ليش البنات فيهم نحاسه مو طبيعيه ؟

[diamond doll]

السلام عليكم


اول شي انا مانزلت هالموضوع عشان ادور هواش او لاني مريت بموقف او اي شي


بس لان ادري ان كلنا بنات واكيد كل وحده ودها تصير احلى من الثانيه والكل يطالعها اهيا بروحها


وعشان جذي اغلب الحريم فيهم نحاسه مو طبيعيه بس حلو ان كل وحده تساعد الثانيه


لان بعدين ممكن تمرين بمشكله وتبين مساعده بس ماتلقين احد يساعدج وماتلقين حل


وانا راح اعترف لما كانو يسالوني عن شي ماكنت اقول بس ادخل النت اكتب عن كل شي واتنرفز بعدين لان ماشوف وايد ردود وجذي واتحسف


بس الحين تغيرت واتمنى كلكم تتغيرون يعني الاجانب مو احسن منا واعتقد ان سبب تطورهم اهوا انهم متعاونين ومو نحس


ووايد ناس يحسون بالياس وضيقه الخلق لان فيهم عيوب ومشاكل ومو لاقين لها حل واحنا نعرف شنو الحل بس مو قاعدين نساعدهم .. مو حرام ؟


الرسول صلى الله عليه واله قال لكل داء دواء .. بس ليش خاشين كل شي وماتبون احد يعرف عنه ؟!


وحتى تشوفون كل المواضيع بالمواقع العربيه منقوله والسالفه الوحده تتكرر مليون مره واذا واحد صار مرض يدور بالمواقع الاجنبيه معنه احنا نعرف اكثر منهم وعندنا سوالف اشكثر احسن منهم


مادري اذا هالشي بالفطره او لا بس ارد واذكركم ممكن بعدين تمرون بمشكله بس ماتلقون لها حل


وان شاء الله تغيرون هالشي فيكم مثل ما انا غيرته


واتمنى تتقبلون موضوعي برحابه
　

 

[Patcholli]

اتصدقين معاي وحده بالدوام صج نحسيه
لي درجة تسولف عن مطعم او كوفي شوب وتمدح فيه بس ماتعلم اسمه
تقول عشان لا يصير زحمه وماحصل مواقف اذا بروح

امبيه حدها فلم لووووووووووول مو صاحيه

 

[عسل مرت قيمر]

اممم

صج في ناس جذي


انا حده عادي


لدرجة اقول حق البنات اذا تبون اوديكم عادي اوديكم

بس شتسوين الناس كل واحد غير عن الثاني


على قولتهم الناس اجناس


مانقدر نغير كل واحد على مزاجنا


وتسلمين علموضوع

 

[طموح لايتوقف]

وربي صادقه في كل كلمة قلتيها

 

[قمر بيت أبوها]

أنا عن نفسي الحمد الله لو تجي وحده وتبغي شغله شاريته حتي مااستخدمتها حلال عليها والله
ياكثر ماشريت لبس ولا كريمات وماتنوجد هذاك الوقت الا بمحلات معينه كنت اتعني واشتريها وقبل ماافتحها تطلبها وحده واقول حلال عليك من كل قلبي بس وش استفدت منهم عين وسحر وقذف الله يبلاهن بانفسهن
انا ضد الصراحه بين الاقارب وبعد ماشفت الويل لي يمكن سنتين مااعلمهم لو ايش
شمعني الحاجه عندك بعرفونها وبيدهم مايعلمون وانتي خير شر ماتسالين
انا عندي استعداد اعلم كل البنات اكبر مني اصغر مني بنات الجيران بنات الجامعه بالنت اهم شي مايقربون لي
لا تلومني والله كل مااشوف وحده اتحسب اعليها اتذكر كل شي زين اعطيهم وبالاخير عيون وسحر وقذف ماانلام
وازيدك من الشعر بيت حتي خواتي قمت اقول لهم بنت عم بنت خال لا والف لا
بس علاقتنا الثانيه حتي غرفنا الخاصه يدخلونها ماعندي مانع
ومشكوره علي الموضوع

 

[عادت ذكرياتي]

صااااااااااجة


الله يكافينا شر النحاسة

 

[•» عزتے تهينگ «]

اي والله النحاسه بكل مكان اووووووووووف

 

[دآآآنــه]

ماادري شنو بيستفيدون !!

 

[Pinky -cat]

اي والله صح كلامج في بنات نحاسه مو صج تعرف شغله وما تقولج ولا تدليج غلط على مكانها او تقولج معلومات غلط

وحتن بالشارع ما توخر ولا تطوفج البنت جنج عدوتها جنه داشين مسابقة وبنشوف منو يفوز شدعوه عليج بروحج

عندج سياره وشاريه الشارع لج بروحج ولله بالطريج تشوفين الشباب يوخرون لبعض ويطوفون بعض ويطقون

سلام لبعض حتا والله موقف صار وياي ويا اهلي ويانا ريال من اهلى اهوا اللى يسوق واحد جدامه بالخط السريع

ولا يطق له اشارة يسار استغربت انا قلت شكو الاشارة اليسار واحنا اصلا ماشين الحارة اليسار وماكو شي يمنا

الا خط الامان سالته والريال اللى جدامنا ما نعرفة واستغربت ودريت عقبها انه الريال اللى جدامنا قاعد ينبه

اللي يصير لنا انه في كاميرا جدام خفف ، شوفوا لي وين المساعدة بدون نحاسة وحقد.


انشاله الموضوع هاذا يغير نفسيات بعض البنات ويصيرون احسن وهم اصابعنا مو سوا في ناس زينة وتنحط على الجرح

يبرا .


بس انشاله االهدف من هالحملة يتحقق ، مشكورة حبوبه

 

[Lemon Juice]

الواحد كل ما حب الخير لغيره مثل ما يحبه لنفسه بيلاقي أبواب الخير مفتوحة جدامة نتيجة طيبة قلبه وصفاء نيته

أما اللي يخش ويمنع المساعدة مو مستفيد شي

بالعكس حلو الواحد يساعد غيره وينشر الخير ويسعى للناس

 

[كيكه توفي]

اممم مادري لان ماحب اسال ولا اطلب من احد شي في شي ابي اعرفه الله يعافي النت

 

[نهى الأحمد]

الواحد كل ما حب الخير لغيره مثل ما يحبه لنفسه بيلاقي أبواب الخير مفتوحة جدامة نتيجة طيبة قلبه وصفاء نيته

أما اللي يخش ويمنع المساعدة مو مستفيد شي

بالعكس حلو الواحد يساعد غيره وينشر الخير ويسعى للناس

والله كلامج عين العقل ياقلبي :rerrerek:


احب الخير لاخيك قبل ان تحبه لنفسك


وعسى ربي يهدي الجميع

 

[>الحنان كله<]

يااااااااااكثرهم اكررررررهم

 

[frozntouch]

استغفرالله ياربي بعض البنات قمه بالنحاسه والحقاره والغيره والحسد
انا والله اول كنت علا نياتي واقدس الصداقه بطريقه مو طبيعيه ودايما اعلم باللي اعرفه وانبهم
واهما بعضهم بستهبلون يسوون روحهم مايعرفون شي واهما كل شي يعرفون
ف بصراحه انا مليت وزهقت من الطراقات اللي حاشتني من البنات
و قمت اتبع نظام الزينه والطيبه معاي اصير معاها سمنه علا عسل
و القشره ام النحاسه مانزل لمستواها بس اطنشها وخل تاكل بروحها


لووووول لا تلوووموووني تراني حدي منقهره من المواقف اللي شفتها وصج صج بعض البنات فراقهم خيره و رحمه

 

[جنون العاطفه]

هذا مجتمعنا الخليجي للاسف ​

 

[manoooram]

الله يبعدنا عن النحاسة ودناءة النفس
الانسان اللي يعطي ويساعد الغير بمحبة وبحسن نية دون مقابل
بيلقى انعكاس و أثر طيب لهالمساعده اللي قدمها ..

 

[PuPa^^SWeeT]

ببدي ردي بكلمة لو خليت خربت


بالعكس ترا واايد بنات نصوحات و حبوبات و يحبون الخير



بس انتي الفئة اللي اتكلمين عنها تنقسم لقسمين


يا انها شرانية و حسوودية : يعني اهي جذي تبي الخير لنفسها بسسس ماتبي لغيرها و هذا مذمووم وربج امر بالتعاون و مساعدة الغير على الخير



واتلاقين المجموعة الثانية : اهيا نصووحة و طيبة و تبي اتساعد بس اتعبت من العيين او اتعبت من اتساعد الناس و محد يساعدها


فا صرتي بويهها اللي ماساعدت رغم انج من طيبتها و شرواها


وساعات بني ادم يحب يتميز بشي له برووحه فا مايعلم احد عنه


ما اقوولج انه هذا صح


بس هذي اطباع



بس بالمقابل فيه الالاف اللي اتحب اتساعد



والمواضيع المكررة بالمنتديات هذا شي مفروغ منه


لأنه اصلن كثرت المواضيع عن نفس العنوان و الsubject



بس المميز اللي يطرح شي يفييد الناس في هذا الوقت و محد فكر فييه للحين



والحمدلله ياربي



اللي يبي يساعد هذا من طيبه و اكييد بيلقاج ولا يلقى احد يساعده لو دارت الدنيا لأنه ربج مايضيع حق احد ولا اجر احد



بس اللي مايساعد يتحمل بالدنيا بعديين يزاه ولا بالاخرة

 

[granted]

عقليات صغيره
صج الاجانب لوتنزلين مشكله بمواقعهم تلقين الردود والحلول فوق الخمسين رد
وربعنا لو ردت عليج وحده ولا دعت لج بوسي ايدج ويه وقفا
الاجانب واهم عقيدتهم محرفه وجذي احس ساعات صفاتهم انبل من عندنا
يعني لمن سافرت تخيلي كنت طالعه من الماركت وبقطع الشارع جان الجيس مالي الايد مالته انقطعت جان تطيح الفاكهه الي انا شاريتها بنص الشارع
جان ماادري الا الي كانوا بيقطعون الشارع وياي كلهم قامو ييمعونهم وياي صج هذاك اليوم عيوني دمعت المشكله يمعوا وتفرقوا مانطروا ولا تبوسم مثل ربعناوحتى ماطالعوا ويهي
صج كلامج انا انصح كل وحده عندها معلومه ماتبخل لان ربي بيحدها بيوم وماتلقى الي يعاونها
مشكوره فديتج

 

[ولااء]

علشان مااسوي نفسي مثاليه الصراحه حلوه انا وحده اذا اللي جدامي تستاهل اقسم بالله تستاهل عيوني بس اذا نحيسه وادري ماتبلعني وربي لو شنو مااقول الف وادور واستعبط عدل والله حالي حالها ليش حضرتها تخش عني واقولها هذا ان دل على شي راح يدل على اني موبعينها ولا تحترمني واذا ماتحترمني مااعبرها خير شي واستحقرها بعد

 

[أحلى البشر]

أكتفي بهذا الحديث لكل نحيسه ولئيمه ونذله وماتحب الخير للناس

عن النبي صلى الله عليه وسلم ، قال : " من سئل عن علم فكتمه جيء به يوم القيامة وقد ألجم بلجام من نار " .