ليش البلاك بيري لاء.؟؟

[ملكهـ علي عرشي]

السلام عليكم ورحمة الله وبركاته

يامتزوجات ليش البلاك بيري لاء .؟

اذا انتى او حق ريلج ممنوع ..

وحده اعرفها كانت بتسوى مشكله وسبه انه ريلها كان بايخذ بلاك بيري وقومت الدنيا وما قعدتها لين خذا اي فون .؟وانتصرت

شنو الفرق بين الاثنين اذا الاثنين فيهم نت ودردشه .؟

سوؤال انتى او ريلج بلاك بيري او اي فون .؟

وليش مايخليج او ماتخلينه ياخذيت بلاك بيري .؟

ويعطيكم العافيه
​

 

[Gourges]

رد : ليش البلاك بيري لاء.؟؟

شنو الفرق بين الاثنين اذا الاثنين فيهم نت ودردشه .؟


في فرق وايد كبير .. اغلب الدردشه على قولتج بالاي فون حق الناس الي تعرفينهم موو ناس غرب خصوصا برنامج الواتس اب الي اهوا شايع بين الناس ومتداول ماتضيفين فيه الا الي تعرفين رقمهم .. والاي فون فيه برامج نفس البي بي ام مال البلاك بيري .. بس شنو هلبرامج مو متداوله ... يعني مو عند الكل فا صعب يلقا احد غريب يضيفه فيهم خخخخ :eh_s(15):
اما البلاك بيري عند الكل فا سهل ان الواحد ياخذ بن كود احد .. وهذا غير القروبات والسخافه والمصاخه .. انا ضد البلاك بيري للريال
الايفون : نت العاب سوالف مسنجر برامج عجيبه ومتنوعه وايبود ..
البلاك بيري : بي بي ام .. بي بي ام .. بي بي ام ... فقط

فا طبعا في فرق


سوؤال انتى او ريلج بلاك بيري او اي فون .؟


انا وريلي ايفون

وليش مايخليج او ماتخلينه ياخذيت بلاك بيري .؟

مثل ماقلت لج البلاك بيري مليق يعني وايد فرق بينه وبين الايفون مميزات جدا مختلفه .. الايفون راقي وعلى قولة ريلي البلاك بيري حق المراهقين لول بس ماسبق اني منعته او منعني ... ليش لاني لمن تزوجت كان عندي ايفون واهوا هم كان عنده ايفون .. وبعدها غيرنا مع بعض وخذينا اليديد وظلينا ايفون ... فا محد منع الثاني بس يت صدفه والصدفه خير من الف ميعاد خخخخ

 

[حبـ admant ـك]

رد : ليش البلاك بيري لاء.؟؟

عادي انا ماشوف فيها شي
انا و زوجي عندنا بلاك بيري
في ناس يحبون يكبرون المواضيع و حتى الثقه مو موجوده

 

[أمواج البحر]

رد : ليش البلاك بيري لاء.؟؟

والله انا اشوف البرامج اللي بالاي فون العن من البلاك بيري

شوفي البلاك بيري انتي تعطين البن حق الناس ... يعني بس اللي تبينه تضيفينه عندج

اما الاي فون سهل جدا اطلع رقم شخص واكلمه بالواتس اب واهو مايدري انا منو

وهذا غير برنامج هوز هير

ببساطه تدشينه وتشوفين هالبروفايلات اللي فيها من كل ساقط ولاقط

لكن الناس ماخذه فكره عن البلاك بيري انه وصاخه وجذي

وبالنهايه هالشي راجع للشخص وتربيته

ماله علاقه اي فون والا بلاك بيري

 

[فوفو22]

رد : ليش البلاك بيري لاء.؟؟

الايفون عندي من سنه

برنامج الواتس اب مسجات مجانية مع الارقام المحفوظه عندج فقط

ولكن برنامج السكاي بي مكالمات خارجية مجانية .....يشبك مع العالم كله

ويتصلون فيج اشكال والوان اذا ما حطيتيه اوف لاين

والباقي كله العاب

واشوفه حلو وما فيه مشاكل بالعكس يوفر عليج فلوس لو انتي وريلج عندكم نفس الجهاز

فوفو

 

[حبيبي مالكني]

رد : ليش البلاك بيري لاء.؟؟

انا عندي بلاك بيري واي فون
وريلي ما يحب هالتلفونات يقول ما يلزمونه بشي
بس لو كان يبي ما عندي مانع كلش
الحمدالله الثقة متبادلة بينا

 

[Adorable]

رد : ليش البلاك بيري لاء.؟؟

احنا تزوجتنا اثنيناتنا بلاك بيري بس انا لما نزل الايفون اليديد قلتله ابي ايفون و اهو لما شافه عندي عجبه و بياخذه لما تنزل الالف لووول