
شنو تسووون بالحاله هذى ؟

عااد لقيتي الريال همه اليهال ، لو يبي يطلق طلق مو همه شي

 

[امنيه]

عااد لقيتي الريال همه اليهال ، لو يبي يطلق طلق مو همه شي

اي والله طلع له حجه باليهال يضحكونى الرياييل

 

[Loloki]

كل ريايل مايترس عينهم الا لتراب

لو شنو تسويله هم مايبين. يشوف ربعه برا شنو يسوون واهو يسوي

علباله فخر كرهت زواج بسب زوجي